San Juan 17:15 - Ti Baro a Naimbag a Damag Biblia

¹⁵ Diak dawaten nga ipanawmo ida ditoy lubong, no di ket salaknibam ida iti Managdakdakes.

Ti Biblia (1973)

¹⁵ Diac dawaten nga iccatem ida ditoy lubong, no di ket igagam coma ida iti dakes.

San Juan 17:15 Iomraidhean Croise

Genesis 48:16

Sapay koma ta bendisionan ida ti anghel a nangispal kaniak iti amin a dakes! Sapay koma ta agbiag kadakuada ti naganko ken ti nagan da ammak nga Abraham ken Isaac. Adunto koma ti annak ken kaputotanda.”

1 Cronicas 4:10

Nagkararag ni Jabes iti Dios ti Israel ket kinunana: “Bendisionannak, O Dios, ket ikkannak iti adu a daga. Tarabayennak ket yadayonak iti aniaman a kinadakes a pakaigapuan ti pagrigatak.” Ket inted ti Dios ti dinawatna.

Dagiti Salmo 121:7

Ilisinakanto ti Apo iti amin a peggad; aywanannakanto tapno awan pakaan-anoam.

Dagiti Salmo 30:9

“Ania ti magun-odmo iti ipapatayko? Ania ti imbag a magun-od iti pannakaitanemko? Maidaydayawdaka kadi dagiti natay? Maiwaragawagda aya ti imbagmo a di agsarday?

Eclesiastes 9:10

Iti aniaman nga aramidmo, ipakatmo ti amin a kabaelam, gapu ta iti daga dagiti natay a papanam, dikanto agtrabaho wenno agpanunot ken awanto ti banag a pangusaram iti ammom wenno kinasiribmo.

Isaias 57:1

Matay dagiti naimbag a tattao ket awan ti makaawat wenno mangitaltalek. Ngamin, no matayda, maipanawda tapno mayadayoda iti didigra.

San Mateo 5:37

Kastoy laeng ti kunayo: no wen, ‘Wen;’ no saan, ‘Saan,’ ta agtaud iti Managdakdakes ti aniaman nga inayonyo.”

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

San Lucas 11:4

Pakawanennakami kadagiti basbasolmi, Ta pakawanenmi met dagiti amin a nakabasol kadakami. Dinakam iturong iti nakaro a pakasuotan.’”

San Lucas 22:32

Ngem inkarkararaganka, Simon, tapno saan a mapukaw ti pammatim. Inton agsublika kaniak, masapul a papigsaem dagiti kakabsatmo.”

2 Taga-Tesalonica 3:3

Ngem mapagtalkan ti Apo. Papigsaen ken salaknibannakayto iti Managdakdakes.

2 Timoteo 4:8

Ita, agur-urayen kaniak ti gunggona ti balligi, ti korona ti kinalinteg nga ited ti Apo, ti nalinteg nga Ukom, iti dayta nga Aldaw—ket saan la nga agpaay kaniak no di ket kadagiti amin a siaayat nga agur-uray iti yaayna.

1 Juan 5:18

Ammotayo a di agbasol ti anak ti Dios, ket saan a dangran ti Managdakdakes, ta salakniban ti Anak ti Dios.

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.