San Juan 21:12 - Ti Baro a Naimbag a Damag Biblia

¹² Kinuna ni Jesus kadakuada, “Umaykayo mamigaten.” Awan kadagiti adalan ti nakaitured a nagsaludsod kenkuana iti kinasiasinona. Ammoda nga isu ti Apo.

Ti Biblia (1973)

¹² Cuna cadacuada ni Jesus: Umaycayo, mamigatcayo. Ket awan cadagiti adalan ti macaitured idi a mangintuud kencuana: Siasinoca? idinto nga ammoda nga isu ti Apo.

San Juan 21:12 Iomraidhean Croise

San Mateo 22:46

Awan a pulos ti naisungbatda ken ni Jesus, ket manipud iti dayta nga aldaw, awanen ti makaitured nga agsaludsod kenkuana.

San Marcos 9:32

Ngem saan a maawatan dagiti adalanna ti kaipapanan daytoy a pannursurona ket nagamakda nga agsaludsod kenkuana.

San Lucas 9:45

Ngem dida ammo ti kaipapanan ti sinaona ta nailimed kadakuada tapno dida maawatan. Nagbutengda nga agsaludsod kenkuana maipapan iti daytoy.

San Juan 16:19

Gapu ta ammo ni Jesus no ania ti kayatda a saludsoden kenkuana, kinunana kadakuada, “Agsisinnaludsodkayo kadi gapu iti saok nga ‘Iti saan a mabayag, didakton makita, ngem kalpasan met la ti bassit a tiempo, makitadakto manen’?

San Juan 21:11

Napan ni Simon Pedro iti bangka ket insang-atna ti iket a napno iti dadakkel nga ikan—153 ti dagupda amin. Nupay adu unay ti ikan, saan a nabsang ti iket.

San Juan 21:15

Kalpasan ti panamigatda, kinuna ni Jesus ken ni Simon Pedro, “Simon nga anak ni Juan, ad-adda kadi ti panangdungngom kaniak ngem dagitoy?” “Wen, Apo,” insungbatna, “ammom nga ay-ayatenka.” Kinuna ni Jesus kenkuana, “Aywanam dagiti urbon a karnerok.”

San Juan 4:27

Iti dayta a kanito, simmangpet dagiti adalan ni Jesus. Kasta unay ti siddaawda ta nadanonda a makisasao ni Jesus iti babai. Ngem awan kadakuada ti nagdamag iti babai no ania ti masapulna. Saanda met a nagsaludsod ken ni Jesus no apay a makisasao kenkuana.

Dagiti Aramid 10:41

saan a kadagiti amin a tattao no di kadakami laeng a saksi a pinili ti Dios—dakami a nakilanglang kenkuana iti panganan kalpasan ti panagungarna.