San Juan 19:6 - Ti Baro a Naimbag a Damag Biblia

⁶ Idi makita dagiti panguloen a papadi ken dagiti guardia ti Templo, impukkawda, “Pailansam iti krus! Pailansam iti krus!” Kinuna ni Pilato kadakuada, “Alaenyo ngarud. Dakayo ti mangilansa kenkuana iti krus. Awan panggapuak a mangdusa kenkuana.”

Ti Biblia (1973)

⁶ Idi ngarud nakita dagiti panguloen dagiti papadi ken dagiti oficial, nagariwawada, a kinunada: Ilansam iti cruz, ilansam iti cruz! Cuna cadacuada ni Pilato: Isu alaenyo ket ilansayo iti cruz; ta diac macasarac kencuana ti panggapuan.

San Juan 19:6 Iomraidhean Croise

San Mateo 26:58

Simmurot ni Pedro nga adda iti adayo, agingga iti paraangan ti balay ti Kangatoan a Padi. Simrek a nakikatugaw kadagiti guardia tapno kitaenna ti pagbanagan ti amin.

San Mateo 27:22

“Ania ngarud ti aramidek ken ni Jesus a maaw-awagan iti Cristo?” sinaludsod ni Pilato. “Ilansam iti krus,” kinunada amin.

San Mateo 27:24

Agsipud ta awanen ti maaramid ni Pilato, ket madlawna nga adda rumsua a riribuk, nangala iti danum sana binuggoan dagiti imana iti sangoanan dagiti tattao. “Awan ti pakaibiangak iti pannakapapatay daytoy a tao,” kinunana. “Makaammokayo ditan.”

San Lucas 23:4

Ket kinuna ni Pilato kadagiti panguloen a papadi ken kadagiti tattao, “Awan masarakak a pakaigapuan iti pannakadusa daytoy a tao.”

San Juan 18:3

Iti kasta, napan ni Judas iti hardin, ket nangikuyog iti bunggoy dagiti soldado a taga-Roma ken sumagmamano a guardia ti Templo nga imbaon dagiti panguloen a papadi ken Fariseo. Nagtagi-armas ken nagtagi-silaw dagiti soldado ken guardia.

San Juan 18:31

Kinuna ni Pilato kadakuada, “Alaenyo ngarud ket dakayo a mismo ti mangukom kenkuana kas mayannurot iti paglinteganyo.” “Saan a maipalubos kadakami ti mangikeddeng a mapapatay ti tao,” insungbat dagiti Judio. (

San Juan 18:38

“Ania kadi ti pudno?” sinaludsod ni Pilato. Kalpasan ti panangisao ni Pilato iti daytoy, rimmuar manen a napan iti ayan dagiti tattao ket kinunana kadakuada: “Awan panggapuak a mangikeddeng iti pannakadusana.

San Juan 19:15

Impukkawda, “Papapataymo! Papapataymo! Pailansam iti krus!” Sinaludsod ni Pilato kadakuada, “Kayatyo kadi a pailansak iti krus ti ariyo?” Simmungbat dagiti panguloen a papadi, “Awan sabali nga arimi no di la ti Emperador!”

San Juan 19:4

Rimmuar manen ni Pilato ket kinunana kadagiti tattao, “Adtoy, paipanko ni Jesus ditoy tapno makitayo nga awan panggapuak a mangikeddeng iti pannakadusana.”

Dagiti Aramid 2:23

Kas mayannurot iti bukodna a plano, inkeddengna a mayawat ni Jesus kadakayo. Pinapatayyo—pinalubosanyo dagiti managbasol a nangilansa kenkuana iti krus.

Dagiti Aramid 7:52

Adda kadi profeta a saan a pinagsagaba dagidi kapuonanyo? Pinatayda dagiti imbaon ti Dios, isuda a nangipakaammo idi iti yaay ti Nalinteg nga Adipen. Ket ita, liniputan ken pinatayyo.