San Juan 15:24 - Ti Baro a Naimbag a Damag Biblia

²⁴ Awan koma ti pakabasolanda no diak inaramid iti imatangda dagiti banag nga awan sabali a makaaramid. Ngem ita, nakitadan ti inaramidko ket guraendakami a dua ken ni Amak.

Ti Biblia (1973)

²⁴ No diac coma nagaramid cadacuada cadagiti ar-aramid nga awan sabali a nacaaramid, awan coma ti basolda; ngem ita nakitada ket ginurada, saan laeng a siac, no di ket ni Amac pay.

San Juan 15:24 Iomraidhean Croise

Dagiti Salmo 81:15

Agrukbab a sibubuteng dagiti gumurgura kaniak, ket saan nga agpatingga ti pannakadusada.

Exodo 20:5

Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

Dagiti Proverbio 8:36

Ti di makasarak kaniak, dangranna ti bagina, ket ti gumura kaniak, ni patay ti ayatenna.”

San Mateo 11:5

makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.

San Mateo 21:32

Ta immay kadakayo ni Juan a nangisuro iti pudno a dalan a surotenyo ket diyo pinati; ngem namati kenkuana dagiti agsingsingir iti buis ken dagiti dakes a babbai. Ket uray pay kalpasan ti pannakakitayo iti daytoy, dikay latta nagbabawi ken namati kenkuana.”

San Mateo 9:33

Apaman a napaksiat ti demonio nga adda kenkuana, nangrugin nga agsao ket nasdaaw ti tunggal maysa. Kinunada, “Ditay pay nakakita iti kastoy ditoy Israel!”

San Marcos 2:12

Iti imatangda amin, bimmangon ti lalaki, binagkatna ti iddana ket nagdardaras a nagawid. Nagsiddaawda amin, ket indaydayawda ti Dios. “Dikam pay nakaimatang iti kastoy a pasamak,” kinunada.

San Lucas 24:19

“Ania a napaspasamak?” sinaludsod ni Jesus. “Dagiti naaramid ken ni Jesus a taga-Nazaret,” insungbatda. “Maysa a profeta daytoy a tao nga imbilang ti Dios ken amin a tattao a mannakabalin iti amin a sao ken aramidna.

San Juan 10:32

“Adu ti naimbag nga aramid nga impaaramid kaniak ti Ama iti imatangyo,” kinuna ni Jesus kadakuada. “Ania kadagitoy ti gapu a panguboranyo kaniak?”

San Juan 10:37

No diak ar-aramiden dagiti aramid ni Amak, saan koma a masapul a patiendak.

San Juan 12:10

Isut' gapuna a nagtutulag dagiti panguloen a papadi a patayenda met ni Lazaro.

San Juan 12:45

Ti makakita kaniak, makitana met ti nangibaon kaniak.

San Juan 14:9

“Nabayagen a nakikadkaduaak kadakayo, Felipe, ngem dinak pay la gayam am-ammo?” insungbat ni Jesus. “Siasinoman a nakakita kaniak, nakitana metten ti Ama. Apay a kunam pay laeng nga ipakitak kadakayo ti Ama?

San Juan 15:21

Ngem aramidendanto amin daytoy kadakayo ta kukuakayo. Saanda ngamin nga ammo ti nangibaon kaniak.

San Juan 15:22

Awan koma ti pakabasolanda no saanak nga immay ken nagsao kadakuada. Ngem ita, awanen ti pagpambarda kadagiti basbasolda.

San Juan 15:23

Ti gumura kaniak, guraenna met ti Amak.

San Juan 16:9

Nagbiddutda maipapan iti basol, agsipud ta saanda a mamati kaniak.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 5:36

Ngem adda agsaksi kaniak a nangnangruna ngem ni Juan. Isu dagiti aramidko nga impaaramid kaniak ti Ama. Dagitoy nga aramid ti mangipakita nga imbaonnak ti Ama.

San Juan 6:36

“Ita, nasaokon kadakayo a nakitadakon ngem dikay met mamati.

San Juan 7:31

Nupay kasta, adu kadagiti tattao ti namati kenkuana. “Inton umay ti Cristo, agaramidto ngata iti ad-adu a milagro ngem ti inaramid daytoy a tao?” kinunada.

San Juan 9:32

Manipud pannakaparsua ti lubong, awan pay nadamag a nanglukat kadagiti mata ti tao a nayanak a bulsek.

San Juan 9:41

“No bulsekkayo, awan koma ti pakabasolanyo,” insungbat ni Jesus. “Ngem gapu ta kunayo met a makakitakayo, kayatna a sawen nga adda latta basolyo.”

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

Dagiti Aramid 2:22

“Kakabsat nga Israelita, denggenyo dagitoy innak ibalikas! Nadiosan a panggep ti nakaibaonan ni Jesus a taga-Nazaret. Napaneknekan kadagiti milagro, datdatlag ken pagilasinan nga inaramid ti Dios babaen kenkuana. Ammoyo daytoy ta naaramidda iti imatangyo.

Taga-Roma 1:30

Agpipinnadakesda. Kagurada ti Dios. Natangsit, napalangguad ken napasindayagda. Nalaingda nga agpanunot iti ad-adu pay a wagas ti kinadakes. Sukirenda dagiti nagannak kadakuada.

Deuteronomio 5:9

Dikay agrukbab wenno agdaydayaw iti uray ania nga imahen, ta siak ti Apo a Diosyo ket diak ipalubos nga adda kasalisalko. Dusaek dagiti gumura kaniak, kasta met kadagiti annakda, appokoda ken appokoda-iti-tumeng.

2 Timoteo 3:4

Mangliliput, darasudos ken natangsitdanto. Ad-addanto nga ayatenda ti nalabes a ragragsak ngem ti Dios.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.