San Juan 21:14 - Ti Baro a Naimbag a Damag Biblia

¹⁴ Daytoy ti maikatlo a panagparang ni Jesus kadagiti adalanna kalpasan ti pannakapagungarna.

Ti Biblia (1973)

¹⁴ Daytoyen ti maicatlo a panagparang ni Jesus cadagiti adalanna, idi nalpas a nagungar cadagiti natay.

San Juan 21:14 Iomraidhean Croise

San Marcos 16:12

Kalpasan daytoy, iti sabali a wagas, nagparang ni Jesus kadagiti dua nga adalan a magmagna a mapan iti away.

San Marcos 16:14

Kamaudiananna, nagparang ni Jesus kadagiti sangapulo ket maysa nga adalan idi mangmanganda. Inungtanna ida gapu iti kaawan ti pammatida ken iti katangken ti uloda, ta dida namati kadagiti nakakita kenkuana a nagungaren.

San Juan 20:19

Idi rumabiin iti dayta met la nga umuna nga aldaw ti lawas, naguurnong dagiti adalan. Imbalunetda ti balay gapu ta mabutengda kadagiti papangulo a Judio. Napan ni Jesus ket nagtakder iti ayanda. “Adda koma kappia kadakayo,” kinunana,

San Juan 20:26

Kalpasan ti maysa a lawas, naguurnong manen dagiti adalan iti uneg ti balay. Adda idi ni Tomas. Nakabalunet dagiti ruangan, ngem immay ni Jesus ket nagtakder iti ayanda. “Adda koma talna kadakayo,” kinunana kadakuada,

San Juan 21:1

Kalpasan daytoy, nagparang manen a mismo ni Jesus kadagiti adalanna iti Dan-aw ti Tiberias. Kastoy ti pannakapasamakna:

Dagiti Aramid 1:3

Iti las-ud ti 40 nga aldaw kalpasan ti ipapatayna, namin-adu a nagparang kadakuada iti nadumaduma a wagas a mangpaneknek a pudno a sibibiag. Nakitada ni Jesus ket sinaritana kadakuada ti maipapan iti Pagarian ti Dios.