San Juan 15:4 - Ti Baro a Naimbag a Damag Biblia

⁴ Agtalinaedkayo kaniak ket agtalinaedak met kadakayo. No saankayo a maikamang kaniak, dikayo makapagbunga a kas iti sanga a saan a maikamang iti puon.

Ti Biblia (1973)

⁴ Agiancay caniac, ket siac cadacayo. Cas ti santac saanna a mabalin ti agbunga nga isisu, no di maicamang iti uvas, casta met a dicay mabalin, no saancayo nga agtaeng caniac.

San Juan 15:4 Iomraidhean Croise

Kanta ni Solomon 8:5

“Siasino daytoy sumungad nga aggapu iti let-ang nga agkibkibinda iti ay-ayatenna?” “Riniingka iti sirok ti mansanas, iti lugar a nakaipasngayam.

Oseas 14:8

Ania pay la ti pakasapulan dagiti tattao ti Israel kadagiti didiosen idinto a siak ti mangted iti dawatda ken mangaywan kadakuada? Siak ti saleng a salinongda. Siak ti pagtaudan ti amin a bendisionda.”

San Mateo 12:33

“No nasayaat ti kayo, agbunga iti nasayaat. No saan a nasayaat ti kayo, saan a nasayaat ti bungana. Ta mailasin ti kayo gapu iti bungana.

San Lucas 8:15

Dagiti nagdisso iti nadam-eg a daga, iladawanda dagiti tattao a dumngeg iti mensahe, salimetmetanda iti naimbag ken natulnog a puso, ket agtalinaedda agingga iti agbungada.”

San Juan 14:20

Inton dumteng dayta nga aldaw, maammoanyonto nga addaak ken ni Amak, ket addakayo met kaniak, kas iti kaaddak kadakayo.

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

San Juan 6:56

Ti mangan iti lasagko ken uminum iti darak agtaeng kaniak, ket agtaengak met kenkuana.

San Juan 8:31

Kinuna ngarud ni Jesus kadagiti Judio a namati kenkuana, “No agtalinaedkayo iti pannursurok, dakayo dagiti napaypayso nga adalak.

Dagiti Aramid 11:23

Idi sumangpet ni Bernabe, naragsakan a nakakita iti parabur ti Dios kadagitoy a mamati. Binalakadanna ida nga agtalinaed a sipupudno iti Apo iti amin a pusoda.

Dagiti Aramid 14:22

Pinatibkerda dagiti mamati ket binalakadanda ida nga agtalinaed a sipupudno iti pammati. Imbagada, “Masapul nga aglasattay iti adu a rigat sakbay a sumrektay iti Pagarian ti Dios.”

2 Taga-Corinto 13:5

Sukimatenyo ti bagiyo tapno maammoanyo no pudno met laeng nga agbibiagkayo iti pammati. Awan duadua nga ammoyo nga adda ni Jesu-Cristo kadakayo—malaksid no parparawpaw ti pammatiyo.

Taga-Galacia 2:20

Iti kasta, saanen a siak ti agbibiag, no di ket ni Cristo ti agbibiag kaniak. No kasano ti panagbiagko itan, agbiagak a maipaay iti pammati iti Anak ti Dios a nagayat kaniak ken nangted iti biagna gapu kaniak.

Taga-Efeso 3:17

Agnaed koma a kanayon ni Cristo iti pusoyo babaen iti pammatiyo kenkuana. Ikararagko a mairamut ken maipasdekkayo iti ayat

Taga-Filipos 1:11

Mapnonto ti biagyo iti pudno a kinaimbag a ni laeng Jesu-Cristo ti makaaramid ket daytoy ti pakaitan-okan ken pakaidaydayawan ti Dios.

Taga-Colosas 1:23

Masapul ngarud nga agtalinaedkayo a natibker ken natalged iti pammati. Diyo itulok a magunggonkayo ket mapukawyo ti namnama a nagun-odyo idi nangngegyo ti ebanghelio. Daytoy ti ebanghelio a naikaskasaba kadagiti amin a tattao ditoy lubong. Daytoy ti gapuna a siak, ni Pablo, nagbalinak nga adipen.

Taga-Colosas 1:27

Plano ti Dios nga ipakaammo kadagiti tattaona ti palimedna. Anian a kinadayag ken kinadaeg ti palimed nga agpaay kadagiti amin a tattao: Agtaeng kadagiti puspusoyo ni Cristo, ti namnamayo a makiranud iti gloriana.

Taga-Colosas 2:6

Yantangay ta inawatyon ni Cristo Jesus a kas Apo, agbiagkayo koma a mainaig kenkuana.

1 Taga-Tesalonica 3:5

Daytoy ti gapuna nga idi saanakon a makaibtur, imbaonko ni Timoteo tapno ammoenna ti sasaaden ti pammatiyo. Madanaganak amangan no sinulisognakayon ti Diablo. No kasta ti mapasamak, awanen ti serserbi dagiti amin a nagbannoganmi.

Hebreo 10:39

Saantayo a kas kadagiti nangiwaksi iti pammatida ket napukawda. Addaantayo ketdi iti pammati ket maisalakan ti kararuatayo.

1 Juan 2:6

Ti agkuna nga agtalinaed iti Dios, masapul nga agbiag a kas iti panagbiag ni Jesu-Cristo.

2 Juan 1:9

Ti siasinoman a saan nga agtalinaed iti pannursuro ni Cristo, awan kenkuana ti Dios. Ti agtalinaed iti pannursuro, adda kenkuana ti Ama ken ti Anak.