San Juan 16:17 - Ti Baro a Naimbag a Damag Biblia

¹⁷ Kinuna ti sumagmamano nga adalanna kadagiti kaduada, “Ania ti kayat a sawen daytoy? Imbagana nga iti saan a mabayag, ditayton makita, ngem kalpasan met la ti bassit a tiempo, makitatayto manen? Kinunana pay, ‘Agsipud ta mapanak ken ni Amak.’”

Ti Biblia (1973)

¹⁷ Ngarud dadduma cadagiti adalanna nagsasaoda iti maysa ken maysa: Ania daytoy a cunana cadatayo; Iti apagbassit pay, ket didac makitan: ken iti apagbassit manen, ket makitadacto; ken daytoy: Gapu ta mapanac ken Ama?

San Juan 16:17 Iomraidhean Croise

San Marcos 9:10

Tinungpalda dayta a bilin, nupay nagsisinnaludsodda, “Ania ti kayat a sawen ti ‘panagungar kadagiti natay’?”

San Marcos 9:32

Ngem saan a maawatan dagiti adalanna ti kaipapanan daytoy a pannursurona ket nagamakda nga agsaludsod kenkuana.

San Lucas 18:34

Awan a pulos kadagitoy ti naawatan dagiti adalan. Nailinged kadakuada ti kaipapanan dagiti balikasna, ket dida ammo no ania ti sasawen ni Jesus.

San Lucas 9:45

Ngem dida ammo ti kaipapanan ti sinaona ta nailimed kadakuada tapno dida maawatan. Nagbutengda nga agsaludsod kenkuana maipapan iti daytoy.

San Juan 12:16

Iti dayta a tiempo, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat maipapan kenkuana ket naaramid daytoy.

San Juan 14:22

Kinuna ni Judas (saan a ni Judas Iscariote), “Apo, apay nga agparangka kadakami a saan ket nga iti lubong?”

San Juan 14:5

“Apo,” kinuna ni Tomas, “saanmi nga ammo no sadino ti papanam. Kasano ngarud nga ammomi ti dalan?”

San Juan 16:1

“Imbagak daytoy kadakayo tapno diyonto tallikudan ti pammatiyo.

San Juan 16:16

“Iti saan a mabayag, didakton makita. Ngem kalpasan met la ti bassit a tiempo, makitadakto manen.”

San Juan 16:18

Iti kasta, nagsisinnaludsodda, “Ania ti kayatna a sawen ti ‘iti saan a mabayag’? Saanmi a maawatan ti ibagbagana!”

San Juan 16:19

Gapu ta ammo ni Jesus no ania ti kayatda a saludsoden kenkuana, kinunana kadakuada, “Agsisinnaludsodkayo kadi gapu iti saok nga ‘Iti saan a mabayag, didakton makita, ngem kalpasan met la ti bassit a tiempo, makitadakto manen’?

San Juan 16:5

Ngem ita ta innakon iti nangibaon kaniak, awan kadakayo ti agsaludsod no sadino ti papanak.