San Juan 15:8 - Ti Baro a Naimbag a Damag Biblia

⁸ No agbungakayo iti adu, maidaydayaw ni Amak, ket iti kasta, agbalinkayo nga adalak.

Ti Biblia (1973)

⁸ Daytoy ti pacaidaydayawan ni Amac, nga agbungacayo ti adu, ket agbalincay coma nga adalac.

San Juan 15:8 Iomraidhean Croise

Isaias 60:21

Nalintegto ti aramid dagiti amin a tattaom, ket tagikuaendanto ti daga iti agnanayon. Immulak ida, inaramidko ida, tapno maipakita ti kinatan-okko iti amin a parsua.

Isaias 61:3

a mangted iti rag-o ken ragsak a di ket liday kadagiti agdungdung-aw iti Sion; mangted iti kanta a pagdaydayaw a saan ket a naladingit a kanta. Mayarigdanto kadagiti kaykayo nga immula ti Apo. Nalintegto ti aramid ti tunggal maysa, ket maidaydayawto ti Dios gapu iti aramidna.

Haggeo 1:8

Ita, inkayo kadagiti turod. Agpukankayo iti kayo ket bangonenyo manen ti Templo tapno maragsakanak ket agdaydayawkayo kaniak a kas rebbengna.

San Mateo 5:16

Masapul a kasta met ti panaglawag ti silawyo iti imatang dagiti tattao, tapno makitada dagiti naimbag nga aramidyo ket idaydayawda ni Amayo sadi langit.”

San Mateo 5:44

Ngem ita, ibagak kadakayo: Ayatenyo dagiti kabusoryo ket ikararaganyo dagiti mangidadanes kadakayo,

San Mateo 9:8

Idi maimatangan dagiti tattao daytoy, nagbutengda ket indaydayawda ti Dios ta intedna ti kastoy a pannakabalin iti tao.

San Lucas 6:35

Saan a kasta ti aramidenyo! Ayatenyo ketdi dagiti kabusoryo ket ipaayanyo ida iti imbag. Agpabulodkayo, ngem diyo namnamaen a masupapakankayo. No aramidenyo dagitoy, dakkelto ti gunggonayo ket annaknakayto ti Kangatoan. Ta naasi ti Dios kadagiti di makaammo nga agyaman ken kadagiti managdakdakes.

San Juan 13:35

No agiinnayatkayo, maammoanto ti amin a tao a dakayo dagiti adalak.”

San Juan 15:5

“Siak ti puon ti ubas, dakayo dagiti sanga. Ti agtaeng kaniak ket agtaengak met kenkuana, adunto ti maibungana. Ta no awanak, awan ti maaramidyo.

San Juan 8:31

Kinuna ngarud ni Jesus kadagiti Judio a namati kenkuana, “No agtalinaedkayo iti pannursurok, dakayo dagiti napaypayso nga adalak.

1 Taga-Corinto 10:31

Daytoy ti sungbatko: No adda aniaman nga aramidenyo, mangan man wenno uminumkayo, aramidenyo a pakaidayawan ti Dios.

1 Taga-Corinto 6:20

Nangina ti inggatangna kadakayo. Ngarud, aramatenyo ti bagiyo a pakaidayawan ti Dios.

Taga-Filipos 1:11

Mapnonto ti biagyo iti pudno a kinaimbag a ni laeng Jesu-Cristo ti makaaramid ket daytoy ti pakaitan-okan ken pakaidaydayawan ti Dios.

Tito 2:10

wenno takawan ida, ngem ipakitada ketdi a napudno ken mapagtalkanda, tapno iti amin nga aramidenda, idayawda ti pannursuro maipapan iti Dios a Mangisalakan kadatayo.

Tito 2:5

Managteppel ken nadalusda, naimbag a managtagibalay ken paiturayanda kadagiti lallakayda tapno awan agsao iti maibusor iti mensahe ti Dios.

1 Pedro 2:12

Agbiagkayo koma a natakneng iti imatang dagiti Hentil. Uray no kunada a managdakdakeskayo, mabigbigdanto met laeng dagiti naimbag nga aramidyo ket idaydayawdanto ti Dios inton dumteng ti Aldaw a yaayna.

1 Pedro 4:11

Siasinoman a mangasaba, masapul nga ikasabana ti sao ti Dios. Siasinoman nga agserbi, masapul nga agserbi babaen iti pigsa nga inted ti Dios kenkuana. Iti kasta, iti amin a banag, maidaydayaw koma ti Dios babaen ken ni Jesu-Cristo, nga addaan iti dayag ken pannakabalin iti agnanayon nga awan inggana. Amen.