San Juan 19:11 - Ti Baro a Naimbag a Damag Biblia

¹¹ “Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

Ti Biblia (1973)

¹¹ Simmungbat kencuana ni Jesus: Awan coma ti aniaman a pannacabalinmo caniac, no di coma naited kenca nanipud ngato: gapuna ti nangyawat caniac kenca dacdackel ti basolna.

San Juan 19:11 Iomraidhean Croise

1 Cronicas 29:11

Naindaklan ken mannakabalinka, nadaeg, nadayag ken natan-okka. Kukuam amin nga adda sadi langit ken ditoy daga. Sika ti ari ken kangatoan a mangituray iti amin.

Dagiti Salmo 39:9

Agulimekak, diak agsao iti aniaman a balikas, agsipud ta sika ti nangipaay iti panagsagabak.

Dagiti Salmo 62:11

Saan la a namimpinsan a nangngegko ti kuna ti Dios nga adda kenkuana ti pannakabalin,

Dungdung-aw 3:37

Ti la pagayatan ti Apo ti kanayon a matungpal.

Daniel 4:17

Daytoy ti inkeddeng dagiti nasiglat ken managsiput nga angheles. Maammoan koma ngarud dagiti amin a tattao iti amin a lugar nga adda pannakabalin ti Kangatoan a Dios kadagiti pagarian dagiti tattao, ket mabalinna nga ited dagiti pagarian iti siasinoman a pilienna—uray ti kanumoan a tao.’

Daniel 4:25

Maibellengkanto iti tay-ak ket agyankanto sadiay a kaduam dagiti atap nga animal. Pitonto a tawen a mangmanganka iti ruot a kas iti baka ken maturog iti ruar a malinlinnaawan. Kalpasanna, annugotemto nga iturayan ti Dios a Kangatoan ti amin a pagarian ti tao ken mabalinna nga isaad nga ari ti siasinoman a pilienna.

Daniel 4:32

Mapagtalawkanto iti arpad dagiti tattao. Pitonto a tawen a makipagnaedka kadagiti atap nga animal ket mangankanto iti ruot a kas iti baka. Kalpasanna, annugotemto nga iturayan ti Kangatoan a Dios ti amin a pagarian dagiti tattao ket mabalinna nga ited dagitoy a pagarian iti siasinoman a pilienna.”

Daniel 4:35

Ibilangna dagiti tattao ti daga a kasla awan serserbida; iturayanna dagiti angheles sadi langit ken dagiti tattao ditoy daga. Awan ti sumupring iti pagayatanna, wenno mangbabalaw iti aramidna.

Daniel 5:21

Napagtalaw iti gimong dagiti tattao. Nagbalin ti panunotna a kas iti panunot ti animal. Nakipagtaeng kadagiti atap nga asno. Nangan iti ruot a kas iti baka. Naturog iti ruar ket nalinlinnaawan. Kamaudianna, binigbigna nga iturayan ti Kangatoan a Dios ti amin a pagarian dagiti tattao, ket isaadna nga ari ti siasinoman a pilienna.

San Mateo 26:65

Iti kasta, rinay-ab ti Kangatoan a Padi ti pagan-anayna. “In-insultoenna ti Dios! Ania pay la ti pakasapulantayo kadagiti saksi?” kinunana. “Nangngegyon dagiti saona a maikaniwas iti Dios.

San Mateo 27:2

Pinungoda sada napan inyawat ken ni Pilato a gobernador.

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

San Marcos 14:44

Sakbay ti ipapanda, inted ti mangliput daytoy a pagilasinan kadagiti kimmuyog kenkuana: “Daydiay agekak isu ti sapsapulenyo. Tiliwen ken ipanawyo ket guardiaanyo a naimbag.”

San Lucas 22:53

Inaldaw a nakipulpulapolak kadakayo idiay Templo, ngem didak inan-ano. Nupay kasta, daytoyen ti orasyo—ti oras a panagturay ti sipnget.”

San Juan 18:13

Immuna nga indatagda ken ni Anas a katugangan ni Caifas, ti Kangatoan a Padi iti dayta a tawen.

San Juan 18:3

Iti kasta, napan ni Judas iti hardin, ket nangikuyog iti bunggoy dagiti soldado a taga-Roma ken sumagmamano a guardia ti Templo nga imbaon dagiti panguloen a papadi ken Fariseo. Nagtagi-armas ken nagtagi-silaw dagiti soldado ken guardia.

San Juan 19:10

Kinuna kenkuana ni Pilato, “Apay a dika sumungbat? Dimo kad ammo nga adda pannakabalinko a mangwayawaya wenno mangpailansa kenka iti krus?”

San Juan 3:27

Insungbat ni Juan, “Awan ti mabalin nga awaten ti tao malaksid no ited kenkuana ti Dios.

San Juan 7:30

Gapu iti daytoy, pinanggepda a tiliwen, ngem awan mayat a mangtengngel kenkuana, ta di pay dimteng ti tiempo a mapasamak kenkuana daytoy.

San Juan 9:41

“No bulsekkayo, awan koma ti pakabasolanyo,” insungbat ni Jesus. “Ngem gapu ta kunayo met a makakitakayo, kayatna a sawen nga adda latta basolyo.”

Dagiti Aramid 2:23

Kas mayannurot iti bukodna a plano, inkeddengna a mayawat ni Jesus kadakayo. Pinapatayyo—pinalubosanyo dagiti managbasol a nangilansa kenkuana iti krus.

Dagiti Aramid 3:13

Ti Dios da Abraham, Isaac ken Jacob—ti Dios dagiti kapuonantayo—intan-okna ni Jesus nga adipenna, ni Jesus nga inyawatyo kadagiti agtuturay, ket linaksidyo iti saklang ni Pilato uray idi nalpasnan nga inkeddeng ti pannakawayawayana.

Dagiti Aramid 4:28

Nagmimitingda a mangipatungpal iti amin a maaramid nga inkeddengmo idin babaen iti pannakabalin ken pagayatam.

Taga-Roma 11:36

Ta isu ti namarsua kadagiti amin. Agbiagda amin babaen kenkuana ket agserbida kenkuana. Madaydayaw koma ti Dios iti agnanayon! Amen.

Taga-Roma 13:1

Rebbeng ti amin a tattao ti agtulnog kadagiti agtuturay iti gobierno gapu ta awan ti turay a saan nga agtaud iti Dios. Ti Dios ti nangisaad kadagiti agtuturay.

Santiago 1:17

Aggapu sadi langit ti amin a nasayaat ken naan-anay a sagut. Wen, aggapu iti Dios a namarsua kadagiti nailangitan a silaw. Awan kenkuana ti panagbalbaliw a mamataud iti kinasipnget.

Santiago 4:17

Ngarud, agbasol ti tao a di mangaramid iti naimbag nga ammona a masapul nga aramidenna.