San Juan 17:24 - Ti Baro a Naimbag a Damag Biblia

²⁴ “Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

Ti Biblia (1973)

²⁴ Ama, ti intedmo caniac cayatco a no adino ti yanco, addada met coma a maicuyog caniac; tapno makitada ti dayagco nga intedmo caniac: ta inayatnacon idi saan pay a nabangon ti lubong.

San Juan 17:24 Iomraidhean Croise

Genesis 45:13

Ibagayo ken ni tatang no kasano ti kinaturayko ditoy Egipto. Ibagayo met kenkuana ti amin a nakitayo. Ala, darasenyo ti mapan mangala kenkuana.”

San Mateo 25:21

“‘Nasayaat ti inaramidmo, naimbag ken mapagtalkan nga adipen!’ kinuna ti amongna. ‘Gapu ta napagtalkanka iti bassit a banag, pagaywanenkanto iti adu. Umayka makipagragsak kaniak.’

San Mateo 25:23

“Kinuna ti amongna, ‘Nasayaat ti inaramidmo, naimbag ken mapagtalkan nga adipen! Gapu ta napagtalkanka iti bassit a banag, pagaywanenkanto iti adu. Sumrekka a makipagragsak kaniak.’

San Mateo 25:34

Kalpasanna, kunanto ti Ari kadagiti tattao iti makannawanna: ‘Umaykayo, dakayo a binendisionan ni Amak! Awatenyo ti pagarian a naisagana para kadakayo manipud pannakaparsua ti lubong.

San Mateo 26:29

Ibagak kadakayo: Diakto uminumen iti arak ti ubas agingga iti dayta nga aldaw a pannakiinumko kadakayo iti baro nga arak ti ubas idiay Pagarian ni Amak.”

San Lucas 12:37

Anian a ragsak dagiti kakasta nga adipen a siririing ken sisasagana a masangpetan ti amongda. Ibagak kadakayo, agkawesto iti pagserbi, pagtugawennanto ida iti panganan, ket serbiannanto ida.

San Lucas 23:43

Kinuna ni Jesus kenkuana, “Ibagak kenka daytoy: Ita nga aldaw, makipagyankanto kaniak idiay Paraiso.”

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 12:26

Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

San Juan 14:3

Kalpasan ti ipapanko panangisagana iti pagyananyo, umaykayto alaen tapno addakayo met iti ayanko.

San Juan 15:9

Ayatenkayo a kas iti panagayat ti Ama kaniak. Agtalinaedkay iti ayatko.

San Juan 17:2

Ta inikkam iti pannakabalin nga agturay kadagiti amin a tattao tapno ikkanna met iti biag nga agnanayon dagiti amin nga intedmo kenkuana.

San Juan 17:22

Intedko kadakuada ti dayag nga intedmo kaniak tapno agmaymaysada a kas iti panagmaymaysata.

San Juan 17:5

Ama, itan-oknak ita iti imatangmo, kas iti panangitan-okmo kaniak idi addaak iti dennam sakbay a naparsua daytoy lubong.

San Juan 6:37

Umayto kaniak dagiti amin nga ited ni Amak. Ket ti umay kaniak, diakto pagtalawen.

San Juan 6:39

Ket pagayatan ti nangibaon kaniak nga awan ti mapukawko uray maysa kadagiti amin nga intedna kaniak, no di ket pagungarekto amin ida inton maudi nga aldaw.

San Juan 8:58

Kinuna ni Jesus, “Ibagak ti pudno kadakayo: Sakbay a nayanak ni Abraham, addaakon.”

1 Taga-Corinto 13:12

Ti makitatayo ita, kasla nakudrep a ladawan iti sarming, ngem makitatayton iti rupanrupa. Adda pagkurangan ti ammok ita, ngem kalpasanna, naan-anayton a kas iti pannakaammo ti Dios kaniak.

2 Taga-Corinto 3:18

Ngarud, datayo amin nga awan abbong ti rupana, ipakitatayo ti dayag ti Apo. Balbaliwannatayo dayta met laeng a dayag nga aggapu iti Apo nga isu ti Espiritu tapno umaspingtayo kenkuana iti naranraniag pay a dayag.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

2 Taga-Corinto 5:8

Natalgedkam unay ket adayo a kaykayatmi ti pumanaw iti balaymi tapno makipagnaedkami iti Apo.

Taga-Filipos 1:23

ta agin-innagaw kaniak dagitoy dua. Tarigagayak unay ti sumina iti daytoy a biag ket tumiponak ken ni Cristo—nasaysayaat daytoy para kaniak.

1 Taga-Tesalonica 4:17

Kalpasanna, datayo a sibibiag iti dayta a tiempo, maurnongtayto a maikuyog kadakuada iti ayan dagiti ul-ulep tapno sabtentayo ti Apo idiay tangatang. Iti kasta, kanayonton nga addatayo iti denna ti Apo.

1 Pedro 1:21

Gapu ta namatikayo kenkuana, nagtalekkay iti Dios a namagungar ken namagbalin kenkuana a mannakabalin unay. Naiturong iti Dios ti pammati ken namnamayo.

1 Juan 3:2

Ay-ayatek a gagayyem, annaknatayon ti Dios, uray no saan pay a nalawag no anianto ti pagbalinantayo. Ngem ammotayo nga inton agparang ni Cristo, agbalintayto a kas kenkuana, agsipud ta makitatayto ti kinasiasinona.

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 3:21

“Ti agballigi, ikkakto iti kalintegan nga agtugaw iti dennak iti tronok, kas kaniak a nagballigi, ket ita, agtugtugawak iti abay ni Amak iti tronona.