San Juan 19:28 - Ti Baro a Naimbag a Damag Biblia

²⁸ Ammo ni Jesus a nalpas aminen. Tapno matungpal ti kuna ti Nasantoan a Surat, kinunana, “Mawawak.”

Ti Biblia (1973)

²⁸ Idi nalpas daytoy, agsipud ta ammo ni Jesus a natungpalen dagiti amin a banbanag, tapno matungpal idi ti Surat, cunana: Mawawac.

San Juan 19:28 Iomraidhean Croise

Dagiti Salmo 69:21

Inikkandak iti sabidong idi mabisinak; pinainumdak iti suka idi mawawak.

Dagiti Salmo 22:15

Namaga a kas tapok ti ngiwatko, ket dumket ti dilak iti ngadasko. Binaybay-annakon a matay iti tapok a nakapasagak.

San Juan 19:30

Idi maramanan ni Jesus ti suka, kinunana, “Natungpalen.” Nagdumog ket natayen.

San Lucas 22:37

Ta ibagak kadakayo a masapul a matungpal kaniak ti kuna ti Nasantoan a Surat: ‘Ket naibilang kadagiti kriminal.’ Wen, umasidegen ti pannakatungpal ti naisurat maipapan kaniak.”

San Juan 19:24

Kinuna dagiti soldado iti maysa ken maysa, “Saantayo a pigpigisen ti lupot, ta pagbibinnunotantayo no siasino ti mangtagikua.” Napasamak daytoy tapno matungpal ti kuna ti Nasantoan a Surat: “Nagbibingayanda ti kawesko, Nagbibinnunotanda ti tunikak.” Kasta ti inaramid dagiti soldado.

San Lucas 18:31

Inyadayo ni Jesus dagiti sangapulo ket dua nga adalan ket kinunana kadakuada, “Denggenyo! Sumang-attay idiay Jerusalem, ket matungpalto sadiay ti amin nga insursurat dagiti profeta maipapan iti Anak ti Tao.

San Juan 18:4

Agsipud ta ammo ni Jesus ti amin a mapasamak kenkuana, sinabatna ida. “Siasino ti sapsapulenyo?” kinunana.

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

Dagiti Aramid 13:29

Idi naaramiddan ti amin a nailanad iti Nasantoan a Surat maipapan kenkuana, imbabada iti krus sada intanem.

San Lucas 9:31

Nagparangda iti nailangitan a dayag. Kasarsaritada ni Jesus maipapan iti asidegen a panangtungpalna iti panggep ti Dios babaen iti ipapatayna idiay Jerusalem.

San Lucas 12:50

Adda buniag a masapul nga awatek, ket anian a dukotko agingga a di matungpal.

San Juan 4:34

“Ti taraonko isut' panangtungpalko iti pagayatan ti nangibaon kaniak ken ti panangileppasko iti paaramidna,” kinuna ni Jesus kadakuada.

San Juan 17:4

Indaydayawka ditoy daga. Lineppasko ti trabaho nga intedmo nga aramidek.

San Juan 19:36

Naaramid daytoy tapno matungpal ti kuna ti Nasantoan a Surat: “Awanto ti uray maysa a tulangna a matukkol.”