San Juan 2:19 - Ti Baro a Naimbag a Damag Biblia

¹⁹ “Rebbaenyo daytoy a Templo ket iti uneg ti tallo nga aldaw, bangonekto met laeng,” insungbat ni Jesus.

Ti Biblia (1973)

¹⁹ Simmungbat ni Jesus ket kinunana cadacuada: Rebbaenyo daytoy Templo, ket iti uneg ti tal-lo nga aldaw, bangonecto.

San Juan 2:19 Iomraidhean Croise

San Mateo 12:40

Kas iti panagyan ni Jonas iti tian ti dakkel nga ikan iti las-ud ti tallo nga aldaw ken rabii, kastanto met ti panagyan ti Anak ti Tao iti uneg ti daga.

San Mateo 16:21

Manipud idin, impakaammo ni Jesus kadagiti adalanna: “Masapul a mapanak idiay Jerusalem ket adu ti sagabaek a pamarparigat dagiti panglakayen, dagiti panguloen a papadi ken dagiti mamaestro iti Linteg. Mapapatayakto ngem mapagungarakto iti maikatlo nga aldaw.”

San Mateo 27:40

“Kinunkunam a rebbaem ti Templo samo bangonen met laeng iti uneg ti tallo nga aldaw. No Anaknaka ti Dios, isalakanmo man ta bagim ket bumabaka iti krus!”

San Mateo 27:63

“Apo,” kinunada, “malagipmi nga idi sibibiag pay dayta a mangal-allilaw, kinunana a mapagungarto kalpasan ti tallo nga aldaw.

San Marcos 14:58

“Nangngegmi nga insaona, ‘Rebbaekto daytoy a Templo a binangon dagiti tattao, ket iti uneg ti tallo nga aldaw mangbangonakto iti sabali a saan nga aramid ti tao.’”

San Marcos 15:29

Nagngirsi dagiti tattao nga aglabas. Pinagsasaoanda ni Jesus: “Kinunkunam a rebbaem ti Templo samo bangonen met laeng iti uneg ti tallo nga aldaw.

San Marcos 8:31

Kalpasanna, rinugian ni Jesus nga insuro dagiti adalanna: “Masapul nga agsagabanto iti napalalo ti Anak ti Tao. Laksidento dagiti panglakayen, dagiti panguloen a papadi ken dagiti mamaestro iti Linteg. Mapapatayto, ngem agungar met laeng kalpasan ti tallo nga aldaw.”

San Juan 11:25

“Siak ti panagungar ken ti biag,” kinuna ni Jesus. “Ti siasinoman a mamati kaniak, uray no matay, agbiagto pay.

San Juan 5:19

Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

Dagiti Aramid 2:24

Ngem pinagungar ti Dios agsipud ta winayawayaanna manipud pannakabalin ni patay. Saan ngamin a mabalin nga iturayan ni patay.

Dagiti Aramid 2:32

Daytoy met laeng a Jesus ti pinagungar ti Dios. Nasaksianmi amin daytoy a banag.

Dagiti Aramid 3:15

Pinatayyo ti mangiturong iti pudno a biag, ngem pinagungar ti Dios, ket dakami ti makapaneknek iti daytoy a banag.

Dagiti Aramid 3:26

Daytoy ti gapuna a pinili ti Dios ti Adipenna ket imbaonna nga immuna kadakayo tapno bendisionannakayo babaen iti panamagbabawina kadakayo kadagiti kinadakesyo.”

Dagiti Aramid 6:14

Nangngegmi a kunana a rebbaen daytoy Jesus a taga-Nazaret ti Templo ket balbaliwanna dagiti ugali nga impatawid ni Moises kadatayo!”

Taga-Roma 4:24

Agpaay met kadatayo a maibilangto a kas nalinteg, datayo a mamati iti Dios a namagungar ken ni Jesus nga Apotayo.

Taga-Roma 6:4

Ngarud, idi nabuniagantayo, naikaduatayo ken ni Cristo a naitanem, ket nairanudtayo iti ipapatayna tapno, kas iti pannakapagungar ni Cristo babaen iti nakaskasdaaw a pannakabalin ti Ama, sumurottayo met koma iti baro a panagbiag.

Taga-Roma 8:11

No agtaeng kadakayo ti Espiritu ti Dios a namagungar ken ni Jesus, itedto met daytoy a namagungar ken ni Cristo ti biag kadagiti agrupsa a bagiyo babaen iti kaadda ti Espirituna kadakayo.

1 Taga-Corinto 15:12

Ita, yantangay ta ikaskasabami ti pannakapagungar ni Cristo, apay a kuna ti sumagmamano kadakayo a saan a mapagungar dagiti natay?

Taga-Colosas 2:12

Ta idi nabuniagankayo, naitanemkayon a nairaman ken Cristo, ket iti dayta a pannakabuniagyo, napagungarkayo met a kas kenkuana gapu iti panamatiyo iti nabileg a pannakabalin ti Dios a namagungar kenkuana.

1 Pedro 3:18

Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu,