San Juan 19:5 - Ti Baro a Naimbag a Damag Biblia

⁵ Rimmuar ni Jesus a sibabalangat iti siitsiitan ken siaaruat iti kolor-ube a kagay. Kinuna kadakuada ni Pilato, “Adtoy ti tao!”

Ti Biblia (1973)

⁵ Rimmuar agarud ni Jesus a nacabalangat ti sisiit ken capa a purpura. Ket cuna cadacuada ni Pilato: Adtoy ti tao!

San Juan 19:5 Iomraidhean Croise

Isaias 40:9

Inka iti tapaw ti nangato a bantay, O Jerusalem; ipakaammom ti naimbag a damag! Pigsaam ti agpukkaw, Sion; iwaragawagmo ti naimbag a damag! Agsaoka ket saanka nga agamak. Ibagam kadagiti il-ili ti Juda nga umayen ti Diosda!

Isaias 43:1

Israel, kuna ti Apo a namarsua kenka, “Saanka nga agbuteng—salaknibanka. Inawagak ti naganmo—kukuaka.

Isaias 7:14

Ngarud, ti Apo a mismo ti mangted kenka iti pagilasinan. Adtoy, agsikogto ti maysa nga agtutubo a balasang. Aganakto iti lalaki ket panagananna iti Immanuel.

Dungdung-aw 1:12

“Kitaendak!” ipukkawna iti amin a lumabas. “Dinusanak ti Apo iti aldaw ti pungtotna. Awan pakayaspingan ti ladingitko nga impalak-amna.

San Mateo 27:29

Nagaramidda iti korona a sisiitan ket imbalangatda kenkuana. Impaiggemda ti maysa a runo iti makannawan nga imana. Nagparintumengda iti sangoananna sada nagang-angawan. “Agbiag ti Ari dagiti Judio!” kinunkunada.

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

San Juan 19:2

Nangaramid dagiti soldado iti korona a siitsiitan sada inkabil iti ulona. Kinagayanda iti kolor-ube ket inasitganda.

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.