San Juan 19:15 - Ti Baro a Naimbag a Damag Biblia

¹⁵ Impukkawda, “Papapataymo! Papapataymo! Pailansam iti krus!” Sinaludsod ni Pilato kadakuada, “Kayatyo kadi a pailansak iti krus ti ariyo?” Simmungbat dagiti panguloen a papadi, “Awan sabali nga arimi no di la ti Emperador!”

Ti Biblia (1973)

¹⁵ Isuda ngarud nagariwawada: Iccatem, iccatem, ilansam iti cruz. Cuna ni Pilato cadacuada: Ti Ariyo ilansacto iti cruz? Simmungbat dagiti cangatoan a papadi: Awan ti sabali nga arimi no saan a ni Cesar.

San Juan 19:15 Iomraidhean Croise

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

San Mateo 22:17

Ibagam man ngarud kadakami no ania ti kapanunotam iti daytoy? Maisalungasing kadi iti Linteg wenno saan ti panagbayad iti buis iti Emperador?”

San Lucas 23:18

Ngem sangsangkamaysa dagiti tattao a nangipukkaw, “Papapataymo! Ni Barrabas ti kayatmi a wayawayaam!” (

San Juan 18:31

Kinuna ni Pilato kadakuada, “Alaenyo ngarud ket dakayo a mismo ti mangukom kenkuana kas mayannurot iti paglinteganyo.” “Saan a maipalubos kadakami ti mangikeddeng a mapapatay ti tao,” insungbat dagiti Judio. (

San Juan 19:6

Idi makita dagiti panguloen a papadi ken dagiti guardia ti Templo, impukkawda, “Pailansam iti krus! Pailansam iti krus!” Kinuna ni Pilato kadakuada, “Alaenyo ngarud. Dakayo ti mangilansa kenkuana iti krus. Awan panggapuak a mangdusa kenkuana.”

Dagiti Aramid 13:28

Ket uray no awan nasarakanda a pakaigapuan a makedngan a matay, dinawatda ken Pilato a papapatayna.

Dagiti Aramid 21:36

Ta sumursurotda a mangyik-ikkis iti pannakapapatayna.

Dagiti Aramid 22:22

Nagdengngeg dagiti tattao ken ni Pablo agingga iti nasaona daytoy. Ngem nagririawda a nakangngeg iti imbagana. “Patayen ti kasta a tao!” kinunkunada. “Saan a rumbeng nga agbiag!”