San Juan 17:23 - Ti Baro a Naimbag a Damag Biblia

²³ Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

Ti Biblia (1973)

²³ Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

San Juan 17:23 Iomraidhean Croise

San Juan 10:38

Ngem no aramidek ida, uray no didak patien, patienyo koma dagiti ar-aramidko tapno mapaneknekanyo nga adda ti Ama kaniak, ket addaak iti Ama.”

San Juan 13:35

No agiinnayatkayo, maammoanto ti amin a tao a dakayo dagiti adalak.”

San Juan 14:10

Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

San Juan 14:23

“Ti agayat kaniak, tungpalennanto dagiti saok,” insungbat ni Jesus. “Ayatento ni Amak, ket siak ken ti Ama umaykamto agtaeng kenkuana.

San Juan 15:9

Ayatenkayo a kas iti panagayat ti Ama kaniak. Agtalinaedkay iti ayatko.

San Juan 16:27

Ay-ayatennakayo a mismo ti Ama, agsipud ta ay-ayatendak ken patienyo a naggapuak iti Dios.

San Juan 17:11

Ita, umayakon kenka, Nasantoan nga Ama. Awanakon iti lubong, ngem addada iti lubong. Aywanam ngarud ida babaen iti pannakabalin ti naganmo nga intedmo kaniak tapno agmaymaysada a kas kadata.

San Juan 17:21

Ikarkararagko nga agmaymaysada amin. Ama, addada koma kadata, a kas iti kaaddam kaniak ken iti kaaddak kenka. Agmaymaysada koma tapno patien ti lubong nga imbaonnak.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

San Juan 17:26

Impakaammoka kadakuada, ket diak mamingga a mangipakaammo tapno ti ayatmo kaniak adda kadakuada ket addaak met kadakuada.”

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 17:8

Intedko kadakuada ti mensahe nga intedmo kaniak, ket inawatda. Ammoda a pudno a naggapuak kenka ket patienda nga imbaonnak.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 6:56

Ti mangan iti lasagko ken uminum iti darak agtaeng kaniak, ket agtaengak met kenkuana.

1 Taga-Corinto 1:30

Ngem inyasidegnakayo ti Dios ken ni Cristo Jesus tapno makikadkaduatayo kenkuana, ket pinagbalinna nga isu ti kinasiribtayo. Babaen ken ni Cristo, mapalintegtayo iti Dios, mapagsantotayo ken mawayawayaantayo.

2 Taga-Corinto 5:21

Awan basol ni Cristo. Ngem gapu kadatayo, imbaklayna dagiti basoltayo tapno iti pannakikaysatayo kenkuana, mairanudtayo iti kinalinteg ti Dios.

Taga-Galacia 3:28

Ngarud, awan ti pagdumaan ti Judio ken Hentil, ti tagabu ken ti siwawaya, ti lalaki ken ti babai: maymaysakayo amin ken ni Cristo Jesus.

Taga-Filipos 3:15

Ngarud, kastoy met la koma ti riknatay amin a nataengan iti pammati. No adda sumagmamano kadakayo a maigiddiat ti riknana, ilawlawagto ti Dios daytoy.

Taga-Colosas 1:28

Ipakaammomi ngarud ti kinapudno maipapan ken ni Cristo kadagiti amin a tattao. Iti amin a kinasirib, ballaaganmi ti tunggal tao iti maipapan iti di rumbeng nga aramiden ken sursuroanmi ida iti rumbeng nga aramidenda tapno idatagmi iti sangoanan ti Dios ti tunggal maysa a pulos nga awan pagkuranganna iti pannakikaysada ken Cristo.

Taga-Colosas 2:2

Aramidek daytoy tapno mapapigsada ken agmaymaysada iti ayat ket mapnoda iti kinabaknang ti namnama nga ited ti napudpudno a pannakaawat. Iti kasta, maammoanda ti palimed ti Dios nga isu met laeng ni Cristo, ket

Taga-Colosas 3:14

Ket kadagitoy amin, inayonyo ti ayat a mamagsinggalut a naan-anay iti isuamin.

1 Pedro 5:10

Ngem kalpasan ti mabiit a panagsagabayo, pagbalinennakayto a naan-anay ti Dios. Wen, ti Dios ti amin a parabur a nangayab kadakayo a makiranud iti agnanayon a dayagna babaen iti pannakikaysayo ken Cristo. Patibkerennakay iti pammati, papigsaenna ti pakinakemyo ken ipasdeknakay iti nalagda a fondasion.

1 Juan 1:3

Ngarud, ibagami ti nakita ken nangngegmi tapno mairamankayo met iti pannakikadkaduami iti Ama ken ni Jesu-Cristo nga Anakna.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 4:19

Agayattayo agsipud ta immuna nga inayatnatayo ti Dios.

Paltiing 3:9

Denggem, no maipanggep iti bunggoy nga agdaydayaw ken ni Satanas, dagita nga ulbod ken agpamarang a Judioda, ibaonko ida kenka tapno agrukbabda iti sakaanam ket maammoandanto amin nga ay-ayatenka.