San Juan 17:8 - Ti Baro a Naimbag a Damag Biblia

⁸ Intedko kadakuada ti mensahe nga intedmo kaniak, ket inawatda. Ammoda a pudno a naggapuak kenka ket patienda nga imbaonnak.

Ti Biblia (1973)

⁸ Ta dagiti sao nga intedmo caniac, intedco cadacuada; ket inawatda, ket naammoanda a pudno a naggapuac kenca ket pinatida a sica imbaonnac.

San Juan 17:8 Iomraidhean Croise

Dagiti Proverbio 1:23

Ipangagdak no tubngarenkayo. Balakadankay iti naimbag, ket ipakaammok kadakayo ti adda kaniak a kinasirib.

Dagiti Proverbio 1:3

Maisurodakayo nga agbiag a manakem, agbiag iti kinalinteg, kinapudno ken kinatakneng.

Dagiti Proverbio 2:1

Anakko, adalem ti isurok kenka, ket dimo liplipatan ti ibagak nga aramidem.

Dagiti Proverbio 4:10

Denggennak, anakko. Ipapusom dagiti saok tapno atiddogto ti panagbiagmo.

Dagiti Proverbio 8:10

Piliem ti pannursurok a saan ketdi a ti pirak. Piliem ti pannakaammo saan a ti puro a balitok.

San Mateo 13:11

Simmungbat ni Jesus, “Naited kadakayo ti panangammo kadagiti palimed ti Pagarian ti Langit, ngem kadakuada, saan.

San Juan 12:49

Wen, ta diak nagsao iti bukbukodko a turay no di ket imbilin ti Ama a nangibaon kaniak no ania ti sawek ken ibagak.

San Juan 14:10

Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

San Juan 15:15

Saankayon nga ibilang nga adipen, ta saan nga ammo ti adipen ti ar-aramiden ti apona. Ngem ibilangkayo a gagayyem ta impakaammok kadakayo ti amin a nangngegko ken ni Amak.

San Juan 16:27

Ay-ayatennakayo a mismo ti Ama, agsipud ta ay-ayatendak ken patienyo a naggapuak iti Dios.

San Juan 16:30

Ita, maawatanmin nga ammom amin. Saanmo a masapul ti uray siasinoman nga agsaludsod kenka. Daytoy ti gapuna a naggapuka iti Dios.”

San Juan 17:14

Intedko kadakuada ti saom ket ginura ida ti lubong ta kas kaniak, saanda a taga-lubong.

San Juan 17:18

Kas iti panangibaonmo kaniak ditoy lubong, kasta met ti panangibaonko kadakuada iti lubong.

San Juan 17:21

Ikarkararagko nga agmaymaysada amin. Ama, addada koma kadata, a kas iti kaaddam kaniak ken iti kaaddak kenka. Agmaymaysada koma tapno patien ti lubong nga imbaonnak.

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 3:33

Ti siasinoman nga umawat iti mensahena, pasingkedanna a pudno ti Dios.

San Juan 6:68

“Apo,” insungbat ni Simon Pedro, “siasino pay aya ti papananmi? Adda kenka dagiti sao a makaited iti biag nga agnanayon.

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

1 Taga-Corinto 11:23

Ta inawatko iti Apo ti pannursuro nga inyawatko met kadakayo: Iti rabii a pannakaliput ni Apo Jesus, innalana ti tinapay.

1 Taga-Corinto 15:1

Kakabsat, kayatko nga ipalagip kadakayo ti Naimbag a Damag nga inkasabak kadakayo, nga inawatyo ket pagbatayan a sititibker ti pammatiyo.

Deuteronomio 18:18

Mangibaonakto iti profeta a kas kenka nga agtaud kadakuada. Ibagakto kenkuana ti isaona ket ibagananto met kadagiti tattao ti amin nga ibilinko.

1 Taga-Tesalonica 2:13

Adda pay sabali a gapu no apay a kanayon nga agyamankami iti Dios. Idi impakaammomi kadakayo ti mensahe ti Dios, inawatyo, saan a kas mensahe ti tao, no di ket kas pudno a mensahe ti Dios. Ket pudno nga aggapu iti Dios daytoy a mensahe. Ngamin, adda nga agtartrabaho ti Dios kadakayo a mamati.

1 Taga-Tesalonica 4:1

Kamaudiananna, kakabsat, nasursuroyo kadakami no kasano ti pannakilangenyo iti padayo a tao tapno maragsakan ti Dios kadakayo. Kinapudnona, kasta ti an-annurotenyo. Ngem iti nagan ni Apo Jesus, idawat ken igunamgunammi kadakayo a pasayaatenyo pay.

1 Juan 4:14

Nakita ken paneknekanmi nga imbaon ti Ama ti Anakna a Mangisalakan iti lubong.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,