San Juan 19:30 - Ti Baro a Naimbag a Damag Biblia

³⁰ Idi maramanan ni Jesus ti suka, kinunana, “Natungpalen.” Nagdumog ket natayen.

Ti Biblia (1973)

³⁰ Idi ngarud nainumen ni Jesus di suca, kinunana: Natungpalen. Ket idi nga indumogna di olona, inyawatna di cararuana.

San Juan 19:30 Iomraidhean Croise

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

Dagiti Salmo 22:15

Namaga a kas tapok ti ngiwatko, ket dumket ti dilak iti ngadasko. Binaybay-annakon a matay iti tapok a nakapasagak.

Isaias 53:10

Kuna ti Apo, “Nagayatak ti panagsagabana; maysa a daton ti ipapatayna a mangyeg iti pannakapakawan ti basol. Iti kasta, makitananto dagiti kaputotanna, ket atiddogto ti panagbiagna; isunto ti maaramat iti panagballigi ti panggepko.

Isaias 53:12

Ikkakto ngarud iti natan-ok a saad, saad a maipaay kadagiti natan-ok ken nabileg a tattao. Siaayat a nangted iti biagna, ket naibilang kadagiti managdakdakes. Innalana ti lugar dagiti adu a managbasol, ket sinagabana ti dusa a maipatay kadakuada.”

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

Daniel 9:26

Inton aggibus dayta a tiempo, mapapatayto nga awan gapgapuna ti pinili ti Dios. Madadaelto ti siudad ken ti Templo. Dadaelento ti rumaut nga armada ti maysa a nabileg a pangulo. Kaslanto layus a dumteng ti panungpalan. Yegnanto ti gubat ken pannakadadael nga insagana ti Dios.

Zacarias 13:7

Kuna ni Yahweh a Mannakabalin-amin: “Tumakderka, kampilan, ket darupem ti agpaspastor a katulongak. Papatayem tapno mawarawara dagiti karnero. Darupek dagiti tattaok

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Mateo 27:50

Nagpukkaw manen ni Jesus iti napigsa ket nauyosen ti biagna.

San Mateo 3:15

“Bay-am a maaramid ita daytoy tapno matungpalta ti amin a pagayatan ti Dios,” insungbat ni Jesus. Immanamong ngarud ni Juan.

San Marcos 15:37

Nagikkis ni Jesus iti napigsa ket nauyosen ti biagna.

San Lucas 22:37

Ta ibagak kadakayo a masapul a matungpal kaniak ti kuna ti Nasantoan a Surat: ‘Ket naibilang kadagiti kriminal.’ Wen, umasidegen ti pannakatungpal ti naisurat maipapan kaniak.”

San Lucas 23:46

Nagpukkaw ni Jesus iti napigsa: “Ama, kadagita imam yawatko ti espirituk!” Apaman a nasaona daytoy, nauyosen ti biagna.

San Juan 10:11

“Siak ti naimbag a pastor. Ti naimbag a pastor itedna ti biagna nga agpaay kadagiti karnerona.

San Juan 10:18

Awan ti makaala iti biagko. Itedko kas pagayatak. Adda kalintegak a mangited iti biagko, ket adda met kalintegak a mangala met laeng. Daytoy ti imbilin ti Amak nga aramidek.”

San Juan 17:4

Indaydayawka ditoy daga. Lineppasko ti trabaho nga intedmo nga aramidek.

San Juan 19:28

Ammo ni Jesus a nalpas aminen. Tapno matungpal ti kuna ti Nasantoan a Surat, kinunana, “Mawawak.”

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

Taga-Roma 10:4

Ta ni Cristo ti pagpatinggaan ti Linteg, tapno ti amin a mamati agbalin a nalinteg iti sangoanan ti Dios.

Taga-Roma 3:25

Indaton ti Dios ni Cristo Jesus tapno, babaen iti ipapatayna, isu ti pakapakawanan dagiti basol dagiti tattao babaen iti pammatida kenkuana. Inaramid ti Dios daytoy tapno ipakitana ti kinalintegna. Iti napalabas, naanus ket pinalabasna dagiti basol ti tao.

1 Taga-Corinto 5:7

Masapul ngarud nga ikkatenyo daytoy daan a lebadura ti basol tapno naan-anay ti kinadalusyo. Iti kasta, mayarigkayto iti baro a masa nga awan lebadurana ta naidatonen ni Cristo a korderotayo iti Paskua.

Taga-Filipos 2:8

Nagpakumbaba ket nagtulnog agingga ken ni patay, wen, uray iti ipapatayna iti krus.

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.

Hebreo 9:22

Kinapudnona, kas mayannurot iti Linteg, gistay amin a bambanag maugasanda babaen iti pannakaiparukpok ti dara, ket mapakawan ti basol babaen iti pannakaiparukpok ti dara.