San Juan 18:36 - Ti Baro a Naimbag a Damag Biblia

³⁶ “Saan a ditoy lubong ti ayan ti pagariak,” kinuna ni Jesus. “No ditoy lubong koma, makigubat dagiti pasurotko tapno saanak a mayawat kadagiti agtuturay a Judio. Ngem saan a ditoy lubong ti ayan ti pagariak!”

Ti Biblia (1973)

³⁶ Simmungbat ni Jesus: Ti pagariac saan a ditoy a lubong: ta no ditoy a lubong coma ti pagariac, dagiti adipenco makibacalda coma tapno saanac a maiyawat coma cadagiti Judio; ngem ita, ti pagariac saan a ditoy.

San Juan 18:36 Iomraidhean Croise

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 26:53

Dimo aya ammo a mabalinko ti agpatulong ken ni Amak ket ibaonna a dagus ti nasurok a sangapulo ket dua nga armada dagiti angheles?

San Lucas 12:14

“Gayyem,” insungbat ni Jesus, “siasino aya ti nangted kaniak iti kalintegan a mangeddeng wenno mangbingay iti tawidyo nga agkabsat?”

San Juan 18:35

“Ipagarupmo kadi a Judioak?” kinuna ni Pilato. “Indarumdaka kaniak dagiti kailiam ken dagiti panguloen a papadi. Ania aya ti inaramidmo?”

San Juan 6:15

Idi madlaw ni Jesus nga umay dagiti tattao a mangala kenkuana tapno pilitenda nga isaad nga ari, nagpakni manen nga is-isuna kadagiti bambantay.

San Juan 8:15

Mangukomkayo kas mayannurot iti pagalagadan ti tao. Diak mangukom iti uray siasino.

Taga-Roma 14:17

Ta ti Pagarian ti Dios saan a maipapan iti pannangan ken panaginum no di ket maipapan iti kinalinteg, kappia ken rag-o nga ited ti Espiritu Santo.

1 Timoteo 6:13

Ita, bilinenka iti imatang ti Dios a paggapuan ti amin a biag ken iti sangoanan ni Cristo Jesus a nangsaksi iti kinapudno iti saklang ni Poncio Pilato: