San Juan 2:23 - Ti Baro a Naimbag a Damag Biblia

²³ Idi adda ni Jesus idiay Jerusalem bayat ti Fiesta ti Paskua, adu ti namati kenkuana idi nakitada dagiti milagro nga inaramidna.

Ti Biblia (1973)

²³ Ket bayat ti caaddana idiay Jerusalem iti rambac ti pascua adu dagiti namati iti naganna, idi kitkitaenda dagiti pagilasinan nga araramidenna.

San Juan 2:23 Iomraidhean Croise

San Lucas 8:13

Dagiti nagdisso iti kabatoan, iladawanda dagiti tattao a dumngeg iti mensahe ken awatenda a siraragsak. Ngem saan nga umuneg ti mensahe kadakuada. Mamatida iti apagbiit, ngem suminada no dumteng ti tiempo a pannakasuot.

San Juan 11:45

Adu kadagiti tattao a simmarungkar ken Maria ti nakaimatang iti inaramid ni Jesus, ket namatida kenkuana.

San Juan 2:11

Inaramid ni Jesus daytoy umuna a milagro idiay Cana, maysa nga ili ti Galilea. Impakitana ti dayagna sadiay, ket namati kenkuana dagiti adalanna.

San Juan 2:13

Asidegen ti Paskua dagiti Judio, ket napan ni Jesus idiay Jerusalem.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 4:45

Idi makasangpet idiay Galilea, inawat dagiti umili, ta idi napanda dimmar-ay iti Fiesta ti Paskua idiay Jerusalem, nakitada amin nga inaramidna bayat ti Fiesta.

San Juan 5:36

Ngem adda agsaksi kaniak a nangnangruna ngem ni Juan. Isu dagiti aramidko nga impaaramid kaniak ti Ama. Dagitoy nga aramid ti mangipakita nga imbaonnak ti Ama.

San Juan 6:14

Idi makita dagiti tattao sadiay ti milagro nga inaramid ni Jesus, kinunada, “Awan duadua a daytoy ti Profeta nga umay ditoy lubong!”

San Juan 6:2

Simmurot kenkuana ti nakaad-adu a tattao, agsipud ta nakitada dagiti nakaskasdaaw nga inaramidna idi pinaimbagna dagiti masaksakit.

San Juan 7:31

Nupay kasta, adu kadagiti tattao ti namati kenkuana. “Inton umay ti Cristo, agaramidto ngata iti ad-adu a milagro ngem ti inaramid daytoy a tao?” kinunada.

Taga-Galacia 5:6

Ta iti pannakikaysami ken ni Cristo Jesus, awan paggiddiatan ti pannakakugit wenno saan a pannakakugit. Ti nasken ketdi, isu ti pammati nga agtrabaho babaen iti ayat.

1 Juan 3:23

Daytoy ti bilinna: Masapul a mamatitayo iti nagan ni Jesu-Cristo nga Anakna ken agiinnayattayo a kas imbilin ni Cristo.