San Juan 16:20 - Ti Baro a Naimbag a Damag Biblia

²⁰ Ibagak ti pudno kadakayo: Agsangit ken agdung-awkayto, ngem agragsakto ti lubong. Agladingitkayo ngem agbalinto a ragsak ti ladingityo.

Ti Biblia (1973)

²⁰ Pudno, pudno, cunac cadacayo nga agsangitcayto ket agsainneccayto; ngem ti lubong agragsacto: Naladingitcayto, ngem ti ladingityo agbalinto a rag-o.

San Juan 16:20 Iomraidhean Croise

Ti Libro ni Job 20:5

awan ti managdakdakes a nagbayag ti ragsakna.

Dagiti Salmo 30:11

Pinagbalinmo a rag-o ti dung-awko; inikkatmo ti panesko, ket kinawesannak iti ragsak.

Dagiti Salmo 30:5

Apagdarikmat laeng ti pungtotna; ngem saan nga agpatingga ti kinaimbagna. Mabalin nga iti rabii adda sangsangit, ngem iti bigat, ragsak ti sumukat.

Dagiti Salmo 97:11

Agraniag ti silaw kadagiti nalinteg; adda rag-o a maipaay kadagiti naimbag a tattao.

Isaias 12:1

Dumtengto ti aldaw nga ikanta ti tunggal tao: “Idaydayawka, O Apo; nupay nakapungtotka kaniak bimmaaw ti pungtotmo ket ita, liwliwaennak.

Isaias 61:3

a mangted iti rag-o ken ragsak a di ket liday kadagiti agdungdung-aw iti Sion; mangted iti kanta a pagdaydayaw a saan ket a naladingit a kanta. Mayarigdanto kadagiti kaykayo nga immula ti Apo. Nalintegto ti aramid ti tunggal maysa, ket maidaydayawto ti Dios gapu iti aramidna.

Isaias 66:5

Dakayo nga agbuteng ken agtulnog iti Apo, denggenyo ti kunana, “Agsipud ta napudnokayo kaniak, guraendakayo ti sumagmamano kadagiti kailianyo, ket awan ti panangikankanoda kadakayo. Rabrabakendakayo ket kunada, ‘Kayatmi a makita a naragsakkayo; ngarud, ipakita koma ti Apo ti kinatan-okna ket isalakannakayo.’ Ngem isudanto ti maibabain!

Jeremias 31:25

Pabaroekto ti pigsa dagiti nautoyan ket bussogekto dagiti napakapsutan iti bisin.

San Mateo 21:38

“Ngem idi makita dagiti makitaltalon ti anak ti akinkukua iti kaubasan, kinunada iti maysa ken maysa, ‘Daytoyen ti agtawid! Umaykayo ta papatayentayo ket kukuatayton ti kaubasan!’

San Mateo 5:4

“Nagasat dagiti agladingit, ta liwliwaento ida ti Dios.

San Marcos 14:72

Pagammoan, nagtaraok manen ti kawitan ket nalagip ni Pedro ti kinuna ni Jesus kenkuana: “Sakbay ti maikadua a panagtaraok ti kawitan, namitlonton nga imbagam a dinak am-ammo.” Ket naganug-og gapu iti ladingitna.

San Marcos 16:10

Napan impakaammo ni Maria daytoy kadagiti kimmuykuyog ken ni Jesus. Agladladingit ken agsangsangitda. Kalpasanna, imbaon ni Jesus dagiti adalanna a mapan iti amin a lugar a mangiwaragawag iti nasantoan ken saan nga agpatingga a damag iti agnanayon a pannakaisalakan.

San Lucas 22:45

Kalpasan ti panagkararagna, timmakder ket napan iti ayan dagiti adalan. Nadanonna ida a matmaturog, ta nautoyanda iti nakaro a ladingit.

San Lucas 22:62

Rimmuar ni Pedro ket nagsangit iti nasaem.

San Lucas 23:27

Adu a tattao ti simmurot ken ni Jesus. Sumagmamano kadakuada ti babbai. Sangsangitan ken dungdung-awanda ni Jesus.

San Lucas 24:17

“Ania ti pagsarsaritaanyo bayat ti pannagnayo?” kinuna ni Jesus. Nagsardengda a malidlidayan.

San Lucas 24:21

Ninamnamami nga isu ti mangwayawaya iti Israel! Wen, ket saan la a dayta, maikatlo nga aldaw itan manipud pannakapasamak dagitoy.

San Lucas 6:21

“Nagasatkayo, dakayo a mabisin ita, ta mapnekkayto! “Nagasatkayo, dakayo nga agsangit ita, ta agkatawakayto!

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

San Juan 16:6

Ket ita ta imbagakon kadakayo, agladingitkayo.

San Juan 20:20

sana impakita kadakuada dagiti imana ken ti bakrangna. Kasta unay ti ragsak dagiti adalan iti pannakakitada iti Apo.

Dagiti Aramid 5:41

Pimmanaw dagiti apostoles iti saklang ti Sanhedrin. Kasta unay ti ragsakda ta imbilang ida ti Dios a maikari nga agsagaba iti pannakaibabain gapu ken ni Jesus.

Taga-Roma 5:11

Ngem saan la a dayta, agrag-otayo pay gapu iti inaramid ti Dios babaen ken ni Apotayo a Jesu-Cristo a namagbalin kadatayo a gagayyem ti Dios.

2 Taga-Corinto 6:10

Uray no mapaladingitankami, naragsakkami latta. Kasla napanglawkami, ngem pabaknangenmi ti adu a tattao. Kasla awanankami, ngem iti kinaagpaysona, addaankami.

Taga-Galacia 5:22

Ngem ti Espiritu pataudenna ti ayat, rag-o, talna, anus, kinamanangngaasi, kinaimbag, kinamatalek,

1 Taga-Tesalonica 1:6

Dakami ken ti Apo ti tinuladyo. Nupay kasta unay ti panagsagabayo, inawatyo ti sao a napnoankayo iti rag-o, ti rag-o nga agtaud iti Espiritu Santo.

Santiago 1:2

Kakabsatko, ibilangyo a ragsak no aglak-amkay iti amin a kita ti pakarigatan

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.

Paltiing 11:10

Maragsakanto dagiti tattao ditoy daga gapu iti ipapatay dagitoy dua. Agrarambak ken agririnnegalodanto agsipud ta natayen dagiti dua a profeta a nangyeg iti adu a panagsagaba iti sangkataoan.

Paltiing 18:7

No kasano ti kinapasindayag ken kinabarayuboyna, Kasta met ti rigat ken ladingit nga ipalak-amyo kenkuana. Ta kanayon nga ibagbagana iti bagina: ‘Naisaadak a reyna, saanak a maysa a balo. Diakto aglak-am iti ladingit uray kaano!’