San Juan 20:19 - Ti Baro a Naimbag a Damag Biblia

¹⁹ Idi rumabiin iti dayta met la nga umuna nga aldaw ti lawas, naguurnong dagiti adalan. Imbalunetda ti balay gapu ta mabutengda kadagiti papangulo a Judio. Napan ni Jesus ket nagtakder iti ayanda. “Adda koma kappia kadakayo,” kinunana,

Ti Biblia (1973)

¹⁹ Ket idi malemen iti daydi nga aldaw, ti umuna nga aldaw ti lawas, ken idi adda a sipupunit dagiti ruangan, iti daydi nacatiptiponan dagiti adalan gapu iti butengda cadagiti Judio, immay ni Jesus ket nagtacder iti tengnga ket cunana cadacuada: Talna coma cadacayo.

San Juan 20:19 Iomraidhean Croise

Dagiti Salmo 122:8

Gapu kadagiti kakabagiak ken gagayyemko, kunak iti Jerusalem, “Sapay koma ta adda talnam!”

San Mateo 10:13

No awatendakayo dagiti akimbalay, ibatiyo ti inkablaawyo a talna. No didakayo awaten, ibabawiyo ti inkablaawyo.

San Mateo 18:20

Ta no sadino ti ayan ti dua wenno tallo nga aguummong gapu iti naganko, addaak kaduada sadiay.”

San Marcos 16:14

Kamaudiananna, nagparang ni Jesus kadagiti sangapulo ket maysa nga adalan idi mangmanganda. Inungtanna ida gapu iti kaawan ti pammatida ken iti katangken ti uloda, ta dida namati kadagiti nakakita kenkuana a nagungaren.

San Juan 14:27

“Kappia ti ibatik kadakayo. Ti bukodko a kappia ti itedko kadakayo. Ngem saan a kas iti pannangted ti lubong ti pannangtedko kadakayo. Dikay madanagan ken mariribukan. Dikay agbuteng.

San Juan 16:22

Kasta met kadakayo: Agladingitkayo ita, ngem makitakayto manen ket agragsakkayto. Wen, addanto rag-o nga awan ti siasinoman a makaikkat kadakayo.

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

San Juan 20:21

Kinuna manen ni Jesus kadakuada, “Adda koma kappia kadakayo. Kas iti panangibaon kaniak ti Ama, kasta met ti panangibaonko kadakayo.”

San Juan 20:26

Kalpasan ti maysa a lawas, naguurnong manen dagiti adalan iti uneg ti balay. Adda idi ni Tomas. Nakabalunet dagiti ruangan, ngem immay ni Jesus ket nagtakder iti ayanda. “Adda koma talna kadakayo,” kinunana kadakuada,

San Juan 21:1

Kalpasan daytoy, nagparang manen a mismo ni Jesus kadagiti adalanna iti Dan-aw ti Tiberias. Kastoy ti pannakapasamakna:

San Juan 21:14

Daytoy ti maikatlo a panagparang ni Jesus kadagiti adalanna kalpasan ti pannakapagungarna.

San Juan 7:13

Nupay kasta, awan ti nagsao a silalatak maipapan kenkuana ta mabutengda kadagiti papangulo a Judio.

Dagiti Aramid 1:3

Iti las-ud ti 40 nga aldaw kalpasan ti ipapatayna, namin-adu a nagparang kadakuada iti nadumaduma a wagas a mangpaneknek a pudno a sibibiag. Nakitada ni Jesus ket sinaritana kadakuada ti maipapan iti Pagarian ti Dios.

Taga-Roma 15:33

Sapay koma ta adda kadakayo amin ti Dios a mangted iti talna. Amen.

1 Taga-Corinto 15:5

a nagparang ken ni Pedro sa kadagiti sangapulo ket dua nga apostoles.

Taga-Efeso 2:14

Ta mismo a ni Cristo ti nangyeg iti kappia kadatayo babaen ti panamagkaykaysana kadagiti Judio ken Hentil. Babaen iti ipapatayna, rinebbana ti pader a namagsina ken namagbinnusor kadagitoy a tattao.

Taga-Efeso 6:23

Sapay koma ta ited ti Dios Ama, kasta met ni Apo Jesu-Cristo, ti talna ken ayat a buyogen ti pammati kadagiti amin a kakabsat.

2 Taga-Tesalonica 3:16

Sapay koma ta ti Apo a mismo a paggapuan ti talna, ikkannakay iti talna iti amin a tiempo ken iti amin a kasasaad. Adda koma ti Apo kadakay amin.

Hebreo 7:2

Inted ni Abraham kenkuana ti apagkapullo ti amin a sinamsamna. (“Ari ti Kinalinteg” ti kayat a sawen ti nagan a Melkisedec. “Ari ti Kappia” ti kayatna pay a sawen gapu ta ni Melkisedec ti ari ti Salem.)

3 Juan 1:14

ta agkitata iti mabiit, ket agsaotanto laengen a personal.

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.