San Juan 16:27 - Ti Baro a Naimbag a Damag Biblia

²⁷ Ay-ayatennakayo a mismo ti Ama, agsipud ta ay-ayatendak ken patienyo a naggapuak iti Dios.

Ti Biblia (1973)

²⁷ Ta ni met laeng Ama ayatennacayo, gapu ta dacayo inayatdac ket pinatiyo a naggapuac iti Dios.

San Juan 16:27 Iomraidhean Croise

Sofonias 3:17

Adda ti Apo a Diosmo iti dennam; ti bilegna ti mangted kenka iti balligi. Agrag-onto ket sika ti pagragsakanna, Ikkannakanto iti baro a biag ta ay-ayatennaka. Agkantanto a siraragsak gapu kenka,

San Mateo 10:37

“Ti dakdakkel ti panagayatna iti amana wenno iti inana ngem ti panagayatna kaniak, saan a maikari nga agbalin nga adalak; ti dakdakkel ti panagayatna kadagiti annakna ngem ti panagayatna kaniak, saan a maikari nga agbalin nga adalak.

San Juan 14:21

“Ti umawat ken mangtungpal kadagiti bilbilinko, isu ti agayat kaniak. Ti agayat kaniak, ayatento ni Amak; ayatekto met ken agparangakto kenkuana.”

San Juan 14:23

“Ti agayat kaniak, tungpalennanto dagiti saok,” insungbat ni Jesus. “Ayatento ni Amak, ket siak ken ti Ama umaykamto agtaeng kenkuana.

San Juan 16:30

Ita, maawatanmin nga ammom amin. Saanmo a masapul ti uray siasinoman nga agsaludsod kenka. Daytoy ti gapuna a naggapuka iti Dios.”

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

San Juan 2:11

Inaramid ni Jesus daytoy umuna a milagro idiay Cana, maysa nga ili ti Galilea. Impakitana ti dayagna sadiay, ket namati kenkuana dagiti adalanna.

San Juan 3:13

Ket awan ti immuli sadi langit malaksid ti Anak ti Tao a bimmaba manipud langit.

San Juan 7:29

Am-ammok ti nangibaon kaniak ta naggapuak kenkuana.”

San Juan 8:42

“No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

Taga-Roma 8:3

Inaramid ti Dios ti saan a kabaelan nga aramiden ti Linteg gapu iti kinarasi ti tao. Inukomna ti basol ti kinatao. Imbaonna ti mismo nga Anakna nga addaan iti naintaoan a kasasaad tapno pukawenna ti basol.

1 Taga-Corinto 15:47

Naaramid iti tapok ti umuna nga Adan. Naggapu sadi langit ti maikadua.

1 Taga-Corinto 16:22

Mailunod koma ti siasinoman a di agayat iti Apo! Maranatha—Umayka, Apomi!

2 Taga-Corinto 5:14

Iturayannakami ti ayat ni Cristo, ta mabigbigmi a natay ti maysa a tao nga agpaay iti amin, kayatna a sawen, nairaman ti amin a tattao iti ipapatay ni Cristo.

Taga-Galacia 4:4

Ngem idi dimtengen ti tumutop a tiempo, imbaon ti Dios ti mismo nga Anakna. Immay a nayanak iti babai; nagbiag iti babaen ti Linteg dagiti Judio

Taga-Efeso 6:24

Sapay koma ta adda ti parabur ti Dios kadagiti amin a di agressat ti panagayatna ken ni Apotayo a Jesu-Cristo.

1 Timoteo 1:15

Pudno daytoy a pagsasao a rumbeng nga awaten ken patien: Immay ni Cristo Jesus ditoy lubong tapno isalakanna dagiti managbasol. Siak ti kadadaksan kadakuada.

Hebreo 12:6

Ngamin, babalawenna ti ayatenna ken saplitenna ti awatenna a kas anakna.”

1 Pedro 1:8

Ay-ayatenyo nupay diyo nakita. Uray ita, mamatikayo kenkuana nupay saanyo a makita, ket agrag-okayo iti dakkel ken nagloriaan a ragsak a di mayebkas,

1 Juan 4:19

Agayattayo agsipud ta immuna nga inayatnatayo ti Dios.

Paltiing 3:19

Babalawek ken dusaek ti amin nga ay-ayatek. Agregtaka ngarud ket agbabawika kadagiti basbasolmo.

Paltiing 3:9

Denggem, no maipanggep iti bunggoy nga agdaydayaw ken ni Satanas, dagita nga ulbod ken agpamarang a Judioda, ibaonko ida kenka tapno agrukbabda iti sakaanam ket maammoandanto amin nga ay-ayatenka.