San Juan 18:20 - Ti Baro a Naimbag a Damag Biblia

²⁰ Simmungbat ni Jesus, “Nagsaoak a silalatak kadagiti tattao. Masansan a mangisursuroak iti uneg dagiti sinagoga ken iti Templo a paguurnongan dagiti amin a tattao. Awan a pulos ti imbagbagak iti nalimed.

Ti Biblia (1973)

²⁰ Ni Jesus simmungbat kencuana: Siac nagsaoac iti napanayag iti lubong: siac agnanayon a nangisursuroac idiay sinagoga ken idiay Templo, isu a paguurnongan amin dagiti Judio: ket awan ti sinaoc iti nalemmeng.

San Juan 18:20 Iomraidhean Croise

Dagiti Salmo 22:22

Saritaekto kadagiti kailiak ti naganmo; kadagiti kongregasion idaydayawkanto:

Dagiti Salmo 40:9

Iti taripnong dagiti amin a tattaom, O Apo, imbagak ti naimbag a damag a mangisalakanka. Ammom a diakto agsardeng a mangipakaammo.

Isaias 45:19

Saanak a nagsao iti nalimed, saanko met nga inlimed ti panggepko. Diak imbilin kadagiti Israelita a birokendak iti lugar a gusoguso. Siak ni Yahweh, ket pudno ti ibagak; ipakaammok no ania ti nalinteg.”

Isaias 48:16

“Umasidegkayo kaniak ket denggenyo ti ibagak. Manipud idi damo, awan inlimlimedko a sao inkagumaak a matungpal amin nga imbagak.” (Ita, inted ni Apo Dios ti pannakabalinna, ket imbaonnak.)

San Mateo 24:26

“Wenno, no kunada, ‘Kitaenyo, adda iti let-ang!’ dikay mapmapan sadiay. Ket no kunada, ‘Kitaenyo, adda nga aglemlemmeng ditoy!’ diyo patpatien.

San Mateo 26:55

“Tulisanak aya, ta nagtagikampilan ken nagtagipang-orkayo nga umay mangtiliw kaniak?” kinuna ni Jesus kadagiti tattao. “Inaldaw nga agtugtugawak a mangisursuro idiay Templo ket didak tiniliw.

San Mateo 26:65

Iti kasta, rinay-ab ti Kangatoan a Padi ti pagan-anayna. “In-insultoenna ti Dios! Ania pay la ti pakasapulantayo kadagiti saksi?” kinunana. “Nangngegyon dagiti saona a maikaniwas iti Dios.

San Mateo 4:23

Sinursor ni Jesus ti amin a paset ti Galilea. Nangisursuro iti uneg dagiti sinagogada. Inkaskasabana ti Naimbag a Damag maipapan iti Pagarian. Nangag-agas kadagiti nadumaduma a saksakit ken sagsagabaen dagiti tattao.

San Mateo 9:35

Sinursor ni Jesus dagiti amin nga il-ili ken barbarrio. Nangisuro kadagiti sinagogada, inkasabana ti Naimbag a Damag maipapan iti Pagarian ken pinaimbagna dagiti tattao kadagiti amin a kita ti sakit ken sagabaen.

San Marcos 8:32

Nalawag ti panangibagana kadakuada iti daytoy. Isut' gapuna nga inyadayo bassit ni Pedro ni Jesus sana binabalaw.

San Lucas 21:37

Inaldaw a mangisuro ni Jesus idiay Templo ket no dumteng ti rabii, rummuar a mapan maturog idiay Bantay Olivo.

San Lucas 4:15

Nangisursuro iti uneg dagiti sinagoga, ket dinaydayaw dagiti amin a tattao.

San Juan 18:21

Apay a pagsaludsodannak? Agsaludsodka kadagiti tattao a nagdengngeg kaniak no ania ti imbagak kadakuada ta ammoda ti sinaok.”

San Juan 6:59

Imbaga daytoy ni Jesus bayat ti panangisurona iti uneg ti sinagoga idiay Capernaum.

San Juan 7:14

Iti katengngaan ti fiesta, napan nangisuro ni Jesus idiay Templo.

San Juan 7:26

Kitaenyo! Agsasao iti publiko, ngem awan masaoda a maikontra kenkuana. Agpayson sa ketdi nga ammo dagiti agtuturay nga isu ti Cristo?

San Juan 7:28

Idi madama a mangisursuro ni Jesus idiay Templo, kinunana iti napigsa a timek, “Pudno kadi nga am-ammodak? Ammoyo kadi ti naggapuak? Diak immay a naknakemko. Ti nangibaon kaniak isu ti pudno, ngem diyo am-ammo.

San Juan 7:4

Ta awan ti tao a mangilimed iti aramidna no tarigagayanna ti aglatak. Yantangay ar-aramidem dagitoy, ipakaammom ngarud ti bagim iti entero a lubong!” (

San Juan 8:2

Kabigatanna, nasapa a nagsubli idiay Templo. Inaribungbongan ti adu a tattao ket nagtugaw a nangisuro kadakuada.

San Juan 8:26

No maipapan kadakayo, adu ti masaok ken babalawek. Ngem pudno ti nangibaon kaniak, ket ibagak iti lubong ti nangngegko kenkuana,” insungbat ni Jesus.

Dagiti Aramid 26:26

Naturedak nga agsao, agsipud ta ammo ti ari ti maipapan kadagitoy. Pagaammok a nadlawmo amin dagitoy, ta saanda a napasamak iti nalemmeng a lugar.