San Juan 16:16 - Ti Baro a Naimbag a Damag Biblia

¹⁶ “Iti saan a mabayag, didakton makita. Ngem kalpasan met la ti bassit a tiempo, makitadakto manen.”

Ti Biblia (1973)

¹⁶ Iti apagbassit pay, ket didac makitan: ken iti apagbassit manen, ket makitadacto.

San Juan 16:16 Iomraidhean Croise

San Marcos 16:19

Kalpasan ti pannakisao ni Apo Jesus kadakuada, nayuli sadi langit, ket nagtugaw iti makannawan ti Dios.

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

San Juan 13:3

Ammo ni Jesus nga inted ti Ama kenkuana ti amin a pannakabalin. Ammona met a naggapu iti Dios ket agsublinto iti Dios.

San Juan 13:33

Annakko, bassit laengen a tiempo ti kaaddak kadakayo. Sapulendakto, ket kas iti imbagak kadagiti agtuturay a Judio, kunak met ita kadakayo, ‘Dikay makaumay iti papanak.’

San Juan 16:10

Nagbiddutda maipapan iti kinapudno, agsipud ta mapanak ken ni Ama ket didakto makitan.

San Juan 16:22

Kasta met kadakayo: Agladingitkayo ita, ngem makitakayto manen ket agragsakkayto. Wen, addanto rag-o nga awan ti siasinoman a makaikkat kadakayo.

San Juan 16:28

Naggapuak iti Ama ket immayak ditoy lubong. Ita, panawakon ti lubong ket agsubliak iti Ama.”

San Juan 16:5

Ngem ita ta innakon iti nangibaon kaniak, awan kadakayo ti agsaludsod no sadino ti papanak.

San Juan 17:13

Ita, umayakon kenka, ket sawek dagitoy ditoy lubong tapno adda kadakuada ti naan-anay a ragsakko.

San Juan 17:5

Ama, itan-oknak ita iti imatangmo, kas iti panangitan-okmo kaniak idi addaak iti dennam sakbay a naparsua daytoy lubong.

San Juan 7:33

Kinuna ngarud ni Jesus, “Makipagyanak pay kadakayo iti bassit a tiempo. Kalpasanna, agsubliakton iti nangibaon kaniak.

Dagiti Aramid 1:3

Iti las-ud ti 40 nga aldaw kalpasan ti ipapatayna, namin-adu a nagparang kadakuada iti nadumaduma a wagas a mangpaneknek a pudno a sibibiag. Nakitada ni Jesus ket sinaritana kadakuada ti maipapan iti Pagarian ti Dios.

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.