San Juan 21:1 - Ti Baro a Naimbag a Damag Biblia

¹ Kalpasan daytoy, nagparang manen a mismo ni Jesus kadagiti adalanna iti Dan-aw ti Tiberias. Kastoy ti pannakapasamakna:

Ti Biblia (1973)

¹ Idi nalabes dagitoy, nagparang manen ni Jesus cadagiti adalanna iti igid ti baybay ti Tiberias: ket castoy ti pinagparangna.

San Juan 21:1 Iomraidhean Croise

San Mateo 26:32

Ngem kalpasan ti pannakapagungarko, umun-unaakto ngem dakayo a mapan idiay Galilea.”

San Mateo 28:16

Napan dagiti sangapulo ket maysa nga adalan iti bantay idiay Galilea nga imbaga ni Jesus a papananda.

San Mateo 28:7

Kalpasanna, inkay ipakaammo a dagus kadagiti adalanna a nagungaren. Umun-unanto ngem dakayo a mapan idiay Galilea. Makitayonto sadiay! Tandaananyo daytoy imbagak kadakayo.”

San Marcos 16:12

Kalpasan daytoy, iti sabali a wagas, nagparang ni Jesus kadagiti dua nga adalan a magmagna a mapan iti away.

San Marcos 16:14

Kamaudiananna, nagparang ni Jesus kadagiti sangapulo ket maysa nga adalan idi mangmanganda. Inungtanna ida gapu iti kaawan ti pammatida ken iti katangken ti uloda, ta dida namati kadagiti nakakita kenkuana a nagungaren.

San Marcos 16:7

Ita, inkay ibaga daytoy a mensahe kadagiti adalanna, agraman ni Pedro: ‘Umun-unanto ngem dakayo a mapan idiay Galilea. Makitayonto sadiay a kas kinunana kadakayo.’”

San Juan 21:14

Daytoy ti maikatlo a panagparang ni Jesus kadagiti adalanna kalpasan ti pannakapagungarna.

San Juan 6:1

Kalpasan daytoy, napan ni Jesus iti ballasiw ti Dan-aw ti Galilea (wenno Dan-aw ti Tiberias).

San Juan 6:23

Nupay kasta, adda dadduma a bangka a naggapu idiay Tiberias a simmanglad iti asideg ti disso a nanganan dagiti adu a tattao kadagiti tinapay kalpasan ti panagyaman ti Apo.

Dagiti Aramid 1:3

Iti las-ud ti 40 nga aldaw kalpasan ti ipapatayna, namin-adu a nagparang kadakuada iti nadumaduma a wagas a mangpaneknek a pudno a sibibiag. Nakitada ni Jesus ket sinaritana kadakuada ti maipapan iti Pagarian ti Dios.