San Juan 16:21 - Ti Baro a Naimbag a Damag Biblia

²¹ Agdanag ti babai no agpasikalen, ta dimtengen ti oras a panagsagabana, ngem no maipasngaynan ti ubing, malipatannan ti rigatna gapu iti ragsakna ta nayanak ti maysa a maladaga ditoy lubong.

Ti Biblia (1973)

²¹ Ti babai, no aganac, adda ladingitna, ta dimteng ti horasna; ngem inton naipasngayna ti ubing, saanna a malagipen ti rigat, gapu iti rag-o, ta nayanac ti maysa a tao itoy lubong.

San Juan 16:21 Iomraidhean Croise

Genesis 3:16

Kinunana iti babai, “Paaduekto ti rigat a sagabaem bayat ti panagsikogmo. Ket ad-addanto pay inton dumteng ti panagpasikalmo. Nupay kasta, kasapulamto latta ti asawam ngem iturayannakanto.”

Ti Libro ni Job 11:16

Malipatamton ti amin a rigatmo kas layus a naglabas, saanen a malagip.

Dagiti Salmo 113:9

Ikkanna iti balay ti lupes nga asawa, pagbalinenna a naragsak nga ina. Madaydayaw ti Apo!

Isaias 13:8

Agkullayawdanto iti buteng ket agrigatdanto a kas iti agpasikal. Sibubutengdanto nga agkikinnita ket makitanto iti rupada ti pannakalapunosda iti bain.

Isaias 21:3

Gapu iti nakita ken nangngegko iti parmata, nalapunosak iti buteng. Nakariknaak iti ut-ot a kasla iti ut-ot ti agpasikal.

Isaias 66:7

“Mayarig ti nasantoan a siudadko iti ina a kellaat a nangipasngay iti anak a lalaki, a pulos a di nagpasikal.

Mikias 4:10

Agtiritirkayo iti ut-ot ket agasugkayo, dakayo a tattao ti Jerusalem, a kas iti babai a dandani agpasngay. Ita, masapul a panawanyo ti siudad ket inkayo agnaed iti away. Masapul nga inkayo idiay Babilonia. Sadiayto ti pakaispalanyo, ket isalakannakayto ti Apo kadagiti kabusoryo.

Mikias 4:9

Apay nga aganug-ogka? Apay a kaska la agpasikal a makarikna iti ut-ot? Gapu kadi ta awan ti arim ken natayen dagiti mamalbalakad kenka?

Taga-Galacia 4:27

Ta kuna ti Nasantoan a Surat: “Agragsakka, babai nga awanan anak! Agpukkaw ken agdir-ika iti rag-o, Sika a di pay nakarikna iti rigat ti agpasikal! Ta ad-adunto ti anak ti babai a nabaybay-an Ngem ti babai nga adda iti denna ti asawana.”

1 Taga-Tesalonica 5:3

Inton kuna dagiti tattao, “Nagtalna ken nagtalged ketdin,” isunto metten a kellaat nga agdissuor kadakuada ti pannakadadael. Kellaatto nga umay a kas iti rigat ti maysa a babai nga agpaspasikal. Ket awanto ti makalisi.