San Juan 19:34 - Ti Baro a Naimbag a Damag Biblia

³⁴ Nupay kasta, induyok ti maysa kadagiti soldado ti pikana iti bakrang ni Jesus, ket dagus a pimsuak ti dara ken danum. (

Ti Biblia (1973)

³⁴ Nupay casta maysa cadagiti soldado dinuyocna ti bacrangna iti maysa a pica ket dagus a rimmuar ti dara ken danum.

San Juan 19:34 Iomraidhean Croise

Dagiti Salmo 51:7

Ugasannak iti basolko tapno nadalusak; buggoannak ket napudpudawakto ngem kapas.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Zacarias 12:10

“Punnoekto dagiti kaputotan ni David ken dagiti tattao ti Jerusalem iti espiritu a mamagbalin kadakuada a manangngaasi ken managkararag. Kitaendanto ti natay gapu iti panangduyokda kenkuana ket dung-awandanto a kas iti pimmusay a kakaisuna nga anak. Agdung-awdanto iti nasaem a kasla kadagiti tattao a natay ti inauna nga anakda.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

San Mateo 27:62

Iti sumuno nga aldaw, kayatna a sawen, kalpasan ti Aldaw a Panagsagana, nakiuman ken ni Pilato dagiti panguloen a papadi ken dagiti Fariseo.

San Juan 19:33

Ngem idi dumtengda ken ni Jesus, nakitada a natayen isu a didan tinukkol dagiti sakana.

San Juan 20:20

sana impakita kadakuada dagiti imana ken ti bakrangna. Kasta unay ti ragsak dagiti adalan iti pannakakitada iti Apo.

Dagiti Aramid 22:16

Ket ita, ania pay la ti urayem? Tumakderka. Awagam ti naganna ket pabuniaganka ken dawatem ti pannakapakawan dagiti basbasolmo.’”

1 Taga-Corinto 1:30

Ngem inyasidegnakayo ti Dios ken ni Cristo Jesus tapno makikadkaduatayo kenkuana, ket pinagbalinna nga isu ti kinasiribtayo. Babaen ken ni Cristo, mapalintegtayo iti Dios, mapagsantotayo ken mawayawayaantayo.

1 Taga-Corinto 6:11

Kasta ti sumagmamano kadakayo idi. Ngem naugasankayon iti basol, naidatonkayon iti Dios, napalintegkayon iti imatang ti Dios babaen iti nagan ni Apotayo a Jesu-Cristo ken babaen iti Espiritu ti Diostayo.

Taga-Efeso 5:26

Inaramidna daytoy tapno pasantoenna ti iglesia iti Dios babaen iti panangugasna iti danum ken saona,

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 9:13

Maugasan dagiti tattao a makuna a “saan a nadalus,” babaen iti pannakawarsida iti dara dagiti kalding ken baka ken dagiti dapu ti napuoran nga urbon ti baka.

Hebreo 9:22

Kinapudnona, kas mayannurot iti Linteg, gistay amin a bambanag maugasanda babaen iti pannakaiparukpok ti dara, ket mapakawan ti basol babaen iti pannakaiparukpok ti dara.

1 Pedro 3:21

Mayasping daytoy a danum iti buniag a makaisalakan ita kadakayo. Saan a babaen iti pannakaugas ti rugit ti bagi, no di ket iti panagkari iti Dios babaen iti nadalus a konsensia. Isalakannakayo ti buniag babaen iti panagungar ni Jesu-Cristo

1 Juan 5:6

Ni Jesu-Cristo ti immay babaen iti danum ken iti dara. Immay, saan laeng nga iti danum, no di ket iti danum ken iti dara. Paneknekan met laeng ti Espiritu a pudno daytoy, agsipud ta pudno ti Espiritu.

1 Juan 5:8

ti Espiritu, ti danum ken ti dara. Ket agpapada ti ibagada.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.