San Juan 16:11 - Ti Baro a Naimbag a Damag Biblia

¹¹ Nagbiddutda maipapan iti panangukom, agsipud ta naukomen ti agturay daytoy a lubong.

Ti Biblia (1973)

¹¹ Ken ti maipapan iti panangocom, gapu ta ti principe daytoy a lubong naocomen.

San Juan 16:11 Iomraidhean Croise

Genesis 3:15

Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

Dagiti Salmo 68:18

Ikuyogna ti adu a balud a sumang-at iti nangato a disso. Umawat kadagiti sagut nga aggapu kadagiti nasukir a tattao. Agtaengto sadiay ti Apo a Dios.

San Mateo 12:18

“Adtoy ti adipenko a pinilik, Ti ay-ayatek ken pakaay-ayoak unay. Itedkonto ti Espirituk kenkuana, Ket ipakaammonanto kadagiti amin a tattao ti yaay ti tiempo ti hustisia.

San Mateo 12:36

“Ibagak kadakayo nga inton Aldaw a Panangukom, sungbatanto ti tunggal maysa dagiti awan serserbina nga insawangna.

San Lucas 10:18

Insungbat ni Jesus, “Nakitak ni Satanas a natnag a kas kimat manipud langit.

San Juan 12:31

“Itan ti pannakaukom daytoy a lubong. Itan ti pannakaparmek ti agturay iti daytoy a lubong.

San Juan 14:30

Diak makapagbayagen a makisao kadakayo, ta umayen ti agturay iti daytoy a lubong. Saannak nga iturayan,

San Juan 16:12

“Adu pay ti ibagak kadakayo, ngem diyo pay kabaelan nga awaten ita.

Dagiti Aramid 10:42

Binilinnakam a mangikasaba iti ebanghelio ken mangpaneknek nga isu ti dinutokan ti Dios a mangukom kadagiti nabiag ken natay.

Dagiti Aramid 24:25

Ngem idi ipalpalawag ni Pablo ti maipapan iti kinalinteg, panagteppel ken ti idadateng ti Aldaw ti Panangukom, nagbuteng ni Felix ket kinunana, “Pumanawka pay laeng. Ayabankanto manen inton masangok.”

Dagiti Aramid 26:18

Lukatamto dagiti matada, ket manipud iti sipnget, iturongmonto ida iti lawag. Manipud iti pannakabalin ni Satanas, iturongmo ida iti pannakabalin ti Dios tapno babaen iti pammatida kaniak, mapakawanto dagiti basbasolda ket maibilangdanto kadagiti tattao ti Dios.’”

Taga-Roma 16:20

Iti mabiit, ti Dios a pagtaudan ti talna, parmekennanto ni Satanas. Adda koma kadakayo ti parabur ni Apotayo a Jesus.

Taga-Roma 2:16

Kas mayannurot iti Naimbag a Damag nga ikaskasabak, kastoyto ti maaramid iti dayta nga Aldaw inton ukomen ti Dios babaen ken ni Jesu-Cristo, ti amin a nalimed a pampanunot dagiti tattao.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

2 Taga-Corinto 4:4

Saanda a mamati, ta ti isipda kinullaapan ni Satanas a mangituray iti daytoy a lubong, ket dida makita ti silaw nga aggapu iti Naimbag a Damag maipapan iti dayag ni Cristo a ladawan ti Dios.

Taga-Efeso 2:2

Sinurotyo idi ti dakes a panagbiag daytoy a lubong. Pinaiturayankayo iti naespirituan a pannakabalin ti tangatang, ti espiritu a mangituray ita kadagiti tattao a saan nga agtulnog iti Dios.

Taga-Colosas 2:15

Iti dayta a krus, pinarmek ni Cristo dagiti naespirituan nga agtuturay ken pannakabalin. Impabuyana ida a sipupungo iti parada ti panagballigina.

Hebreo 2:14

Yantangay ta tattao dagitoy nga annak, kas awagna kadakuada, nagbalin met ni Jesus a tao a kas kadakuada ket nakiraman iti kinataoda. Inaramidna daytoy tapno babaen iti ipapatayna, pukawenna ti Diablo nga adda pannakabalinna ken ni patay,

Hebreo 6:2

pannursuro maipapan iti buniag ken ti seremonia ti panangipatay iti ima; ti panagungar dagiti natay ken ti agnanayon a pannakaukom.

Hebreo 9:27

Naituding a matay ti tao iti maminsan, ket kalpasanna, ukomen ti Dios.

2 Pedro 3:7

Ngem babaen iti isu met laeng a sao ti Dios, mataginayon ti agdama a langit ken daga tapno dadaelento ti apuy. Ta mapuorandanto inton dumteng dayta nga aldaw a pannakaukom ken pannakadadael dagiti awanan-dios.

1 Juan 3:8

Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.

Paltiing 1:7

Kitaenyo, umayen ni Jesus a silulugan kadagiti ulep! Makitanto ti tunggal maysa, agraman dagiti nangduyok kenkuana. Dung-awanto dagiti tattao iti amin a pagilian ditoy lubong. Maaramid koma a kasta! Amen.