San Juan 2:11 - Ti Baro a Naimbag a Damag Biblia

¹¹ Inaramid ni Jesus daytoy umuna a milagro idiay Cana, maysa nga ili ti Galilea. Impakitana ti dayagna sadiay, ket namati kenkuana dagiti adalanna.

Ti Biblia (1973)

¹¹ Daytoy a pangrugian dagiti datdatlag a inaramid ni Jesus idiay Cana ti Galilea, ket impakitana ti dayagna; ket dagiti adalanna namatida kencuana.

San Juan 2:11 Iomraidhean Croise

1 Ar-ari 17:24

Insungbat ti babai, “Ita, mapnekakon a maysaka a tao ti Dios ket pudno nga agtaud iti Apo ti aniaman nga ibagam!”

Dagiti Salmo 72:19

Idaydayawyo iti agnanayon ti nagloriaan a naganna; ket mapno koma ti sangalubongan iti dayagna! Amen! Amen!

Dagiti Salmo 96:3

Ipakaammoyo ti dayagna kadagiti pagilian, dagiti nabileg nga aramidna kadagiti amin a tattao.

Exodo 14:31

Nagbutengda ken ni Yahweh idi nakitada ti dakkel a pannakabalin a pinangparmekna kadagiti Egipcio. Nagtalekda ken ni Yahweh, kasta met ken ni Moises nga adipenna.

Exodo 4:9

Ket no didakanto pay la patien uray no imparangmo dagitoy dua a milagro, mangalakanto iti danum iti Karayan Nile samo ibuyat iti namaga a daga. Agbalinto a dara ti danum.”

Eclesiastes 9:7

Sige, manganka ket agragsakka. Uminumka iti arak ket aglinglingayka. Ipalubos daytoy ti Dios.

Isaias 40:5

Maiparangarangto ti dayag ti Apo, ket makitanto ti amin a tattao. Ti Apo a mismo ti nangikari iti daytoy.”

Malakias 2:2

Masapul a dayawendak babaen iti aramidyo. No didak ipangag ket diyo ipapuso ti ibagak, ilunodkayo. Ilunodko dagiti amin nga awatenyo a pagbiagyo. Kinapudnona, inlunodkon dagitoy gapu ta yaleng-alengyo dagiti bilinko.

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 1:17

Inted ti Dios ti Linteg babaen ken ni Moises, ngem immay ti parabur ken kinapudno babaen ken Jesu-Cristo.

San Juan 1:43

Iti sumuno nga aldaw, inkeddeng ni Jesus ti mapan idiay Galilea. Nasarakanna sadiay ni Felipe ket kinunana kenkuana, “Surotennak.”

San Juan 1:50

“Mamatika kadi gapu ta kinunak a nakitaka iti sirok ti kayo nga igos?” kinuna ni Jesus. “Makitamto dagiti daddadakkel pay a bambanag ngem daytoy!”

San Juan 10:41

Adu a tattao ti napan kenkuana. “Awan ti milagro nga inaramid ni Juan,” kinunada, “ngem pudno amin nga imbagana maipapan iti daytoy a tao.”

San Juan 11:15

Ngem gapu kadakayo, maragsakanak ta awanak iti ayanna, tapno mamatikayo. Ala, intayon iti yanna.”

San Juan 11:47

Iti kasta, nakitaripnong dagiti Fariseo ken panguloen a papadi kadagiti kamkameng ti Sanhedrin. “Ania ti aramidentayo?” kinunada. “Adu ti nakaskasdaaw nga ar-aramiden daytoy a tao!

San Juan 12:18

Dayta ti gapuna nga adu a tattao ti napan simmabat kenkuana, agsipud ta nadamagda nga isu ti nangaramid iti daytoy a milagro.

San Juan 12:37

Uray no inaramidna amin dagitoy a milagro iti imatangda, saanda a namati kenkuana

San Juan 12:41

Kinuna ni Isaias daytoy ta nakitana ti dayag ni Jesus, ket nagsao iti maipapan kenkuana.

San Juan 14:13

Aramidekto ti aniaman a dawatenyo iti naganko tapno maitan-ok ti Ama babaen iti Anak.

San Juan 16:27

Ay-ayatennakayo a mismo ti Ama, agsipud ta ay-ayatendak ken patienyo a naggapuak iti Dios.

San Juan 16:30

Ita, maawatanmin nga ammom amin. Saanmo a masapul ti uray siasinoman nga agsaludsod kenka. Daytoy ti gapuna a naggapuka iti Dios.”

San Juan 2:1

Kalpasan ti dua nga aldaw, adda boda idiay Cana, maysa nga ili ti Galilea. Adda sadiay ti ina ni Jesus,

San Juan 2:23

Idi adda ni Jesus idiay Jerusalem bayat ti Fiesta ti Paskua, adu ti namati kenkuana idi nakitada dagiti milagro nga inaramidna.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 4:3

Ngarud, idi madamag ni Jesus ti maisasao, pimmanaw idiay Judea ket nagsubli idiay Galilea.

San Juan 4:46

Kalpasanna, nagsubli ni Jesus iti ili a Cana idiay Galilea, ti lugar a namagbalinanna iti danum nga arak. Adda idi sadiay ti maysa nga ofisial ti gobierno a masakit ti anakna a lalaki idiay Capernaum.

San Juan 4:54

Daytoy ti maikadua a milagro nga inaramid ni Jesus kalpasan ti isasangpetna idiay Galilea manipud Judea.

San Juan 5:23

tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

San Juan 6:14

Idi makita dagiti tattao sadiay ti milagro nga inaramid ni Jesus, kinunada, “Awan duadua a daytoy ti Profeta nga umay ditoy lubong!”

San Juan 6:2

Simmurot kenkuana ti nakaad-adu a tattao, agsipud ta nakitada dagiti nakaskasdaaw nga inaramidna idi pinaimbagna dagiti masaksakit.

San Juan 6:26

“Ibagak kadakayo ti pudno: Sapsapulendak gapu ta nangankay iti tinapay ket nabsogkayo, saan a gapu ta nakitayo dagiti nakaskasdaaw nga aramidko,” insungbat ni Jesus.

San Juan 6:30

Kinunada ngarud kenkuana: “Ania ti maipakitam a milagro tapno mamatikami kenka? Ania ti aramidem?

San Juan 7:31

Nupay kasta, adu kadagiti tattao ti namati kenkuana. “Inton umay ti Cristo, agaramidto ngata iti ad-adu a milagro ngem ti inaramid daytoy a tao?” kinunada.

San Juan 9:16

Kinuna ti sumagmamano a Fariseo, “Saan a naggapu iti Dios ti tao a nangaramid iti daytoy, agsipud ta dina annuroten ti paglintegan iti Aldaw a Panaginana.” Kinuna met ti dadduma, “Kasano ti pannakabalin ti maysa a managbasol nga agaramid kadagiti kakasta a nakaskasdaaw a pagilasinan?” Agsusupadi ti pampanunotda.

2 Taga-Corinto 3:18

Ngarud, datayo amin nga awan abbong ti rupana, ipakitatayo ti dayag ti Apo. Balbaliwannatayo dayta met laeng a dayag nga aggapu iti Apo nga isu ti Espiritu tapno umaspingtayo kenkuana iti naranraniag pay a dayag.

2 Taga-Corinto 4:17

Ket daytoy nalag-an ken apagbiit a sagsagabaenmi, itedna kadakami ti dakkel ken agnanayon a dayag nga awan pakaipadaanna.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

Deuteronomio 5:24

Kinunada: ‘Impakita kadakami ti Apo a Diostayo ti kinatan-ok ken dayagna idi nangngegmi a nagsao manipud iti apuy! Ita nga aldaw, napaneknekanmi a mabalin nga agtuloy nga agbiag ti maysa a tao uray no nakisao kenkuana ti Dios.

1 Juan 5:13

Insuratko dagitoy kadakayo a mamati iti nagan ti Anak ti Dios, tapno maammoanyo nga addaankayo iti biag nga agnanayon.