San Juan 21:15 - Ti Baro a Naimbag a Damag Biblia

¹⁵ Kalpasan ti panamigatda, kinuna ni Jesus ken ni Simon Pedro, “Simon nga anak ni Juan, ad-adda kadi ti panangdungngom kaniak ngem dagitoy?” “Wen, Apo,” insungbatna, “ammom nga ay-ayatenka.” Kinuna ni Jesus kenkuana, “Aywanam dagiti urbon a karnerok.”

Ti Biblia (1973)

¹⁵ Idi ngarud nacapamigatda, ni Jesus cunana ken Simon Pedro: Simon, anac ni Juan, adadda ti panagayatmo caniac ngem dagitoy? Cunana kencuana: Wen, Apo: sica ammom nga ayatenca. Cunana kencuana: Pacanem dagiti corderoc.

San Juan 21:15 Iomraidhean Croise

Genesis 33:13

Kinuna ni Jacob, “Kas makitam, agkakapsut dagiti ubbing. Madanaganak met iti kasasaad dagiti karnero ken dagiti baka agraman dagiti agsussuso nga urbonda. No agap-apuratayo ket makarintarda iti uray maysa la nga aldaw, amangan no matayda.

2 Samuel 7:20

Awanen ti mabalinko a sawen, ta ammonak nga adipenmo.

2 Ar-ari 20:3

“Laglagipem, O Apo, a nagserbiak kenka a sipupudno ken iti amin a pusok ket kanayon nga ikagumaak nga aramiden ti pagayatam.” Nagsangit ni Hezekias iti nasaem.

Isaias 40:11

Aywanannanto ti arbanna a kas iti agpaspastor iti animalna. Ummongennanto dagiti urbon ti karnero ket sakruyenna ida; siaanusto a mangidalan kadagiti innada.

Jeremias 23:4

Mangisaadakto kadagiti agtuturay a mangaywan kadakuada. Saandanton a mabuteng wenno agamak dagiti tattaok ket saankonton a dusaen ida. Siak, ni Yahweh, ti nagsao iti daytoy.”

Jeremias 3:15

Mangisaadakto kadagiti agtuturay nga agtulnog kaniak. Iturayandakayto a buyogen ti kinasirib ken pannakaawat.

Ezekiel 34:23

Itedkonto kadakuada ni David nga adipenko a pastorda a kakaisuna ket aywanannanto ida.

Ezekiel 46:24

Kinunana kaniak, “Dagitoy dagiti kosina a pagpuoran dagiti katulongan nga agserserbi iti Templo kadagiti daton dagiti tattao.”

San Mateo 10:37

“Ti dakdakkel ti panagayatna iti amana wenno iti inana ngem ti panagayatna kaniak, saan a maikari nga agbalin nga adalak; ti dakdakkel ti panagayatna kadagiti annakna ngem ti panagayatna kaniak, saan a maikari nga agbalin nga adalak.

San Mateo 16:17

Kinuna ni Jesus, “Nagasatka, Simon nga anak ni Jonas. Saan a tao no di ket ni Amak sadi langit ti nangipaltiing kenka iti daytoy a kinapudno.

San Mateo 18:10

“Kitaenyo diyo laisen ti uray maysa kadagitoy nga ubbing. Ibagak kadakayo a dagiti anghelesda idiay langit, kankanayon nga addada iti imatang ni Amak nga adda sadi langit.

San Mateo 26:33

“Uray panawandakanto amin,” kinuna ni Pedro, “dikanto panawan.”

San Mateo 26:35

“Uray matayak a mairaman kenka,” insungbat ni Pedro, “pulos a dikanto ilibak.” Kasta met ti kinuna dagiti amin nga adalan.

San Marcos 14:29

“Uray pumanawdanto amin,” insungbat ni Pedro, “dikanto panawan.”

San Lucas 12:32

“Dikay agbuteng, bassit nga arbanko! Ta pagayatan ni Amayo nga ited kadakayo ti Pagarian.

San Lucas 22:32

Ngem inkarkararaganka, Simon, tapno saan a mapukaw ti pammatim. Inton agsublika kaniak, masapul a papigsaem dagiti kakabsatmo.”

San Juan 1:42

Impanna ni Simon iti ayan ni Jesus. Minatmatan ni Jesus ni Simon sana kinuna, “Sika ni Simon nga anak ni Juan. Managanankanto iti Cefas.” (Kayatna a sawen, “Bato” wenno “Pedro.”)

San Juan 13:37

“Apo, apay a diak mabalin ita ti sumurot kenka?” kinuna ni Pedro. “Sisasaganaak a matay gapu kenka!”

San Juan 16:27

Ay-ayatennakayo a mismo ti Ama, agsipud ta ay-ayatendak ken patienyo a naggapuak iti Dios.

San Juan 21:12

Kinuna ni Jesus kadakuada, “Umaykayo mamigaten.” Awan kadagiti adalan ti nakaitured a nagsaludsod kenkuana iti kinasiasinona. Ammoda nga isu ti Apo.

San Juan 21:7

Ti adalan a dinungdungngo ni Jesus kinunana ken ni Pedro, “Isu daytoy ti Apo!” Idi nangngeg ni Simon Pedro nga isu ti Apo, nagbado (ta nakauksob idi) ket timmappuak iti danum.

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

Dagiti Aramid 20:29

Ammok nga inton awanakon, umayto kadakayo dagiti narungsot a lobo ket didanto mamingga no dida madangran ti arban.

Taga-Roma 14:1

Awatenyo ti tao a nakapuy ti pammatina, ngem diyo kasupsuppiat maipapan iti kapanunotanna.

Taga-Roma 15:1

Datayo a napigsa ti pammatina, rebbengtayo a tulongan dagiti nakapuy a mangawit kadagiti pakadagsenanda. Saan la a ti bukodtayo a pagragsakan ti pampanunotentayo.

1 Taga-Corinto 8:11

Gapu iti “pannakaammom,” madadaelto ti kabsatmo a nakapsut ti konsensiana, ti kabsatmo a nakaigapuan ti pannakatay ni Cristo!

Taga-Galacia 5:6

Ta iti pannakikaysami ken ni Cristo Jesus, awan paggiddiatan ti pannakakugit wenno saan a pannakakugit. Ti nasken ketdi, isu ti pammati nga agtrabaho babaen iti ayat.

Taga-Efeso 4:14

Ket saantayton a kasla ubbing wenno bassit a bangka a yallo-allon dagiti dalluyon wenno yalla-alla ti agbaliwbaliw nga angin. Kasta ti mapasamak iti panangisuro dagiti manangallilaw a tattao. Mangyaw-awanda babaen kadagiti ulbod nga ibagbagada.

Taga-Efeso 6:24

Sapay koma ta adda ti parabur ti Dios kadagiti amin a di agressat ti panagayatna ken ni Apotayo a Jesu-Cristo.

Hebreo 13:20

Pinagungar ti Dios ni Apotayo a Jesus a nagbalin a Naindaklan a Pastor dagiti karnero gapu iti ipapatayna a kas daton a nangpatalged iti agnanayon a tulag. Sapay koma ta ti Dios a gubbuayan ti talna ipaayna kadakayo ti amin a naimbag a banag a kasapulanyo tapno maaramidyo ti pagayatanna. Sapay koma ta aramidenna kadatayo ti makaparagsak kenkuana babaen ken ni Jesu-Cristo, isu a madaydayaw iti agnanayon nga awan inggana! Amen.

Hebreo 4:13

Awan ti naparsua a mailinged iti Dios. Sipapanayag amin iti imatangna, ket masapul nga ilawlawagtayo iti Dios ti amin nga inaramidtayo.

1 Pedro 1:8

Ay-ayatenyo nupay diyo nakita. Uray ita, mamatikayo kenkuana nupay saanyo a makita, ket agrag-okayo iti dakkel ken nagloriaan a ragsak a di mayebkas,

1 Pedro 2:2

Kaskay la koma kayyanak a maladaga a kanayon a mawaw iti puro a gatas a naespirituan tapno iti yiinumyo, dumakkelkayo ket maisalakankayo.

1 Pedro 2:25

Mayarigkay idi kadagiti karnero a nayaw-awan. Ngem ita, naisublikayon a sumurot iti Pastor ken Agaywan kadagiti kararuayo.

1 Juan 4:19

Agayattayo agsipud ta immuna nga inayatnatayo ti Dios.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.