San Juan 17:9 - Ti Baro a Naimbag a Damag Biblia

⁹ “Idawdawatak ida. Saanko nga idawdawatan ti lubong no di ket dagiti tattao nga intedmo kaniak, ta kukuam ida.

Ti Biblia (1973)

⁹ Idawatac ida: diac idawatan ti lubong, no di ket dagiti intedmo caniac, ta cucuam ida.

San Juan 17:9 Iomraidhean Croise

San Lucas 22:32

Ngem inkarkararaganka, Simon, tapno saan a mapukaw ti pammatim. Inton agsublika kaniak, masapul a papigsaem dagiti kakabsatmo.”

San Lucas 23:34

“Ama,” kinuna ni Jesus, “pakawanem ida ta dida ammo ti ar-aramidenda.” Nagbibingayan dagiti soldado dagiti pagan-anay ni Jesus babaen iti panagbibinnunotda.

San Lucas 8:34

Idi makita dagiti agtartaraken kadagiti baboy ti napasamak, nagtatarayda a napan nagipadamag iti ili ken kadagiti barbarrio.

San Juan 14:16

Agdawatakto iti Ama ket ikkannakayto iti sabali a Mammagbaga nga agtaeng kadakayo iti agnanayon.

San Juan 17:2

Ta inikkam iti pannakabalin nga agturay kadagiti amin a tattao tapno ikkanna met iti biag nga agnanayon dagiti amin nga intedmo kenkuana.

San Juan 17:20

“Saan laeng nga is-isuda ti idawdawatak. Idawdawatak met dagiti mamati kaniak gapu iti mensaheda.

San Juan 17:6

“Impakaammoka kadagiti tattao nga intedmo kaniak ditoy lubong. Kukuam ida, ket intedmo ida kaniak. Tinungpalda ti saom,

San Juan 6:37

Umayto kaniak dagiti amin nga ited ni Amak. Ket ti umay kaniak, diakto pagtalawen.

San Juan 6:39

Ket pagayatan ti nangibaon kaniak nga awan ti mapukawko uray maysa kadagiti amin nga intedna kaniak, no di ket pagungarekto amin ida inton maudi nga aldaw.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

Hebreo 9:24

Ta saan a simrek ni Cristo iti Nasantoan a Disso nga aramid ti tao ken ladawan laeng ti napaypayso a disso. Simrek ketdi sadi langit a yanna ita iti sangoanan ti Dios gapu kadatayo.

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.