San Juan 17:22 - Ti Baro a Naimbag a Damag Biblia

²² Intedko kadakuada ti dayag nga intedmo kaniak tapno agmaymaysada a kas iti panagmaymaysata.

Ti Biblia (1973)

²² Ket ti dayag nga intedmo caniac, intedco cadacuada; tapno agmaymaysada coma; a cas met coma cadata nga agmaymaysa;

San Juan 17:22 Iomraidhean Croise

San Marcos 6:7

Inayabanna dagiti sangapulo ket dua nga adalanna, ket imbaonna ida a sagdudua. Inikkanna ida iti pannakabalin a mangpaksiat kadagiti dakes nga espiritu.

San Lucas 22:30

Mangan ken uminumkayto iti lamisaanko iti Pagariak ken agtugawkayo kadagiti trono a mangituray kadagiti sangapulo ket dua a tribu ti Israel.”

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 1:16

Gapu ta nabuslon ti paraburna, inawattayo amin ti bendisionna. Wen, nawadwad a bendision ti impaayna kadatayo.

San Juan 14:20

Inton dumteng dayta nga aldaw, maammoanyonto nga addaak ken ni Amak, ket addakayo met kaniak, kas iti kaaddak kadakayo.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

Dagiti Aramid 5:41

Pimmanaw dagiti apostoles iti saklang ti Sanhedrin. Kasta unay ti ragsakda ta imbilang ida ti Dios a maikari nga agsagaba iti pannakaibabain gapu ken ni Jesus.

Taga-Roma 8:30

Iti kasta, inayaban ti Dios dagiti pinilina. Saanna la nga inayaban ida, no di ket pinagbalinna pay ida a nalinteg. Saanna la a pinagbalin ida a nalinteg, no di ket imbingayanna pay ida iti gloriana.

2 Taga-Corinto 3:18

Ngarud, datayo amin nga awan abbong ti rupana, ipakitatayo ti dayag ti Apo. Balbaliwannatayo dayta met laeng a dayag nga aggapu iti Apo nga isu ti Espiritu tapno umaspingtayo kenkuana iti naranraniag pay a dayag.

2 Taga-Corinto 5:20

Ngarud, adtoykami a pannakangiwat ni Cristo. Kasla ti Dios a mismo ti agdawdawat kadakayo. Iti nagan ni Cristo, yunay-unaymi a makikappiakayo iti Dios!

2 Taga-Corinto 6:1

Ngarud, iti pannakipagtrabahomi iti Dios, ipakpakaasimi daytoy kadakayo: Naawatyon ti parabur ti Dios ket diyo ipalubos nga awan kapaypay-anna.

Taga-Efeso 2:20

Nabangonkayo met iti rabaw ti fondasion nga impasdek dagiti apostoles ken dagiti profeta, ket ni Cristo a mismo ti kangrunaan a pasuli.

Taga-Filipos 1:29

Ta naited kadakayo ti gundaway nga agserbi ken ni Cristo, saan laeng a babaen iti panamatiyo kenkuana, no di pay ket iti panagsagabayo gapu kenkuana.

Taga-Colosas 1:24

Ita, maragsakanak kadagiti sagsagabaek gapu kadakayo. Ta babaen kadagitoy, punnoak ti pagkurangan ti panagsagabak a kasapulan iti panagserbi ken ni Cristo. Maipaay daytoy a panagsagaba iti iglesia a bagi ni Cristo.

1 Juan 1:3

Ngarud, ibagami ti nakita ken nangngegmi tapno mairamankayo met iti pannakikadkaduami iti Ama ken ni Jesu-Cristo nga Anakna.

1 Juan 3:24

Ti mangtungpal kadagiti bilbilin ti Dios, agtalinaed iti Dios, ket agtalinaed met ti Dios kenkuana. Daytoy ti pakaammoantayo nga agtaeng kadatayo ti Dios: Ammotayo babaen iti Espiritu nga intedna kadatayo.

1 Juan 4:17

Agbalin a naan-anay ti ayat kadatayo tapno awan ti panagbutengtayo inton dumteng ti Aldaw ti Panangukom. Maaddaantayto iti tured agsipud ta ti panagbiagtayo ditoy lubong kas met idi ken ni Cristo.

Paltiing 21:14

Nabangon ti bakud ti siudad iti sangapulo ket dua a bato a nakaisuratan ti nagan dagiti sangapulo ket dua nga apostoles ti Kordero.