San Juan 2:24 - Ti Baro a Naimbag a Damag Biblia

²⁴ Ngem saanna nga intalek kadakuada ti bagina, agsipud ta ammona ti amin a tattao.

Ti Biblia (1973)

²⁴ Ngem ni met laeng Jesus saan a nagtalec cadacuada, ta amammona amin a tattao.

San Juan 2:24 Iomraidhean Croise

1 Ar-ari 8:39

ipangagmo koma ti kararagna. Ipangagmo koma ida dita langit a taengmo. Pakawanem koma ida ket agtignayka. Siksika ti makaammo iti panunot ti tao. Aramidem iti tunggal tao ti kas iti maikari iti aramidna

1 Cronicas 28:9

“Ket sika, Solomon nga anakko, ibilinko kenka a bigbigem ti Diosko. Agserbika a siaayat kenkuana ken iti amin a pusom, ta ammona amin ti pampanunoten ken tartarigagayantayo. No mapanka kenkuana, awatennaka. Ngem no tallikudam, laksidennakanto iti agnanayon.

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

Jeremias 17:9

“Siasino ti makaawat iti puso ti tao? Manangallilaw nga awan kaaspingna; nadagsen ti sakitna ket saan a maagasan.

San Mateo 9:4

Agsipud ta ammo ni Jesus ti pampanunotenda, kinunana, “Apay nga agpampanunotkayo iti dakes?

San Marcos 2:8

Ammo a dagus ni Jesus ti adda iti panunotda ket kinunana, “Apay a kasta ti pampanunotenyo?

San Juan 1:42

Impanna ni Simon iti ayan ni Jesus. Minatmatan ni Jesus ni Simon sana kinuna, “Sika ni Simon nga anak ni Juan. Managanankanto iti Cefas.” (Kayatna a sawen, “Bato” wenno “Pedro.”)

San Juan 16:30

Ita, maawatanmin nga ammom amin. Saanmo a masapul ti uray siasinoman nga agsaludsod kenka. Daytoy ti gapuna a naggapuka iti Dios.”

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

San Juan 4:16

“Inka ayaban ti asawam saka agsubli ditoy,” kinuna ni Jesus.

San Juan 5:42

Ngem am-ammokayo ket ammok nga awan ayatyo iti Dios.

San Juan 6:15

Idi madlaw ni Jesus nga umay dagiti tattao a mangala kenkuana tapno pilitenda nga isaad nga ari, nagpakni manen nga is-isuna kadagiti bambantay.

San Juan 6:64

Nupay kasta, adda sumagmamano kadakayo a di mamati.” (Sigud nga ammo ni Jesus no siasino dagiti saan a mamati ken no siasino ti mangliputto kenkuana.)

Dagiti Aramid 1:24

Kalpasanna, inkararagda, “Apo, ammom ti pampanunoten ti tunggal maysa. Ipakitam koma kadakami no siasino kadagiti dua ti pinilim

Dagiti Aramid 15:8

Ket ti Dios a makaammo iti pampanunoten ti amin, impakitana ti yaanamongna kadagiti Hentil babaen iti pannangtedna kadakuada iti Espiritu Santo a kas iti pannangtedna kadatayo.

Deuteronomio 31:21

Adunto ti nakabutbuteng a didigra a lak-amenda. Agbalinto daytoy a kanta a pammaneknek a maibusor kadakuada gapu ta kankantaento pay laeng dagiti kaputotanda. Diak pay naipan ida iti daga nga inkarik nga ited kadakuada, ngem ammokon ti pampanunotenda.”

Hebreo 4:13

Awan ti naparsua a mailinged iti Dios. Sipapanayag amin iti imatangna, ket masapul nga ilawlawagtayo iti Dios ti amin nga inaramidtayo.

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.

1 Samuel 16:7

Ngem kinuna ni Yahweh kenkuana, “Dimo kitaen ti kinaguapo ken kinatayagna. Saan nga isu ti pinilik. Ti pagbatayak ket saan a ti pagbatayan ti tao. Kitaen ti tao ti akinruar a langa, ngem siak, kitaek ti puso.”