San Juan 15:5 - Ti Baro a Naimbag a Damag Biblia

⁵ “Siak ti puon ti ubas, dakayo dagiti sanga. Ti agtaeng kaniak ket agtaengak met kenkuana, adunto ti maibungana. Ta no awanak, awan ti maaramidyo.

Ti Biblia (1973)

⁵ Siac ti uvas, dacayo dagiti santac: ti agnaed caniac ket siac kencuana, daytoy ti agbunga ti adu: ta no awanac, awan ti mabalinyo nga aramiden.

San Juan 15:5 Iomraidhean Croise

Dagiti Proverbio 11:30

Biag ti ited ti kinalinteg, ngem babaen iti kinaranggas, maikkat ti biag.

Oseas 4:8

Bumaknangkayo gapu iti basol dagiti tattaok, ket kayatyo nga umadu pay dagiti basbasolda.

San Mateo 13:21

Ngem saan nga umuneg ti sao kadakuada ket saanda nga agbayag. Isut' gapuna a maupayda a dagus no dumteng ti rigrigat ken pannakaidadanes gapu iti sao.

San Juan 12:24

Ibagak ti pudno kadakayo: Saan nga umadu ti bukel ti trigo no di maregreg iti daga ket matay. Ngem no matay, agbunga iti adu.

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 5:19

Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

San Juan 9:33

Awan ti mabalin nga aramiden dayta a tao no saan a naggapu iti Dios.”

Dagiti Aramid 4:12

Isu laeng ti pakasarakantayo iti pannakaisalakan. Iti entero a lubong, awan sabali a nagan nga inted ti Dios kadagiti tattao a mabalintayo a pakaisalakanan.”

Taga-Roma 12:5

Kasta met a nupay adutayo, maymaysatayo a bagi ken ni Cristo. Napagkakamangtayo a kas iti nadumaduma a paset ti bagi.

Taga-Roma 6:22

Ngem ita, nawayawayaankayon iti basol, ket tagabunakayon ti Dios. Nagun-odyo ti biag a naan-anay a naidaton kenkuana, ket biag nga agnanayon ti banagna.

Taga-Roma 7:4

Kasta met kadakayo, kakabsatko. Nataykayon iti imatang ti Linteg, ta pasetnakayo ti bagi ni Cristo. Agpaaykayo itan kenkuana a napagungar tapno nabungatayo nga agserbi iti Dios.

1 Taga-Corinto 10:16

No uminumtayo iti kopa ti bendision a nagyamanantayo iti Dios, ditayo kadi mairaman iti dara ni Cristo? Ket ti tinapay a pisientayo, ditayo kadi mairaman met iti bagi ni Cristo?

1 Taga-Corinto 12:12

Mayarig ni Cristo iti maysa a bagi nga adu ti pasetna. Maysa latta a bagi uray no buklen ti nadumaduma a paset.

1 Taga-Corinto 12:27

Ngarud, baginakayo ni Cristo ket kamengna ti tunggal maysa kadakayo.

2 Taga-Corinto 13:8

Ta awan pannakabalinmi a bumusor iti pudno, ngem adda pannakabalinmi nga agserbi iti pudno.

2 Taga-Corinto 9:10

Ket ti Dios a mangted iti bukel iti agmulmula ken iti tinapay a taraon, ikkannakayto met iti amin a bukel a masapulyo ket paaduennanto tapno adunto ti apitenyo gapu iti kinamanagparaburyo.

Taga-Galacia 5:22

Ngem ti Espiritu pataudenna ti ayat, rag-o, talna, anus, kinamanangngaasi, kinaimbag, kinamatalek,

Taga-Efeso 5:9

Ta ti lawag ti mangyeg iti nawadwad a bunga ti amin a kita ti kinaimbag, kinalinteg ken kinapudno.

Taga-Filipos 1:11

Mapnonto ti biagyo iti pudno a kinaimbag a ni laeng Jesu-Cristo ti makaaramid ket daytoy ti pakaitan-okan ken pakaidaydayawan ti Dios.

Taga-Filipos 4:13

Kabaelak a sarangten ti aniaman a banag babaen iti pannakabalin nga ited kaniak ni Cristo.

Taga-Filipos 4:17

Saan a gapu ta kayatko laeng ti umawat kadagiti sagut; tarigagayak ketdi a makita ti ad-adu pay a naimbag nga aramid a mainayon iti aramidyo.

Taga-Colosas 1:10

ket agbiagkayo a kas iti pagayatan ti Apo. Aramidenyo a kanayon ti makaay-ayo kenkuana. Agbungakayo iti amin a kita ti naimbag nga aramid, ket umad-adunto ti ammoyo maipapan iti Dios.

Taga-Colosas 1:6

Mangted ti ebanghelio kadagiti bendision ket agsaksaknap iti entero a lubong. Maar-aramid met daytoy kadakayo manipud idi damoyo a mangngeg ti maipapan iti parabur ti Dios ket naammoanyo ti kinapudno daytoy a parabur.

Santiago 1:17

Aggapu sadi langit ti amin a nasayaat ken naan-anay a sagut. Wen, aggapu iti Dios a namarsua kadagiti nailangitan a silaw. Awan kenkuana ti panagbalbaliw a mamataud iti kinasipnget.

1 Pedro 2:4

Umasidegkay iti Apo. Isu ti sibibiag a bato nga imbelleng dagiti agipatpatakder ta imbilangda nga awan serserbina, ngem pinili ken impateg ti Dios.

2 Pedro 3:18

Dumur-askayo iti parabur ken pannakaammoyo ken ni Jesu-Cristo nga Apo ken Mangisalakan kadatayo. Itan-ok ken idaydayawtayo ni Cristo, ita agingga iti agnanayon! Amen.