San Juan 19:24 - Ti Baro a Naimbag a Damag Biblia

²⁴ Kinuna dagiti soldado iti maysa ken maysa, “Saantayo a pigpigisen ti lupot, ta pagbibinnunotantayo no siasino ti mangtagikua.” Napasamak daytoy tapno matungpal ti kuna ti Nasantoan a Surat: “Nagbibingayanda ti kawesko, Nagbibinnunotanda ti tunikak.” Kasta ti inaramid dagiti soldado.

Ti Biblia (1973)

²⁴ Kinunada ngarud iti maysa ken maysa: Saantayo a pigisen, no di ket paggiginnasatantayo no asinonto ti akincua; tapno matungpal idi ti Surat, a cunana: Biningayda dagiti pagananayco cadacuada ket naggiginnasatanda ti cawesco.

San Juan 19:24 Iomraidhean Croise

2 Ar-ari 15:12

Natungpal ngarud ti kari ni Yahweh ken ni Ari Jehu: “Agarinto iti Israel dagiti kaputotam agingga iti maikapat a kaputotan.”

Dagiti Salmo 22:18

Pagsusugalanda dagiti pagan-anayko, pagbibinnunotanda ti kagayko.

Exodo 28:32

Putolam tapno pakayusokan ti ulo. Palikmutam ti putol iti inabel nga arubite tapno saan a nalaka a mapisang.

Isaias 10:7

Ngem adda nadawel a panggep ti emperador ti Asiria. Inkeddengna a dadaelen ti adu a nasion.

San Mateo 27:35

Inlansada ni Jesus iti krus. Nagbibingayanda ti pagan-anayna babaen iti panagbibinnunotda

San Marcos 15:24

Inlansada iti krus. Kalpasanna, biningbingayda ti pagan-anayna, babaen iti panagbibinnunotda no ania ti alaen ti tunggal maysa.

San Lucas 23:34

“Ama,” kinuna ni Jesus, “pakawanem ida ta dida ammo ti ar-aramidenda.” Nagbibingayan dagiti soldado dagiti pagan-anay ni Jesus babaen iti panagbibinnunotda.

San Juan 10:35

“Ammotayo nga agnanayon a pudno ti kuna ti Nasantoan a Surat, ket inawagan ti Dios a dios dagiti tattao a nakaitedan ti saona.

San Juan 13:18

“Saan a dakay amin ti pakaiturongan dagiti sasawek. Ammok dagiti pinilik. Ngem masapul a matungpal ti adda a naisurat, ‘Kinugtarannak ti nakipangan kaniak.’

San Juan 19:28

Ammo ni Jesus a nalpas aminen. Tapno matungpal ti kuna ti Nasantoan a Surat, kinunana, “Mawawak.”

Dagiti Aramid 13:27

Ta saan a nabigbig dagiti agnaed idiay Jerusalem ken dagiti panguloda a ni Jesus ti Mangisalakan. Dida met naawatan ti sao dagiti profeta a maibasbasa iti tunggal Aldaw a Panaginana. Ngem isuda met laeng ti nangipatungpal iti sao dagiti profeta idi inukomda ni Jesus.