San Juan 18:4 - Ti Baro a Naimbag a Damag Biblia

⁴ Agsipud ta ammo ni Jesus ti amin a mapasamak kenkuana, sinabatna ida. “Siasino ti sapsapulenyo?” kinunana.

Ti Biblia (1973)

⁴ Ni Jesus idinto nga ammoma amin dagiti mapasamacnanto, rimmuar ket cunana cadacuada: Asino ti sapulenyo?

San Juan 18:4 Iomraidhean Croise

1 Ar-ari 18:10

“Iti nagan ti Apo a sibibiag a Diosmo, isapatak a pinasapsapulnaka ti ari iti amin a pagilian ti lubong. No maibaga kenkuana nga awanka iti maysa a pagilian, saan a mamati no di agsapata ti agturay iti dayta a pagilian a saanka a mabirokan.

Nehemias 6:11

“Saanak a takrot a lalaki nga agtaray ken aglemmeng,” insungbatko. “Ipagarupmo kadi nga aglemmengak iti Templo tapno maispal ti biagko? Diak aramiden dayta.”

Dagiti Salmo 27:3

Uray no lawlawennak ti entero nga armada, saanak nga agbuteng. Uray no darupendak, agtalekak latta kenkuana.

Dagiti Salmo 3:6

Diak kabuteng dagiti rinibu a kabusor iti likmutko.

Dagiti Proverbio 28:1

Agtaray ti managdakdakes uray awan kumamkamat kenkuana, ngem ti nalinteg natured a kas iti leon.

San Mateo 16:21

Manipud idin, impakaammo ni Jesus kadagiti adalanna: “Masapul a mapanak idiay Jerusalem ket adu ti sagabaek a pamarparigat dagiti panglakayen, dagiti panguloen a papadi ken dagiti mamaestro iti Linteg. Mapapatayakto ngem mapagungarakto iti maikatlo nga aldaw.”

San Mateo 26:2

“Ammoyo a dua nga aldaw laengen sakbay ti Fiesta ti Paskua. Mayawatto ti Anak ti Tao tapno mailansa iti krus.”

San Mateo 26:21

Bayat ti pannanganda, kinuna ni Jesus, “Ibagak kadakayo ti pudno: maysanto kadakayo ti mangliput kaniak.”

San Mateo 26:31

Kinuna ni Jesus kadakuada, “Iti daytoy met la a rabii, panawandakto, dakay amin, agsipud ta kuna ti Nasantoan a Surat, ‘Patayento ti Dios ti agpaspastor ket mawarawaranto ti arban dagiti karnero.’

San Lucas 24:44

Kalpasanna, kinunana kadakuada, “Dagitoy dagiti imbagbagak kadakayo idi addaak pay laeng iti arpadyo. Masapul a matungpal amin a naisurat maipapan kaniak iti Linteg ni Moises, kadagiti sursurat dagiti profeta, ken kadagiti Salmo.”

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 13:11

Ammon ni Jesus ti mangliput kenkuana, isu a kinunana, “Nadaluskay aminen malaksid iti maysa.”)

San Juan 18:5

“Ni Jesus a taga-Nazaret,” insungbatda. “Siak,” kinunana. Agtaktakder iti ayanda ni Judas a mangliput kenkuana.

San Juan 18:7

Sinaludsod manen ni Jesus kadakuada, “Siasino ti sapsapulenyo?” “Ni Jesus a taga-Nazaret,” kinunada.

San Juan 19:28

Ammo ni Jesus a nalpas aminen. Tapno matungpal ti kuna ti Nasantoan a Surat, kinunana, “Mawawak.”

San Juan 6:64

Nupay kasta, adda sumagmamano kadakayo a di mamati.” (Sigud nga ammo ni Jesus no siasino dagiti saan a mamati ken no siasino ti mangliputto kenkuana.)

Dagiti Aramid 2:28

Impakaammom kaniak ti dalan nga agturong iti biag. Iti sidongmo, iti rag-o malapunosak.’

1 Pedro 4:1

Gapu ta nagsagaba ni Cristo iti bagi, sisasaganakayo koma nga agsagaba a kas kenkuana, agsipud ta saanen nga agbasol ti siasinoman nga agsagaba iti bagi.