San Juan 17:19 - Ti Baro a Naimbag a Damag Biblia

¹⁹ Gapu kadakuada, idatonko kenka toy bagik tapno mapasantoda met iti kinapudno.

Ti Biblia (1973)

¹⁹ Ket gapu cadacuada pagsantoec ti bagic, tapno mapagsantoda coma met iti kinapudno.

San Juan 17:19 Iomraidhean Croise

Isaias 62:1

Agsaoak tapno pumigsa ti pakinakem ti Jerusalem; diak agulimek agingga a di maisalakan ti siudad, ket agraniag ti balligina a kas silaw iti rabii.

Jeremias 1:5

“Pinilika sakbay nga inikkanka iti biag, ken sakbay a nayanakka, tinudinganka a profeta kadagiti pagilian.”

San Juan 10:36

No maipapan kaniak, pinilinak ti Ama ket imbaonnak ditoy lubong. Gapu ta kinunak a siak ti Anak ti Dios, kunayon a nagsaoak iti maikontra iti Dios?

San Juan 15:13

Ti katan-okan nga ayat nga ipakita ti maysa a tao isut' panangipaayna iti biagna para kadagiti gagayyemna.

San Juan 15:3

Nadaluskayon gapu iti pannursurok kadakayo.

San Juan 17:17

Pasantoem ida babaen iti kinapudno. Ti saom isut' pudno.

San Juan 17:20

“Saan laeng nga is-isuda ti idawdawatak. Idawdawatak met dagiti mamati kaniak gapu iti mensaheda.

2 Taga-Corinto 4:15

Maigapu amin daytoy kadakayo; ket iti panagwaras ti parabur ti Dios iti ad-adu a tao, ad-adunto met ti pagyamanda a kararag a pakaidayawan ti Dios.

2 Taga-Corinto 7:14

Impasindayawkayo kenkuana ket saandak a pinaay. Kanayon nga ibagami kadakayo ti pudno. Kasta met a napaneknekan a pudno ti panangipasindayawmi ken ni Tito.

2 Taga-Corinto 8:9

Ammoyo ti parabur ni Apotayo a Jesu-Cristo: Idinto a nabaknang, nagbalin a napanglaw gapu kadakayo tapno pabaknangennakayo babaen iti kinapanglawna.

Taga-Colosas 1:6

Mangted ti ebanghelio kadagiti bendision ket agsaksaknap iti entero a lubong. Maar-aramid met daytoy kadakayo manipud idi damoyo a mangngeg ti maipapan iti parabur ti Dios ket naammoanyo ti kinapudno daytoy a parabur.

1 Taga-Tesalonica 4:7

Saannatayo nga inayaban ti Dios tapno agbiagtayo iti kinaderrep, no di ket iti wagas a nasantoan.

2 Timoteo 2:10

Isut' gapuna nga ibturak ti amin gapu kadagiti napili a tattao ti Dios tapno awatendanto met ti pannakaisalakan nga adda ken ni Cristo Jesus, agraman ti agnanayon a gloria.

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

Hebreo 2:11

Dalusanna dagiti tattao iti basolda, ket isu ken dagiti nadalusan maymaysa ti Amada. Isut' gapuna a saan a mabain ni Jesus a mangawag a kakabsatna ida,

Hebreo 9:13

Maugasan dagiti tattao a makuna a “saan a nadalus,” babaen iti pannakawarsida iti dara dagiti kalding ken baka ken dagiti dapu ti napuoran nga urbon ti baka.

Hebreo 9:18

Dayta ti gapuna a napasingkedan ti immuna a tulag babaen iti pannakaaramat ti dara.

Hebreo 9:26

Ta no kasta ti naaramid, mamin-adu met koma nga agsagaba manipud iti pannakaparsua ti lubong. Ngem iti kinaagpaysona, iti paggibusan dagiti panawen, naminsan la a nagparang ket saanen a naulit, tapno ikkatenna ti basol babaen iti panangidatonna iti mismo a bagina.

1 Juan 3:18

Annakko, saantayo koma nga agayat babaen iti sao wenno sarita laeng. Ipakitatayo ketdi ti pudno a panagayat babaen iti aramid.

1 Juan 3:3

Tunggal maysa nga addaan iti daytoy a namnama ken ni Cristo, masapul nga agbiag a nadalus a kas ken ni Cristo a nadalus.