San Juan 19:22 - Ti Baro a Naimbag a Damag Biblia

²² “Ti insuratko, naisuraten. Saanen a mabaliwan,” insungbat ni Pilato.

Ti Biblia (1973)

²² Simmungbat ni Pilato: Ti insuratco, insuratcon.

San Juan 19:22 Iomraidhean Croise

Genesis 43:14

Sapay koma ta tignayen ti Mannakabalin a Dios ti lalaki tapno kaasiannakayo ket palubosanna ni Benjamin ken tay maysa a kabsatyo. No dida makasubli ket mapukawko ida, agladingitakto ket awan ti mabalinko.”

Ester 4:16

“Ummongem ti amin a Judio nga adda iti Susa. Agayunarkayo ket idawdawatandak. Dikay mangan wenno uminum iti uray ania iti tallo nga aldaw ken rabii. Agayunarakto met agraman dagiti adipenko a babbai. Kalpasanna, uray no maisalungasing iti linteg, innakto iti ari ket no pakatayak, awatek a siraragsak.”

Dagiti Salmo 65:7

Pagtalnaem ti daranudor dagiti taaw; pagsardengem ti ungor dagiti dalluyon ken ti riribuk kadagiti pagilian.

Dagiti Salmo 76:10

Ti pungtot ti tao agbanag la a pakaidayawam; ket dagiti nakalasat ngilinendanto dagiti fiestam.

Dagiti Proverbio 8:29

idi ikkanna ti pagpatinggaan dagiti taaw. Addaak idi isaadna ti puon ti daga.

San Juan 19:12

Idi mangngeg ni Pilato daytoy, ad-adda manen ti gagarna a mangwayawaya ken ni Jesus. Ngem impukkaw dagiti Judio, “No wayawayaam dayta a tao, saannaka a gayyem ti Emperador. Ta kabusor ti Emperador ti siasinoman a mangibilang iti bagina nga ari.”