San Juan 17:3 - Ti Baro a Naimbag a Damag Biblia

³ Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

Ti Biblia (1973)

³ Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 17:3 Iomraidhean Croise

1 Cronicas 28:9

“Ket sika, Solomon nga anakko, ibilinko kenka a bigbigem ti Diosko. Agserbika a siaayat kenkuana ken iti amin a pusom, ta ammona amin ti pampanunoten ken tartarigagayantayo. No mapanka kenkuana, awatennaka. Ngem no tallikudam, laksidennakanto iti agnanayon.

2 Cronicas 15:3

Nabayag a tiempo a nagbiag dagiti Israelita nga awanan iti pudpudno a Dios, awan papadi a mangisuro kadakuada, awan ti lintegda.

Dagiti Salmo 9:10

Talkendaka, O Apo, dagiti makaammo kenka, dagiti agkamang kenka dimo baybay-an ida.

Dagiti Proverbio 8:35

Ti makasarak kaniak masarakanna ti biag, ket magun-odna ti parabur ti Apo.

Isaias 48:16

“Umasidegkayo kaniak ket denggenyo ti ibagak. Manipud idi damo, awan inlimlimedko a sao inkagumaak a matungpal amin nga imbagak.” (Ita, inted ni Apo Dios ti pannakabalinna, ket imbaonnak.)

Isaias 53:11

Agrag-onto manen kalpasan ti panagtutuokna; maammoannanto nga adda serbi ti panagsagabana. Isu ti nalinteg nga adipenko, awitennanto ti dusa dagiti adu, ket gapu kenkuana pakawanekto ida.

Isaias 61:1

Pinunnonak ni Apo Dios iti espirituna. Pinilinak ket imbaonnak a mangipakaammo iti naimbag a damag kadagiti napanglaw, mangliwliwa kadagiti nalapunos iti ladingit, mangiwaragawag iti pannakaruk-at dagiti napagtalaw, ken ti pannakawayawaya dagiti adda iti pagbaludan.

Jeremias 10:10

Ngem sika, O Apo, ti pudno a Dios, sika ti sibibiag a Dios, ken ti agnanayon nga ari. No makapungtotka, agginggined ti daga; saan a maibturan dagiti nasion ti ungetmo. (

Oseas 6:3

Agpakumbabatayo iti imatang ti Apo. Ikagumaantayo ti mangbigbig kenkuana. Awan duadua ti yaayna kadatayo, kas iti idadateng ti parbangon, kas iti damo a tudo a mangsibog iti daga.”

San Marcos 9:37

“Ti umawat iti maysa kadagiti kakastoy nga ubbing gapu kaniak, siak ti awatenna. Ket ti umawat kaniak, saan laeng a siak ti awatenna no di pay ket ti nangibaon kaniak.”

San Lucas 9:48

sana kinuna kadakuada, “Ti umawat iti daytoy nga ubing gapu kaniak, siak ti awatenna. Ket ti umawat kaniak, awatenna met ti nangibaon kaniak. Ta ti kanunumoan kadakay amin, isu ti kangrunaan.”

San Juan 10:36

No maipapan kaniak, pinilinak ti Ama ket imbaonnak ditoy lubong. Gapu ta kinunak a siak ti Anak ti Dios, kunayon a nagsaoak iti maikontra iti Dios?

San Juan 11:42

Ammok nga ipangagnak a kanayon, ngem kunak daytoy gapu kadagitoy a tattao tapno patienda nga imbaonnak.”

San Juan 14:26

Ti Mammagbaga nga ibaonto ti Ama iti naganko, isu ti Espiritu Santo. Isuronakayto iti amin a banag ken ipalagipnanto dagiti amin nga imbagak kadakayo.

San Juan 17:18

Kas iti panangibaonmo kaniak ditoy lubong, kasta met ti panangibaonko kadakuada iti lubong.

San Juan 17:21

Ikarkararagko nga agmaymaysada amin. Ama, addada koma kadata, a kas iti kaaddam kaniak ken iti kaaddak kenka. Agmaymaysada koma tapno patien ti lubong nga imbaonnak.

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:8

Intedko kadakuada ti mensahe nga intedmo kaniak, ket inawatda. Ammoda a pudno a naggapuak kenka ket patienda nga imbaonnak.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 3:34

Ta ti imbaon ti Dios sawenna dagiti sao ti Dios, agsipud ta inted ti Dios kenkuana ti Espirituna.

San Juan 5:44

“Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo kaniak?

San Juan 6:57

Imbaonnak ti sibibiag nga Ama, ket agbiagak met gapu kenkuana. Kasta met a ti mangan kaniak, agbiagto gapu kaniak.

San Juan 7:29

Am-ammok ti nangibaon kaniak ta naggapuak kenkuana.”

San Juan 8:19

“Sadino ti ayan ni amam?” sinaludsodda. “Saandak nga am-ammo,” insungbat ni Jesus, “ket diyo met am-ammo ni Amak. No am-ammodak koma, am-ammoyo met koma ni Amak.”

1 Taga-Corinto 15:34

Agsublikay iti nasayaat a panunotyo ket dikay agbasolen. Ibagak nga agbain koma ti sumagmamano kadakayo a di makaammo iti Dios.

1 Taga-Corinto 8:4

Ngarud, no maipapan iti pannangan iti taraon a naidaton kadagiti didiosen, ammotayo a ti didiosen awan ti napudpudno nga iladawanna; ammotayo a maymaysa laeng ti Dios.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

Taga-Filipos 3:10

Ti la tarigagayak isu ti pannakaammok ken ni Cristo, ti pannakapadasko iti pannakabalin ti panagungarna, ti pannakipagsagabak kenkuana ken ti panagbalinko a kas kenkuana iti ipapatayna,

Taga-Filipos 3:8

Wen, ibilangko amin a pukaw tapno magun-odko ti napatpateg nga isu ti pannakaammo ken ni Cristo Jesus nga Apok. Gapu kenkuana, binaybay-akon ti amin a masansan idi nga aramidek. Imbellengko aminen ida a kas rugit tapno, kas kunadan, magun-odko ni Cristo,

1 Taga-Tesalonica 1:9

Saritaen amin dagidiay a tattao ti panangawatyo kadakami idi simmarungkarkami kadakayo, ken ti panangtallikudyo kadagiti didiosen tapno agserbikayo iti napaypayso ken sibibiag a Dios.

2 Taga-Tesalonica 1:8

Babaen iti gumilgil-ayab nga apuy, dusaennanto dagiti di mangbigbig iti Dios ken dagiti di agtulnog iti Naimbag a Damag maipapan ken ni Apotayo a Jesus.

Hebreo 3:1

Isut' gapuna, kakabsatko a napili, dakayo nga inayaban met ti Dios, panunotenyo ni Jesus nga imbaon ti Dios ken agakem a Kangatoan a Padi ti pammatitayo.

2 Pedro 1:3

Babaen iti nadiosan a pannakabalinna, naited ti amin a kasapulantayo tapno masursurotayo ti agbiag a kas pudno a Kristiano. Maigapu daytoy iti pannakaammotayo ken ni Cristo a nangayab kadatayo tapno mairanudtay iti bukodna a dayag ken kinaimbag.

2 Pedro 1:8

Dagitoy ti kababalin a masapulyo, ket no nawadwadda kadakayo, aggagetkayto ket agbunganto ti pannakaammoyo ken ni Apotayo a Jesu-Cristo.

1 Juan 1:2

Idi naiparangarang daytoy a biag, nakitami; iti kasta, paneknekan ken ipakaammomi kadakayo ti naipakaammo kadakami maipapan iti agnanayon a biag nga addan idi iti Ama.

1 Juan 1:3

Ngarud, ibagami ti nakita ken nangngegmi tapno mairamankayo met iti pannakikadkaduami iti Ama ken ni Jesu-Cristo nga Anakna.

1 Juan 2:23

Ta ti saan a mangbigbig iti Anak, saanna met a bigbigen ti Ama. Ti mangbigbig iti Anak, bigbigenna met ti Ama.

1 Juan 4:6

Ngem datayo, kukuanatayo ti Dios. Dumngeg kadatayo ti tao a makaammo iti Dios. Saan a dumngeg kadatayo ti saan a kukua ti Dios. Daytoy ngarud ti pakaammoantayo iti paggiddiatan ti espiritu ti kinapudno ken ti espiritu ti kinaulbod.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.