San Juan 20:17 - Ti Baro a Naimbag a Damag Biblia

¹⁷ “Dinak iggaman, ta diak pay nagsubli ken ni Ama,” kinuna ni Jesus. “Ngem inka ibaga kadagiti kakabsatko nga agsubliakto iti Amak nga Amayo met, iti Diosko a Diosyo met.”

Ti Biblia (1973)

¹⁷ Cuna kencuana ni Jesus: Dinac sagiden, ta saanac pay nga immuli ken Amac: ngem inca cadagiti cacabsatco, ket cunam cadacuada: Umuliac ken Amac, ken Amayo, ken iti Diosco ken Diosyo.

San Juan 20:17 Iomraidhean Croise

2 Ar-ari 4:29

Binilin ni Eliseo ni Gehazi, “Darasem! Alaem ti sarukodko ket inkan. Dika agsardeng a mangkablaaw iti siasinoman a masabatmo ket no adda mangkablaaw kenka, dimo sungbatan. Agderetsoka a mapan iti balay ket iparabawmo ti sarukodko iti ubing.”

2 Ar-ari 7:9

Ngem kinunada iti tunggal maysa, “Saan a rumbeng nga aramidentayo ti kastoy! Adda naimbag a damag a mabalintay nga ipakaammo ket ditay koma ilimlimed. No ipabigattayo, awan duadua a madusatayo. Intay ipakaammo itan kadagiti ofisiales ti ari!”

Dagiti Salmo 22:22

Saritaekto kadagiti kailiak ti naganmo; kadagiti kongregasion idaydayawkanto:

Dagiti Salmo 43:4

Iti kasta, mapanakto, O Dios, iti altarmo; sika ti puon ti ragsakko. Agtokarak iti arpa ket agkantaak iti pagdaydayaw kenka. O Dios a Diosko!

Dagiti Salmo 48:14

a daytoy a Dios, isu ti Diostayo iti agnanayon nga awan inggana; idalannatay iti amin a tiempo.

Dagiti Salmo 68:18

Ikuyogna ti adu a balud a sumang-at iti nangato a disso. Umawat kadagiti sagut nga aggapu kadagiti nasukir a tattao. Agtaengto sadiay ti Apo a Dios.

Dagiti Salmo 89:26

Kunananto kaniak, ‘Sika ti Diosko, sika ti amak. Sika ti Bato a mangisalakan kaniak.’

Isaias 41:10

Dikay agbuteng—addaak kadakayo! Siak ti Diosyo— diyo ipalubos nga adda mangbutbuteng kadakayo. Papigsaen ken tulongankayo; salakniban ken isalakankayo.

Jeremias 31:33

Inton dumteng dayta a tiempo, kastoyto ti pagtutulaganmi kadagiti Israelita: Ikabilkonto ti lintegko iti panunotda ket isuratkonto iti pusoda. Siakto ti Diosda ket isudanto dagiti tattaok.

Jeremias 32:38

Isudanto dagiti tattaok ket siakto ti Diosda.

Ezekiel 36:28

Agnaedkayto iti daga nga intedko kadagiti kapuonanyo. Dakayto dagiti tattaok ket siakto ti Diosyo.

Ezekiel 37:27

Sadiay, makipagnaedakto kadakuada. Siakto ti Diosda ket isudanto dagiti tattaok.

San Mateo 12:50

Ti siasinoman nga agaramid iti pagayatan ni Amak sadi langit, isu ti kabsatko ken ti inak.”

San Mateo 25:40

Kunanto ti Ari, ‘Ibagak kadakayo: no inaramidyo daytoy iti kanunumoan kadagitoy a kakabsatko, inaramidyo met kaniak!’

San Mateo 28:7

Kalpasanna, inkay ipakaammo a dagus kadagiti adalanna a nagungaren. Umun-unanto ngem dakayo a mapan idiay Galilea. Makitayonto sadiay! Tandaananyo daytoy imbagak kadakayo.”

San Marcos 12:26

No maipapan iti pannakapagungar dagiti natay, diyo aya nabasa iti Libro ni Moises ti maipapan iti sumsumged a kayo? Naisurat a kinuna ti Dios ken ni Moises, ‘Siak ti Dios ni Abraham, ti Dios ni Isaac, ken ti Dios ni Jacob.’

San Marcos 16:19

Kalpasan ti pannakisao ni Apo Jesus kadakuada, nayuli sadi langit, ket nagtugaw iti makannawan ti Dios.

San Lucas 10:4

Dikayo mangitugtugot iti supot, bay-on wenno sapatos. Dikay agsardeng iti dalan a kumablaaw iti siasinoman.

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 13:3

Ammo ni Jesus nga inted ti Ama kenkuana ti amin a pannakabalin. Ammona met a naggapu iti Dios ket agsublinto iti Dios.

San Juan 14:2

Adu ti kuarto idiay balay ni Amak, ket innak mangisagana iti pagyananyo. Diak koma ibaga daytoy kadakayo no saan a pudno.

San Juan 14:28

Nangngegyo ti imbagbagak kadakayo a pumanawak ngem agsubliakto met laeng kadakayo. No inay-ayatdak, agragsakkayo koma ta mapanak iti Ama, ta natantan-ok ti Ama ngem siak.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 16:28

Naggapuak iti Ama ket immayak ditoy lubong. Ita, panawakon ti lubong ket agsubliak iti Ama.”

San Juan 17:11

Ita, umayakon kenka, Nasantoan nga Ama. Awanakon iti lubong, ngem addada iti lubong. Aywanam ngarud ida babaen iti pannakabalin ti naganmo nga intedmo kaniak tapno agmaymaysada a kas kadata.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:5

Ama, itan-oknak ita iti imatangmo, kas iti panangitan-okmo kaniak idi addaak iti dennam sakbay a naparsua daytoy lubong.

San Juan 20:27

sana kinuna ken ni Tomas, “Kitaem dagiti imak ken arikapem toy bakrangko. Pukawem ta duaduam ket mamatika!”

San Juan 7:33

Kinuna ngarud ni Jesus, “Makipagyanak pay kadakayo iti bassit a tiempo. Kalpasanna, agsubliakton iti nangibaon kaniak.

Taga-Roma 8:29

Dagiti pinili idin ti Dios, tinudinganna met ida nga agbalin a kas iti Anakna tapno agbalin ti Anak nga inauna kadagiti adu nga agkakabsat.

2 Taga-Corinto 6:18

Siakto ti amayo, Ket dakayto ti annakko, Kuna ti Mannakabalin-amin nga Apo.”

Taga-Galacia 3:26

Annaknakayo amin ti Dios babaen iti pammati gapu iti pannakipagmaymaysayo ken ni Cristo Jesus.

Hebreo 11:16

Ngem tartarigagayanda ti nasaysayaat a lugar, kayatna a sawen, ti nailangitan a lugar. Isut' gapuna a saan a mabainan ti Dios no awaganda a Diosda agsipud ta insaganaanna ida iti maysa a siudad.

Hebreo 8:10

Daytoy ti baro a pannakitulagko kadagiti Israelita Kadagiti masakbayan nga aldaw, kuna ti Apo: Ikabilkonto dagiti linlintegko kadagiti isipda, Ket isuratkonto ida kadagiti pusoda. Siakto ti Diosda, Ket isudanto dagiti tattaok.

1 Pedro 1:3

Madaydayaw ti Dios ken Ama ni Apotayo a Jesu-Cristo! Gapu iti dakkel a kaasina, naipasngaytayo iti baro a biag babaen iti panagungar ni Jesu-Cristo. Sibibiag a namnama ti impaay kadatayo daytoy baro a biag.

1 Juan 3:2

Ay-ayatek a gagayyem, annaknatayon ti Dios, uray no saan pay a nalawag no anianto ti pagbalinantayo. Ngem ammotayo nga inton agparang ni Cristo, agbalintayto a kas kenkuana, agsipud ta makitatayto ti kinasiasinona.

Paltiing 21:3

Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.

Paltiing 21:7

Daytoy ti gunggona ti agballigi: Siakto ti Diosna ket isunto ti anakko.