San Juan 2:10 - Ti Baro a Naimbag a Damag Biblia

¹⁰ Kinunana iti nobio, “Ugali dagiti tattao nga ipasango nga umuna ti kaimasan nga arak sadanto ipasango ti ordinario nga arak no adun ti nainum dagiti sangaili. Ngem sika, inyud-udim nga impasango ti kaimasan nga arak!”

Ti Biblia (1973)

¹⁰ Ket cunana kencuana: Tunggal tao unaenna ti nasayaat nga arac, ket inton macainumda ti adun sa isango ti dacdakes: sica indulinmo ti nasayaat nga arac agingga ita.

San Juan 2:10 Iomraidhean Croise

Genesis 43:34

Naggapu iti lamisaan ni Jose dagiti taraon a naiserbi kadakuada. Naserbian ni Benjamin iti maminlima ti kaaduna ngem ti naited kadagiti dadduma a kakabsatna. Siraragsakda a nagpapangan ken nagiinum.

Dagiti Salmo 104:15

Agaramid iti arak a mangparagsak kenkuana, lana ti olibo a mangparaniag iti rupana agraman tinapay a mangted iti pigsana.

Kanta ni Solomon 5:1

“Addaak iti hardinko, ay-ayatek ken nobiak. Agal-alaak iti mirra ken balsamok; kankanek ti rara ken ti dirok, in-inumek ti arak ken gatasko.” “Mangan ken uminumkayo, agayan-ayat, agingga a mabartekkayo iti ayat!”

San Mateo 24:49

Pangpang-orenna dagiti padana nga adipen sa makipangan ken makiinum kadagiti mammartek.

San Lucas 12:45

Ngem no kuna dayta nga adipen iti bagina, ‘Mabayag pay ti isasangpet ti amongko,’ ket iruginan a kabilen dagiti padana nga adipen, lallaki man wenno babbai, sa mangan, uminum ken agbartek.

San Lucas 16:25

“Ngem kinuna ni Abraham, ‘Anakko, laglagipem a kabayatan ti panagbiagmo, naited kenka ti amin nga agkakaimbag a banag idinto a naglak-am ni Lazaro iti rigat. Itan, adda ditoy a maliwliwa ket addaka dita a matutuok.

Dagiti Aramid 2:15

Saan a nabartek dagitoy a tattao a kas ipagarupyo, gapu ta alas nuebe pay laeng iti bigat.

1 Taga-Corinto 11:21

Ta no mangankayo, agiinnunakayo a mangan iti bukodyo a pangrabii. Iti kasta, adda mabisinan, adda pay mabartek.

Taga-Efeso 5:18

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu.

1 Taga-Tesalonica 5:7

Iti rabii ti pannaturog dagiti tattao. Iti rabii met a mabartekda.

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 17:6

Ket nakitak a nabartek ti babai iti dara dagiti tattao ti Dios ken iti dara dagiti martir—dagiti napapatay idi gapu iti kinapudnoda ken ni Jesus. Kasta unay siddaawko a nakakita iti babai.