San Juan 19:29 - Ti Baro a Naimbag a Damag Biblia

²⁹ Adda maysa a burnay sadiay a napno iti suka. Nangipasagepsepda iti maysa nga espongha iti suka sada inkabil iti murdong ti sanga ti hisopo, ket inggaw-atda iti ngiwatna.

Ti Biblia (1973)

²⁹ Adda idiay idi ti maysa a burnay a napno ti suca: Ket impasagepsepda ti maysa nga esponja ti suca ket incabilda iti murdong ti maysa nga sucdal ket ingaw-atda iti ngiwatna.

San Juan 19:29 Iomraidhean Croise

1 Ar-ari 4:33

Nagsao maipanggep iti kayo ken mula, manipud iti sedro ti Libano agingga iti hisopo nga agtubo kadagiti pader. Nagsao maipanggep kadagiti animal, tumatayab, parsua nga agkarkarayam ken ikan.

Dagiti Salmo 51:7

Ugasannak iti basolko tapno nadalusak; buggoannak ket napudpudawakto ngem kapas.

Exodo 12:22

“Mangalakayo iti sanga ti hisopo, isawsawyo iti dara nga adda iti palanggana ket warsianyo dagiti baotek ken ti ngatoen ti ruangan dagiti balbalayyo. Agtalinaedkayo kadagiti balbalayyo agingga iti bigat.

Numero 19:18

Mangala ti siasinoman a maibilang a nadalus iti saringit ti hisopo, itanebna iti danum sana warsian ti tolda, dagiti amin nga alikamen iti unegna ken dagiti tattao nga adda sadiay. Kasta met a tao a nadalus iti imatang ti linteg ti mangwarsi iti tao a nangsagid iti tulang ti tao wenno tanem wenno bangkay.

San Mateo 27:34

Inikkanda ni Jesus iti arak a nalaokan iti apro, ngem idi naramananna, dina ininum.

San Mateo 27:48

Nagtaray a dagus ti maysa kadakuada a napan nangala iti espongha. Impasagepsepna iti naalsem nga arak sana inkabil iti sukdal tapno ipasepsepna ken ni Jesus.

San Mateo 27:50

Nagpukkaw manen ni Jesus iti napigsa ket nauyosen ti biagna.

San Marcos 15:36

Adda nagtaray a napan nangala iti espongha. Impasagepsepna iti suka sana inkabil iti sukdal ket intanggayana ken ni Jesus. “Aguraykayo!” kinunana. “Kitaentayo man no umay ni Elias a mangibaba kenkuana iti krus!”

San Lucas 23:36

Linalais met dagiti soldado. Immasidegda ken ni Jesus sada inyawatan iti suka.