San Juan 15:7 - Ti Baro a Naimbag a Damag Biblia

⁷ No agtaengkayo kaniak, ket agtaeng dagiti saok kadakayo, dawatenyo ti aniaman a kayatyo, ket maitedto kadakayo.

Ti Biblia (1973)

⁷ No agnaedcayo caniac, ket dagiti saoc agtaengda cadacayo, dawatenyo ti aniaman a cayatyo ket maaramidto cadacayo.

San Juan 15:7 Iomraidhean Croise

1 Ar-ari 3:5

Iti dayta a rabii, nagparang ni Yahweh kenkuana iti maysa a tagtagainep ket sinaludsodna, “Ania ti kayatmo nga itedko kenka?”

Ti Libro ni Job 22:26

Ket agtalekkanto latta iti Dios; isunto ti pagtaudan ti rag-om.

Ti Libro ni Job 23:12

Kanayon a tungpalek dagiti amin a bilinna; surotek ti pagayatanna, saan a ti tarigagayak.

Dagiti Salmo 119:11

Idulinko dagiti lintegmo iti pusok tapno saanak nga agbasol kenka.

Dagiti Salmo 37:4

Sapulem iti Apo ti pagragsakam, ket itednanto ti tartarigagayam.

Dagiti Proverbio 10:24

Magun-od ti nalinteg a tao ti aniaman a tarigagayanna, ngem lak-amen ti managdakdakes ti kabutengna unay a dumteng.

Dagiti Proverbio 4:4

isursuronak idi ni amak ket kunkunana: “Dimo liplipatan dagiti saok. Tungpalem dagiti bilinko ket agbiagkanto.

Isaias 58:8

“No aramidenyo daytoy, kaslanto init iti bigbigat ti paraburko a mangraniag kadakayo, ket mabiitto a maimbagan dagiti sugatyo. Kanayonto nga addaak kadakayo tapno isalakankayo. Ti kaaddak ti mangsalaknibto kadakayo iti sadinoman nga ayanyo.

Jeremias 15:16

Nagsaoka kaniak ket impangagko ti amin nga imbagam. Kukuanak, O Apo a Dios a Mannakabalin-amin, isut' gapuna a ti saom pinunnona ti pusok iti rag-o ken ragsak.

San Mateo 7:7

“Agdawatkayo ket maikkankayto; agsapulkayo ket makabirokkayto; agtuktokkayo ket mailukatto ti ruangan kadakayo.

San Juan 14:13

Aramidekto ti aniaman a dawatenyo iti naganko tapno maitan-ok ti Ama babaen iti Anak.

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 16:23

“Inton dumteng dayta nga aldaw, saanton a siak ti pagdawatanyo. Ibagak ti pudno kadakayo: Ited ti Ama ti aniaman a dawatenyo kenkuana iti naganko.

San Juan 8:31

Kinuna ngarud ni Jesus kadagiti Judio a namati kenkuana, “No agtalinaedkayo iti pannursurok, dakayo dagiti napaypayso nga adalak.

San Juan 8:37

Ammok a kaputotannakayo ni Abraham. Nupay kasta, kayatdak a papatayen, agsipud ta diyo awaten ti pannursurok.

Taga-Galacia 4:2

Adda dagiti mangaywan kenkuana ken manarawidwid kadagiti sanikua a tagikuaennanto agingga a dumanon ti tiempo nga inkeddeng ni amana.

Taga-Galacia 5:16

Daytoy ti kayatko a sawen: ituloyyo ti paidalan iti Espiritu, ket diyo pagustoan ti tarigagay ti kinataoyo.

Deuteronomio 6:6

Diyo lipaten dagitoy a bilin nga itedko kadakayo ita nga aldaw.

Taga-Colosas 3:16

Agtalinaed koma kadagiti pusoyo ti mensahe ni Cristo iti amin a kinabaknangna. Agsisinnuro ken agbibinnalakadkayo iti amin a kinasirib. Agkantakayo kadagiti salmo, himno ken naespirituan a kankanta, a napno ti pusoyo iti panagyaman iti Dios.

1 Juan 2:14

Nagsuratak kadakayo, annakko, agsipud ta am-ammoyo ti Ama. Nagsuratak kadakayo, amma, agsipud ta am-ammoyo ti addan manipud idi punganay. Nagsuratak kadakayo, agtutubo a lallaki, agsipud ta napigsakayo, ken agtalinaed kadakayo ti sao ti Dios ken pinarmekyo ti Managdakdakes.

1 Juan 2:27

Ngem no maipapan kadakayo, agtalinaed ti Espiritu nga inted ni Cristo ket saanyon a masapul ti sabali a mangisuro. Ta ti Espirituna ti mangisuro kadakayo iti amin. Pudno ti isurona, saan a kinaulbod. Ngarud, kas mayannurot iti pannursurona, agtalinaedkayo ken ni Cristo.

1 Juan 3:22

Ikkannatayo iti aniaman a dawatentayo, agsipud ta tungpalentayo dagiti bilbilinna ken aramidentayo ti pakaragsakanna.

1 Juan 5:14

Ditayo bumdeng nga umasideg iti Dios agsipud ta ammotayo nga itedna ti aniaman a dawatentayo no la ket mayannurot iti pagayatanna.