San Juan 20:27 - Ti Baro a Naimbag a Damag Biblia

²⁷ sana kinuna ken ni Tomas, “Kitaem dagiti imak ken arikapem toy bakrangko. Pukawem ta duaduam ket mamatika!”

Ti Biblia (1973)

²⁷ Sana cuna ken Tomas: Igawatmo ta ramaymo ditoy, ket kitaem dagiti imimac; ket iyegmo ditoy ta imam, ket iserrecmo iti bacrangco: ket saanca a di mammati, no di ket mammatica.

San Juan 20:27 Iomraidhean Croise

Dagiti Salmo 78:38

Nupay kasta, kinaasian ti Dios dagiti tattaona, pinakawanna dagiti basolda ket dina pinukaw ida. Namin-adu a tinengngelna ti ungetna ken minedmedanna ti pungtotna.

San Mateo 17:17

Simmungbat ni Jesus, “Tattao a managdakdakes ken awanan pammati! Kasano pay kabayag ti kaaddak iti dennayo? Kasano pay kabayag ti panaganusko kadakayo? Yegyo man kaniak ti ubing!”

San Marcos 9:19

Kinuna ni Jesus kadakuada, “Tattao nga awanan pammati! Kasano pay kabayag ti kaaddak iti dennayo? Kasano pay kabayag ti panaganusko kadakayo? Yegyo man kaniak ta ubing.”

San Lucas 24:39

Kitaenyo dagiti im-ima ken saksakak. Siak a mismo! Sagidendak ket mapaneknekanyo. Awan lasag ken tulang ti espiritu, ngem adda kaniak kas makitayo.”

San Lucas 9:41

“Tattao a managdakdakes ken awanan pammati!” kinuna ni Jesus. “Kasano pay kabayag ti kaaddak iti dennayo? Kasano pay kabayag ti panagan-anusko kadakayo?” Ket kinunana iti ama ti ubing, “Yegmo ditoy ti anakmo.”

San Juan 20:20

sana impakita kadakuada dagiti imana ken ti bakrangna. Kasta unay ti ragsak dagiti adalan iti pannakakitada iti Apo.

San Juan 20:25

Impadamag ngarud dagiti dadduma nga adalan kenkuana a nakitada ti Apo. Kinuna ni Tomas kadakuada, “Diak mamati no diak makita ken maarikap ti nagdalanan ti lansa kadagiti imana, wenno masagid ti bakrangna.”

San Juan 20:28

“Apok ken Diosko!” kinuna ni Tomas.

Taga-Roma 5:20

Naited ti Linteg tapno paaduenna ti dakes nga aramid. Ngem no kasano ti yaadu ti basol, ad-adda pay nga umadu ti parabur ti Dios.