San Juan 17:2 - Ti Baro a Naimbag a Damag Biblia

² Ta inikkam iti pannakabalin nga agturay kadagiti amin a tattao tapno ikkanna met iti biag nga agnanayon dagiti amin nga intedmo kenkuana.

Ti Biblia (1973)

² Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

San Juan 17:2 Iomraidhean Croise

Dagiti Salmo 110:1

Kinuna ti Apo iti apok nga ari, “Agtugawka ditoy makannawanko, agingga a maparmekko dagiti kabusormo, ket addada iti babaem.”

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

San Mateo 11:27

“Inted kaniak ni Amak ti isuamin a banag. Awan ti makaam-ammo iti Anak no di laeng ti Ama. Awan met ti makaam-ammo iti Ama no di laeng ti Anak ken dagiti kayat ti Anak a pangipakaammoan kenkuana.

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

San Mateo 28:18

Immasideg ni Jesus ket kinunana, “Naited kaniak ti amin a pannakabalin idiay langit ken ditoy daga.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

San Juan 17:6

“Impakaammoka kadagiti tattao nga intedmo kaniak ditoy lubong. Kukuam ida, ket intedmo ida kaniak. Tinungpalda ti saom,

San Juan 17:9

“Idawdawatak ida. Saanko nga idawdawatan ti lubong no di ket dagiti tattao nga intedmo kaniak, ta kukuam ida.

San Juan 3:35

Ti Ama ayatenna ti Anakna ket impaimana kenkuana dagiti isuamin.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 6:27

“Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

San Juan 6:37

Umayto kaniak dagiti amin nga ited ni Amak. Ket ti umay kaniak, diakto pagtalawen.

San Juan 6:39

Ket pagayatan ti nangibaon kaniak nga awan ti mapukawko uray maysa kadagiti amin nga intedna kaniak, no di ket pagungarekto amin ida inton maudi nga aldaw.

Taga-Roma 6:23

Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.

1 Taga-Corinto 15:25

Ta masapul nga agturay ni Cristo agingga a maparmek ti Dios ti amin a kabusorna.

Taga-Efeso 1:20

nga inusarna idi pinagungarna ni Cristo, ket pinagtugawna iti makannawanna sadi langit.

Taga-Filipos 2:10

Iti kasta, kas pammadayaw iti nagan ni Jesus, Agparintumeng dagiti amin a parsua sadi langit, ditoy daga ken iti uneg ti daga.

1 Timoteo 1:16

Daytoy ti gapuna a kinaasiannak ti Dios tapno iparangarang ni Cristo Jesus ti di agpatingga nga anusna kaniak, siak a kadadaksan a managbasol, tapno agserbiak nga ulidan kadagiti amin a mamatinto kenkuana, ket awatenda ti biag nga agnanayon.

Hebreo 1:2

Ngem kadagitoy maudi nga aldaw, nagsao kadatayo babaen iti Anakna. Pinarsua ti Dios ti amin a lubong babaen kenkuana, ket isu ti pinilina nga agtagikua kadagiti amin a banag.

1 Pedro 3:22

a napan sadi langit. Adda itan iti makannawan ti Dios, ket iturayanna dagiti amin nga angheles, dagiti nailangitan nga agtuturay ken pannakabalin.

1 Juan 1:2

Idi naiparangarang daytoy a biag, nakitami; iti kasta, paneknekan ken ipakaammomi kadakayo ti naipakaammo kadakami maipapan iti agnanayon a biag nga addan idi iti Ama.

1 Juan 2:25

ket daytoy ti inkari ni Cristo kadatayo—ti biag nga agnanayon.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.

San Judas 1:21

Agtalinaedkayo iti ayat ti Dios. Agpannuraykay iti kaasi ni Apotayo a Jesu-Cristo a mangted kadakayo iti biag nga agnanayon.