San Juan 2:22 - Ti Baro a Naimbag a Damag Biblia

²² Isut' gapuna nga idi napagungaren ni Jesus, nalagip dagiti adalanna a sinaona daytoy. Ket namatida iti Nasantoan a Surat ken iti insao ni Jesus.

Ti Biblia (1973)

²² Idi ngarud nagungar cadagiti natay, dagiti adalanna nalagipda a sinaona daytoy: ket namatida cadagiti Sursurat ken ti sao nga insao ni Jesus.

San Juan 2:22 Iomraidhean Croise

Dagiti Salmo 16:10

Ngamin, iti bileg ni patay salaknibannak, ket iti lubong dagiti natay, dimo bay-an nga agrupsa ti ay-ayatem.

San Lucas 24:26

Saan aya a masapul a sagabaen ti Cristo dagitoy, sakbay a sumrek iti gloriana?”

San Lucas 24:44

Kalpasanna, kinunana kadakuada, “Dagitoy dagiti imbagbagak kadakayo idi addaak pay laeng iti arpadyo. Masapul a matungpal amin a naisurat maipapan kaniak iti Linteg ni Moises, kadagiti sursurat dagiti profeta, ken kadagiti Salmo.”

San Juan 12:16

Iti dayta a tiempo, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat maipapan kenkuana ket naaramid daytoy.

San Juan 14:26

Ti Mammagbaga nga ibaonto ti Ama iti naganko, isu ti Espiritu Santo. Isuronakayto iti amin a banag ken ipalagipnanto dagiti amin nga imbagak kadakayo.

San Juan 16:4

Ngem imbagak daytoy kadakayo tapno inton dumteng ti tiempo a panangaramidda kadagitoy, malagipyonto a naisaokon kadakayo.” “Diak insigsigud nga imbaga dagitoy kadakayo, agsipud ta addaak pay idi kadakayo.

San Juan 2:11

Inaramid ni Jesus daytoy umuna a milagro idiay Cana, maysa nga ili ti Galilea. Impakitana ti dayagna sadiay, ket namati kenkuana dagiti adalanna.

San Juan 2:17

Nalagip dagiti adalanna ti kuna ti Nasantoan a Surat: “Ti panangipategko iti balaymo, O Dios, kasla apuy a sumsumged iti unegko!”

San Juan 2:2

ket naawis met ni Jesus ken dagiti adalanna.

Dagiti Aramid 11:16

Nalagipko ti kinuna ti Apo, ‘Namuniag ni Juan iti danum, ngem mabuniagankayto iti Espiritu Santo.’

Dagiti Aramid 13:33

Tinungpalnan ita kadatayo a kaputotanda babaen iti panangpagungarna ken ni Jesus. Kas nailanad iti maikadua a Salmo: ‘Sika ti Anakko; Ita nga aldaw, nagbalinak nga Amam.’