San Juan 17:11 - Ti Baro a Naimbag a Damag Biblia

¹¹ Ita, umayakon kenka, Nasantoan nga Ama. Awanakon iti lubong, ngem addada iti lubong. Aywanam ngarud ida babaen iti pannakabalin ti naganmo nga intedmo kaniak tapno agmaymaysada a kas kadata.

Ti Biblia (1973)

¹¹ Ket awanacon iti lubong; ket dagitoy addada iti lubong, ket umayac kenca. Ama a Nasantoan! aywanam iti naganmo dagiti intedmo caniac, tapno agmaymaysada, a cas cadata.

San Juan 17:11 Iomraidhean Croise

Dagiti Salmo 79:9

Tulongannakam, O Dios ket isalakannakami; ispalennakami ket pakawanem dagiti basbasolmi tapno ti dayawmo maitandudo.

Dagiti Proverbio 18:10

Mayarig ti Apo iti nalagda a torre a mabalin a kamangan ti nalinteg ket awan ti pakaan-anoanna.

Isaias 27:3

“Siak ti mangtartaripato iti daytoy a kaubasan. Sibsibogak. Aldaw-rabii a guardiaak tapno awan ti mangan-ano.

Isaias 64:2

Agtigergerda a kas iti danum nga agburburek iti dumardarang nga apuy. Umayka ket ipakitam kadagiti kabusormo ti pannakabalinmo. Pagtigergerem dagiti nasion iti imatangmo.

Jeremias 14:21

Laglagipem dagiti karim ket dinakam laisen dimo ibabain ti Jerusalem a yan ti nagloriaan a tronom. Tungpalem ti nakitulagam kadakami.

Jeremias 14:7

Umasug kaniak dagiti tattaok a kunkunada, ‘Uray no agsaksi dagiti basolmi iti maibusor kadakami, tulongannakam kadi, O Apo, kas inkarim. Namin-adun a naglikudandaka; nagbasolkami kenka.

Ezekiel 20:22

Ngem diak inaramid daytoy ta diak kayat a madadael ti naganko iti imatang dagiti pagilian a nakakita iti panangiruarko kadagiti Israelita idiay Egipto.

Ezekiel 20:44

Dakayo nga Israelita, maammoanyonto a siak ti Apo ta diak ipatay ti dusa a kas maitutop kadagiti dakes ken naalas nga aramidyo, ngem salaknibak ti dayawko.” Daytoy ti kuna ti Apo a Dios.

Ezekiel 20:9

Ngem diak inaramid daytoy, ta diak kayat a madadael ti naganko; ngamin, imbagak kadagiti Israelita iti imatang dagiti tattao a pakipagnaedanda, nga iruarko ida iti Egipto.

San Mateo 10:16

“Dumngegkayo! Ibaonkayo a kas karnero iti ayan ti arban dagiti lobo. Ngarud, masapul a nasiribkayo a kas iti uleg ken naamokayo a kas iti kalapati.

San Mateo 5:48

Masapul ngarud nga awan pagkuranganyo a kas ken ni Amayo sadi langit nga awan pagkuranganna.”

San Mateo 6:9

Kastoy ngarud ti panagkararagyo: ‘Amami sadi langit: Madaydayaw koma ti nasantoan a naganmo;

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 13:3

Ammo ni Jesus nga inted ti Ama kenkuana ti amin a pannakabalin. Ammona met a naggapu iti Dios ket agsublinto iti Dios.

San Juan 14:20

Inton dumteng dayta nga aldaw, maammoanyonto nga addaak ken ni Amak, ket addakayo met kaniak, kas iti kaaddak kadakayo.

San Juan 16:28

Naggapuak iti Ama ket immayak ditoy lubong. Ita, panawakon ti lubong ket agsubliak iti Ama.”

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 17:6

“Impakaammoka kadagiti tattao nga intedmo kaniak ditoy lubong. Kukuam ida, ket intedmo ida kaniak. Tinungpalda ti saom,

San Juan 7:33

Kinuna ngarud ni Jesus, “Makipagyanak pay kadakayo iti bassit a tiempo. Kalpasanna, agsubliakton iti nangibaon kaniak.

Dagiti Aramid 3:21

Masapul nga agtaeng sadi langit agingga iti tiempo a pannakapabaro ti amin kas impakaammo ti Dios babaen kadagiti nasantoan a profetana kadagidi immun-una nga aldaw.

Taga-Roma 12:5

Kasta met a nupay adutayo, maymaysatayo a bagi ken ni Cristo. Napagkakamangtayo a kas iti nadumaduma a paset ti bagi.

Taga-Roma 9:17

Ta kuna ti Nasantoan a Surat iti Faraon nga ari ti Egipto, “Pinagbalinka nga ari tapno sika ti mangipakita iti pannakabalinko ken mangipakaammo iti naganko iti entero a lubong.”

1 Taga-Corinto 1:10

Kakabsatko, ipakpakaasik kadakayo iti nagan ni Apotayo a Jesu-Cristo nga agkaykaysakayo iti amin a sawenyo tapno dikayo mabingaybingay. Wen, naan-anay koma ti panagtutunosyo iti panunot ken panggep.

Taga-Galacia 3:28

Ngarud, awan ti pagdumaan ti Judio ken Hentil, ti tagabu ken ti siwawaya, ti lalaki ken ti babai: maymaysakayo amin ken ni Cristo Jesus.

Taga-Efeso 4:4

Adda maysa a bagi ken maysa nga Espiritu, kas iti kaadda ti maysa a namnama a nangayaban ti Dios kadakayo.

Taga-Filipos 2:9

Gapu iti daytoy, intan-ok ti Dios iti kangatoan a saad, Ket intedna kenkuana ti nagan a natantan-ok ngem ti amin a nagan.

Hebreo 1:3

Ti Anak ti mangipakita iti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti mannakabalin a saona. Kalpasan ti pananggun-odna iti pannakapakawan ti basol ti sangkataoan, nagtugaw sadi langit iti makannawan ti Kangatoan a Pannakabalin.

Hebreo 9:24

Ta saan a simrek ni Cristo iti Nasantoan a Disso nga aramid ti tao ken ladawan laeng ti napaypayso a disso. Simrek ketdi sadi langit a yanna ita iti sangoanan ti Dios gapu kadatayo.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

1 Pedro 1:5

Agpaay dagitoy kadakayo. Babaen iti pammati, aywanannakayo ti Dios agingga a dumteng ti pannakaisalakan a naisagana a maipaduyakyak iti kamaudianan a tiempo.

1 Juan 3:12

Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.

San Judas 1:1

Kadakayo nga inayaban ti Dios ken agbibiag iti ayat ti Dios Ama ken iti panangsalaknib ni Jesu-Cristo: Sapay koma ta adda kadakayo ti naan-anay nga asi, talna ken ayat. Naggapu daytoy a surat ken ni Judas nga adipen ni Jesu-Cristo ken kabsat ni Santiago.

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 19:12

Kasla gumilgil-ayab nga apuy dagiti matana ket adu ti korona iti ulona. Naisurat ti naganna iti bagina, ngem isu laeng ti makaammo iti kaipapananna.

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”