San Juan 2:4 - Ti Baro a Naimbag a Damag Biblia

⁴ “Babai,” insungbat ni Jesus, “saan a masapul nga ibagam ti aramidek. Saan pay a dimteng ti orasko.”

Ti Biblia (1973)

⁴ Ket cuna ni Jesus kencuana: Ania ti pacaibiangac kenca, babai? ti horasco di pay dimteng.

San Juan 2:4 Iomraidhean Croise

2 Samuel 16:10

Ngem kinuna ni David kada Abisai ken Joab a kabsatna, “Saankayo a makibiang, dakayo nga annak ni Zeruyas. Ilunlunodnak ta dayta ti bilin ti Apo. Awan ti kalintegan ti siasinoman nga agsaludsod no apay a kasta ti aramidenna.”

2 Samuel 19:22

Ngem kinuna ni David ken ni Abisai ken ni Joab a kabsatna, “Siasino kadi ti nagdawat iti kapanunotanyo? Mangyegkay kadi iti buong-ti-ulo? Siak ti ari ti Israel ket awan ti Israelita a mapapatay ita nga aldaw.”

1 Ar-ari 17:18

Kinuna ti babai ken ni Elias, “Tao ti Dios, apay aya nga inaramidmo kaniak daytoy? Immayka kadi ditoy tapno ipalagipmo dagiti basolko ket iti kasta, yegmo ti ipapatay ti anakko?”

Eclesiastes 3:1

Adda tiempo nga ituding ti Dios a pannakapasamak ti amin a banag ditoy lubong.

San Mateo 15:28

Iti kasta, kinuna ni Jesus kenkuana, “Babai, dakkel ti pammatim! Maited kenka ti dawatmo.” Ket iti dayta met la nga oras, immimbag ti anakna.

San Mateo 8:29

Idi makaasidegda ken Jesus, nagikkisda a dagus ket kinunada kenkuana, “Anak ti Dios, ania ti kayatmo nga aramiden kadakami? Umaynakami kadi dusaen sakbay ti naituding a tiempo?”

San Lucas 2:49

“Apay aya a binirbirokdak?” insungbat ni Jesus. “Diyo kadi ammo a masapul nga addaak iti balay ni Amak?”

San Juan 12:23

Kinuna ni Jesus kadakuada, “Dimtengen ti oras a maitan-ok ti Anak ti Tao.

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 2:3

Idi naibusen ti arak, kinuna ti ina ni Jesus kenkuana, “Naibusandan iti arak.”

San Juan 20:13

“Babai,” sinaludsodda, “apay nga agsangsangitka?” “Impanawda ti Apok, ket diak ammo ti nangikabilanda kenkuana!” insungbatna.

San Juan 20:15

“Babai,” sinaludsod ni Jesus, “apay nga agsangsangitka? Siasino ti sapsapulem?” Impagarup ni Maria nga isu ti hardinero, ket kinunana kenkuana, “Apo, no sika ti nangipanaw kenkuana, ibagam man ti nangikabilam ta innak alaen.”

San Juan 7:30

Gapu iti daytoy, pinanggepda a tiliwen, ngem awan mayat a mangtengngel kenkuana, ta di pay dimteng ti tiempo a mapasamak kenkuana daytoy.

San Juan 7:6

Kinuna ni Jesus kadakuada, “Di pay dimteng ti tiempok. Dakayo, kukuayo ti amin a tiempo.

San Juan 7:8

Dakayo ti mapan makifiesta. Saanak a mapan iti daytoy a fiesta, ta di pay dimteng ti tiempok.”

San Juan 8:20

Insao ni Jesus dagitoy bayat ti panangisursurona idiay Templo, iti kuarto a nakaikabilan dagiti kaha ti daton. Ngem awan ti nangtiliw kenkuana, ta di pay dimteng ti oras.

2 Taga-Corinto 5:16

Ngarud, dimi bigbigenen ti siasinoman babaen iti pagrukodan ti tao. Uray no binigbigmi idi ni Cristo babaen iti daytoy a pagrukodan, dimi aramiden itan.

Deuteronomio 33:9

Impakitada ti ad-adda a panagtulnogda kenka, ngem kadagiti nagannak, kakabsat wenno annakda. Tinungpalda dagiti bilbilinmo, ket sinalimetmetanda ti katulaganyo.