San Juan 17:21 - Ti Baro a Naimbag a Damag Biblia

²¹ Ikarkararagko nga agmaymaysada amin. Ama, addada koma kadata, a kas iti kaaddam kaniak ken iti kaaddak kenka. Agmaymaysada koma tapno patien ti lubong nga imbaonnak.

Ti Biblia (1973)

²¹ Tapno isuda amin agmaymaysada coma: a cas met sica, Ama, caniac, ket siac kenca, tapno addada met coma cadata; tapno ti lubong patienna coma a sica imbaonnac.

San Juan 17:21 Iomraidhean Croise

Jeremias 32:39

Ikkakto ida iti maymaysa a panggep iti biag: ti panagdayawda kaniak iti amin a tiempo para iti pagimbaganda ken iti pagimbagan dagiti kaputotanda.

Sofonias 3:9

“Aramidek a siakto laeng ti pagdaydayawan dagiti pagilian a saan ketdi a kadagiti sabali a didiosen ket agtulnogdanto amin kaniak.

Zacarias 14:9

Kalpasanna, agarinto ni Yahweh iti entero a lubong. Agdaydayawto ti tunggal maysa kenkuana a kas Dios ket maymaysanto ti naganna nga ammoda.

San Marcos 3:24

No agbibinnusor dagiti tattao iti maysa a pagarian, marpuog dayta a pagarian.

San Juan 10:16

Adda pay dagiti karnerok nga awan ditoy a pagaponan. Masapul nga yaponko met ida. Ipangagdanto ti timekko, ket agbalindanton a maymaysa nga arban nga aywanan ti maymaysa a pastor.

San Juan 10:30

Siak ken ti Ama, maymaysakami.”

San Juan 10:38

Ngem no aramidek ida, uray no didak patien, patienyo koma dagiti ar-aramidko tapno mapaneknekanyo nga adda ti Ama kaniak, ket addaak iti Ama.”

San Juan 11:42

Ammok nga ipangagnak a kanayon, ngem kunak daytoy gapu kadagitoy a tattao tapno patienda nga imbaonnak.”

San Juan 13:32

Ket no maitan-ok ti Dios kenkuana, ti Dios met laeng ti mangitan-ok iti Anak ti Tao, ket aramidennanto a dagus.

San Juan 13:35

No agiinnayatkayo, maammoanto ti amin a tao a dakayo dagiti adalak.”

San Juan 17:11

Ita, umayakon kenka, Nasantoan nga Ama. Awanakon iti lubong, ngem addada iti lubong. Aywanam ngarud ida babaen iti pannakabalin ti naganmo nga intedmo kaniak tapno agmaymaysada a kas kadata.

San Juan 17:18

Kas iti panangibaonmo kaniak ditoy lubong, kasta met ti panangibaonko kadakuada iti lubong.

San Juan 17:20

“Saan laeng nga is-isuda ti idawdawatak. Idawdawatak met dagiti mamati kaniak gapu iti mensaheda.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

San Juan 17:8

Intedko kadakuada ti mensahe nga intedmo kaniak, ket inawatda. Ammoda a pudno a naggapuak kenka ket patienda nga imbaonnak.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 5:23

tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

Dagiti Aramid 2:46

Inaldaw a mapanda a sangsangkamaysa iti Templo. Siaayat ken siraragsakda a nagkakapangan kadagiti balbalayda.

Dagiti Aramid 4:32

Sangsangkamaysa idi ti puso ken nakem dagiti mamati. Awan ti nangibilang a bukodna ti aniaman a kukuana, no di nagbibingayanda ti amin nga adda kadakuada.

Taga-Roma 12:5

Kasta met a nupay adutayo, maymaysatayo a bagi ken ni Cristo. Napagkakamangtayo a kas iti nadumaduma a paset ti bagi.

1 Taga-Corinto 1:10

Kakabsatko, ipakpakaasik kadakayo iti nagan ni Apotayo a Jesu-Cristo nga agkaykaysakayo iti amin a sawenyo tapno dikayo mabingaybingay. Wen, naan-anay koma ti panagtutunosyo iti panunot ken panggep.

1 Taga-Corinto 12:12

Mayarig ni Cristo iti maysa a bagi nga adu ti pasetna. Maysa latta a bagi uray no buklen ti nadumaduma a paset.

1 Taga-Corinto 6:17

Ngem ti siasinoman a mangikamang iti bagina iti Apo, maymaysadanton iti espiritu.

Taga-Galacia 3:28

Ngarud, awan ti pagdumaan ti Judio ken Hentil, ti tagabu ken ti siwawaya, ti lalaki ken ti babai: maymaysakayo amin ken ni Cristo Jesus.

Taga-Filipos 1:27

Mayannurot koma ngarud ti panagbiagyo iti ebanghelio ni Cristo, ta sarungkarankayo man wenno saan, madamagko koma a natibkerkayo iti maymaysa a panggep, ken sangsangkamaysakayo a makidangadang gapu iti pammati a naibatay iti ebanghelio.

1 Juan 1:3

Ngarud, ibagami ti nakita ken nangngegmi tapno mairamankayo met iti pannakikadkaduami iti Ama ken ni Jesu-Cristo nga Anakna.

1 Juan 5:7

Tallo ti mangpaneknek: