San Juan 20:16 - Ti Baro a Naimbag a Damag Biblia

¹⁶ “Maria!” kinuna ni Jesus. Simmango ni Maria ket kinunana kenkuana iti Hebreo, “Rabboni!” (Kayatna a sawen, “Maestro.”)

Ti Biblia (1973)

¹⁶ Cuna kencuana ni Jesus: Maria! Di babai simmango, ket cunana kencuana iti Hebreo: Rabboni! a cayatna a saoen, Mannursuro.

San Juan 20:16 Iomraidhean Croise

Genesis 22:1

Iti saan a nabayag, sinuot ti Dios ni Abraham. Kinunana, “Abraham.” “Adtoyak, Apo,” insungbat ni Abraham.

Genesis 22:11

ngem nagpukkaw ti anghel ni Yahweh manipud langit, “Abraham! Abraham!” “Adtoyak, Apo,” insungbat ni Abraham.

Genesis 45:12

Intuloy ni Jose, “Ita, makitayo amin, ken uray sika, Benjamin, a pudno a siak ni Jose.

Exodo 3:4

Idi makita ni Yahweh nga umas-asideg ni Moises, inawaganna manipud iti tengnga ti kayo. “Moises, Moises!” kinunana. “Adtoyak,” insungbat ni Moises.

Exodo 33:17

Kinuna ni Yahweh ken ni Moises, “Aramidek ti imbagam gapu ta am-ammoka unay ket maragsakanak kenka.”

Kanta ni Solomon 3:4

Idi makapanawakon iti ayan dagiti guardia, nasarakak ti kaayan-ayatko. Inarakupko ket diak pinalubosan agingga nga inyawidko iti balay ni inak, iti kuarto a nakaipasngayak.

Kanta ni Solomon 5:2

“Matmaturogak ngem siririing toy riknak, mangngegko ti kaayan-ayatko nga agtuktok iti ridaw.” “Sumrekak man, biagko ken ay-ayatek, bassit a kalapatik nga awan pagkuranganna. Sibabasa ti ulok iti linnaaw ti agsapa.”

Isaias 43:1

Israel, kuna ti Apo a namarsua kenka, “Saanka nga agbuteng—salaknibanka. Inawagak ti naganmo—kukuaka.

San Mateo 14:27

Ngem dagus a kinuna ni Jesus, “Dikay agbuteng! Siak ni Jesus, dikay agdanag.”

San Marcos 10:51

“Ania ti kayatmo nga aramidek kenka?” sinaludsod ni Jesus. “Maestro, makakitaak koma!” insungbat ti bulsek.

San Lucas 10:41

Insungbat ti Apo, “Marta, Marta, adu la amin a pakaringgoram.

San Juan 1:38

Idi tumalliaw ni Jesus, nakitana ida a sumursurot kenkuana. “Ania ti sapsapulenyo?” sinaludsodna. “Sadino ti pagtaengam, Rabbi?” insungbatda. (“Maestro” ti kayat a sawen ti “Rabbi.”)

San Juan 1:49

“Maestro,” insungbat ni Natanael. “Sika ti Anak ti Dios! Sika ti Ari ti Israel!”

San Juan 10:3

Isu ti ilukatan ti agay-aywan iti ruangan. Denggen dagiti karnero ti timekna no awaganna dagiti nagnaganda, ket iruarna ida.

San Juan 11:28

Apaman a naisao ni Marta daytoy, nagsubli ket inayabanna a sililimed ni Maria a kabsatna. “Adda ni Maestro,” kinunana, “ket paayabannaka.”

San Juan 13:13

“Awagandak iti ‘Maestro’ ken ‘Apo,’ ket pudno la ketdi ti kunayo.

San Juan 20:28

“Apok ken Diosko!” kinuna ni Tomas.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 5:2

Iti asideg ti Ruangan dagiti Karnero, adda pagdigosan a lima ti arkona. Maaw-awagan daytoy iti Betsata iti pagsasao ti Hebreo.

San Juan 6:25

Idi masarakan dagiti tattao nga adda ni Jesus idiay ballasiw ti dan-aw, kinunada kenkuana, “Maestro, kaano ti yaaymo ditoy?”

Dagiti Aramid 10:3

Agarup alas tres iti malem idi agparmata: nakitana a simrek iti balayna ti maysa nga anghel ti Dios ket kinunana kenkuana, “Cornelio.”

Dagiti Aramid 9:4

Napasag iti daga ket nangngegna ti timek a nagkuna, “Saulo, Saulo, apay nga idadanesnak?”

1 Samuel 3:10

Dimteng ni Yahweh ket nagtakder sana inawagan ni Samuel a kas idi damo, “Samuel! Samuel!” Insungbat ni Samuel, “Agsaoka, Apo. Dumdumngeg toy adipenmo.”

1 Samuel 3:6

Inawagan manen ni Yahweh ni Samuel. Saan nga ammo ti ubing a ni Yahweh ti umaw-awag gapu ta di pay nagsao idi kenkuana. Bimmangon ngarud a napan ken ni Eli ket kinunana, “Adtoyak, apo, ta inawagannak.” Ngem insungbat ni Eli, “Anakko, saanka nga inayaban; agsublika iti iddam.”